2022 ꓘꓳꓼ 4 ꓦ 29 ꓠꓬꓲ ꓕꓯꓽ ꓴꓢꓮ ꓗꓴꓷꓼ꓾ ꓟꓲ-ꓡꓲ-ꓖ ꓗꓪ ꓙꓳˍ ꓟ Emmanuel Christian Seminary ꓗꓪ ꓟꓬ-ꓟ ꓗꓴꓷꓼ ꓗꓪ ꓐꓰ ꓡˍ ꓟ ꓤ ꓟꓶꓼ ꓤ ꓬꓲꓸ ꓪꓴꓸ ꓕꓲ ꓣꓳ ꓙꓵꓽ ꓪꓴꓸ ꓛꓴ ꓘꓳꓹ ꓟꓶ ꓡꓰ ꓡꓳ꓿
ꓬꓲꓸ ꓠꓬ ꓡꓲ-ꓢꓴ – ꓑ-ꓳꓼ ꓟ Cherry Ngwa ꓥ ꓢꓲ꓾ ꓖꓳ ꓗꓪ 4 ꓘꓳꓼ ꓢꓳ ꓗꓷ ꓗꓸ ꓠꓯꓸ M.Div (Pastoral Care and Counseling ꓢꓳ ꓚꓱꓹ ꓔꓯ ꓟꓳꓸ) ꓙꓵꓽ ꓪꓴꓸ ꓛꓴ ꓣꓴ ꓪ ꓡꓰˍ ꓟ ꓥ ꓡꓳ꓿
“ꓲ-ꓟ-ꓠꓴ-ꓡꓲ ꓢꓳ ꓦꓲ ꓗꓪ ꓐꓰ ꓥꓪ ꓐꓱ ꓶ ꓠꓬ꓾ ꓪꓴ-ꓢ ꓡꓰ ꓬꓰ ꓔꓸ ꓟ ꓵꓺ ꓖꓴ ꓟꓽ ꓓ ꓟ ꓐꓰ꓾ ꓡꓳꓸ ꓐꓲˍ ꓟ ꓚꓰꓼ ꓫꓵꓽ ꓚꓰꓼ ꓙꓰ ꓔꓯ ꓟꓳꓸ ꓢꓳ ꓟꓶ꓾ ꓥꓪ ꓚꓲꓸ ꓛꓬ ꓠꓬꓲ ꓖꓴ ꓐꓰ꓾ ꓪꓴ-ꓢ ꓚꓱꓹ ꓮ ꓡꓲ ꓚꓺ ꓠꓹ ꓟ ꓢꓷꓸ ꓠꓲꓹ ꓟꓬꓽ ꓡ ꓡꓳ꓿” ꓐꓰ ꓐꓯ ꓔꓸ ꓡꓳ꓿
ꓢꓳ ꓦꓲ ꓖꓳ ꓟ ꓗꓪ ꓡꓲ-ꓢꓴ ꓒꓽ 3 ꓣꓳ ꓢꓳ ꓔꓬ ꓟ ꓗꓪ ꓐꓰ ꓥ ꓟꓲ ꓬꓲꓸ ꓠꓬ ꓬꓲꓸ ꓪꓴꓸ ꓕꓲ ꓣꓳ ꓢꓳ ꓧꓪꓸ ꓡꓰ ꓢꓴ ꓒꓬꓱꓼ ꓡ ꓡꓳ꓿
ꓝꓸ ꓢꓲꓸ ꓟꓬꓱꓽ ꓬꓰ ꓙꓰ ꓠꓹ ꓟ ꓚꓱꓹ ꓔꓯ ꓟꓳꓸ ꓠꓬ ꓠꓯ ꓞꓲꓼ ꓦꓲ ꓕꓲ ꓟ ꓗꓪ ꓦ ꓕꓲ ꓒꓳꓹ ꓗꓪ ꓢꓯꓼ ꓖꓶ ꓖꓴ ꓟꓳꓸ ꓢꓴ ꓟꓸ ꓟ ꓟꓬꓱꓽ (resident chaplain) ꓬꓰ ꓠꓹ ꓟ ꓟꓳꓸ ꓙ ꓔꓸ ꓡꓳ꓾ ꓐꓯ ꓡꓳ꓿
ꓢꓳ ꓦꓲ ꓔꓯ ꓟꓳꓸ ꓢꓷꓸ ꓠꓲꓹ ꓫꓵˍ ꓠꓬ꓾ https://ecs.milligan.edu/ ꓗꓪ ꓡꓳꓸ ꓛꓳꓽ ꓪ ꓓ ꓡꓳ꓿
Photos: Cherry Ngwa, Emmanuel Christian Seminary
