ꓮ-ꓥꓰ ꓠꓳ-ꓟ-ꓢꓯꓸ ꓠꓬ ꓲ-ꓓꓲ-ꓬ ꓗꓴꓷꓼ ꓗꓪ ꓔꓬ ꓟ ꓡꓲ-ꓢꓴ ꓐꓴ ꓗꓳ ꓡꓳ ꓗꓪ ꓐꓰ PhD ꓬꓲꓸ ꓪꓴꓸ ꓢꓳ ꓧꓪꓸ ꓡꓰ ꓢꓴ ꓒꓬꓱꓼ ꓡ ꓡꓳ꓿
ꓬꓴꓸ ꓔꓯ Rajiv Gandhi University (RGU) ꓗꓪ ꓐꓰ 2024 ꓘꓳꓼ 11 ꓦ 30 ꓠꓬꓲ ꓕꓯꓽ ꓙꓵꓽ ꓪꓴꓸ ꓛꓴꓽ ꓖꓶ ꓗꓷ ꓡꓳ꓿
ꓬꓲꓸ ꓠꓬ ꓞꓳ ꓤ ꓟꓸ ꓟꓲꓽ ꓧꓪ ꓟꓰꓹ ꓚꓱꓹ ꓢꓷꓸ ꓠꓲꓹ ( Anthropology) ꓗꓪ ꓐꓰ꓾ ꓮ-ꓣꓴ-ꓠ-ꓛꓬ ꓟꓵꓽ ꓗꓪ ꓔꓬ ꓟ ꓡꓲ-ꓢꓴ ꓐꓴ ꓗꓳ ꓡꓳ ꓗꓪ ꓤ ꓦꓵ ꓠꓱ ꓦꓵ ꓟꓸ ꓚꓱꓹ “Status on Maternal and Child Health among the Lisu of Arunachal Pradesh” ꓟꓸ ꓟꓲꓽ ꓔꓯ ꓟꓳꓸ ꓧꓪ ꓟꓰꓹ ꓢꓲꓸ ꓕꓳ ꓶ ꓐꓳ ꓗꓷ ꓟ ꓥ ꓡꓳ꓿
ꓬꓲꓸ ꓐꓹ ꓐ ꓟꓹ ꓟ ꓐꓴ ꓠꓬ ꓦ ꓟꓲ ꓬꓰ ꓜꓽ ꓢꓴ ꓥ ꓡꓳ ꓐꓯ ꓥ ꓟꓲ꓾ ꓬꓲ. ꓠꓬ ꓕꓱ ꓡꓱ ꓟꓴ ꓕꓲꓸ ꓢꓷꓸ ꓠꓲꓹ ꓢꓳ ꓧꓪꓸ ꓡꓰ ꓟ ꓑꓶꓸ ꓓꓴ ꓮ ꓙꓵꓽ ꓢꓴ ꓐꓱ ꓶ ꓠꓲꓹ ꓡꓱ ꓔꓯꓺ ꓢꓳ ꓓꓴ ꓒꓬꓱꓼ ꓡ ꓡꓳ꓿
ꓮ. ꓓꓲ: ꓠꓲꓹ ꓘꓪꓽ ꓫꓵ ꓓꓴ ꓥꓳ꓿
ꓪꓴ-ꓢ ꓟꓬꓱ ꓓꓳꓽ꓾ ꓫꓵꓽ ꓟꓬꓱ ꓓꓳꓽ꓾ ꓡꓲ-ꓢꓴ ꓟ ꓐꓴ ꓢꓯꓼ ꓩꓴ ꓡ ꓚꓱꓹ ꓐꓱ ꓶꓽ ꓥꓳ꓿