KBZ ꓒꓴ ꓞꓳꓽ ꓦꓲ ꓙꓵꓽ ꓢꓴ Nang Lang Khan ꓔꓯ Yango Airport KW ꓚꓲꓺ ꓚ

ꓬꓲꓸ ꓢꓯꓼ ꓠ ꓠꓹ ꓓꓴ

Video News

KBZ ꓒꓴ ꓞꓳꓽ ꓦꓲ ꓙꓵꓽ 2 ꓣꓳ ꓕꓲ ꓣꓳ ꓟ ꓬꓥ-ꓖꓳꓥ ꓙꓱ ꓦꓲ ꓠꓽ ꓔꓶꓸ ꓗꓪ ꓕꓲ ꓑꓹ ꓚꓲꓸ ꓚ ꓪ ꓡꓰꓳ

May 10, 2022TheLisuTimes

KBZ ꓒꓴ ꓞꓳꓽ ꓦꓲ ꓙꓵꓽ 2 ꓣꓳ ꓕꓲ ꓣꓳ ꓟ ꓠꓹ-ꓡꓮꓲꓽ-ꓘꓮꓟꓸ ꓔꓯ ꓮꓽ ꓟꓲ 2022 ꓘꓳꓼ 5 ꓦ 9 ꓠꓬꓲ ꓕꓯꓽ ꓬꓥ-ꓖꓳꓥ ꓙꓱ ꓦꓲ ꓠꓽ ꓖꓴ ꓗꓪ ꓕꓲ ꓑꓹ ꓚꓲꓸ ꓚ ꓪ ꓡꓰꓳ ꓐꓰ ꓓꓳꓽ ꓓꓳ ꓡ ꓡꓳ꓿

ꓠꓯꓼ 8 ꓙꓵꓹ ꓕꓯ ꓬꓥ-ꓖꓳꓥ ~ ꓐ-ꓗꓳꓼ ꓗꓪ ꓔꓴ ꓙꓰˍ ꓟ ꓐꓬꓱ ꓦꓲ 8ꓟ-335 ꓗꓪ ꓜꓶꓽ ꓓꓴ ꓕꓵꓼ ꓡꓵꓸ ꓙꓽ ꓖꓶꓽ ꓢꓲꓸ ꓡꓳꓸꓔꓬ ꓕꓲꓽ ꓑꓹ ꓛꓽ ꓒꓽ ꓟꓯꓼ ꓠꓰ ꓠꓺ ꓠꓬꓲ ꓓꓴ ꓙꓳˍ ꓥ ꓐꓯ ꓢꓲꓸ ꓧꓳꓽ ꓙꓰˍ ꓟ ꓥ ꓡꓳ꓿

ꓜꓽ ꓟꓽ ꓓ ꓐꓯ ꓔꓸ ꓟ ꓧꓪꓽ ꓕꓱꓹ ꓗꓸ ꓜꓽ ꓢꓲꓸ ꓬꓥ-ꓖꓳꓥ ꓗꓪ  50 ꓣꓳ ꓖꓳꓻ ꓔꓬ

May 10, 2022TheLisuTimes

ꓬꓥ-ꓖꓳꓥ꓾ ꓓ-ꓖꓳ ꓡꓳ ꓒꓱ ꓫꓵꓼ꓾ ꓬꓪꓮ-ꓔ-ꓙꓰꓸ ꓗꓪ ꓜꓽ ꓟꓽ ꓓ ꓐꓯ ꓔꓸ ꓟ ꓧꓪꓽ ꓕꓱꓹ ꓗꓸ (sausage) ꓜꓽ ꓢꓲꓸ 50 ꓣꓳ  ꓖꓳꓻ ꓬꓲꓼ ꓔꓬ ꓡꓳ꓿ 

2022 ꓘꓳꓼ 5 ꓦ 9 ꓠꓬꓲ ꓟꓶ ꓘꓶꓼ ꓗꓪ ꓧꓪꓽ ꓕꓱꓹ ꓗꓸ ꓕꓲꓽ ꓕꓱꓹ 100) ꓡꓰꓽ ꓪꓴꓽ ꓡ ꓠꓬꓲꓽ ꓪꓴꓻ ꓜꓽ ꓗꓷ ꓟ ꓥ ꓢꓲ꓾ ꓖꓳꓻ ꓠꓰ ꓬꓲꓼ ꓠꓰ ꓗꓹ ꓢꓴ 50 ꓣꓳ ꓙꓳ ꓡꓳ꓿ ꓬꓲꓸ ꓪ ꓠꓬ ꓕꓮꓲꓹ ꓥꓳꓽ ꓐꓳ ꓔꓸ ꓟ ꓧꓪꓽ ꓕꓱꓹ ꓗꓸ ꓜꓽ ꓗꓷ ꓟ ꓥ ꓡꓳ꓿ꓮ ꓫꓶ ꓮ-ꓢ ꓐꓰ꓾ ꓗ-ꓬꓲ ꓟꓵꓽ ꓗꓪ ꓥ ꓟꓲ ꓕꓱ ꓡꓱ ꓖꓳꓻ ꓬꓲꓼ ꓢꓴ ꓙꓳ ꓡ ꓠꓬꓲ꓾ ꓞꓳ ꓤ ꓜꓽ ꓙꓲ ꓠ ꓫꓹ ꓔꓸꓳ ꓫꓵꓽ ꓟꓽ ꓥ ꓐꓯ ꓢꓲꓸ ꓐꓯ ꓒꓬꓱꓻ ꓔꓸ ꓟ ꓥ ꓡꓳ꓿

ꓢꓲ-ꓣꓲ-ꓡꓲ-ꓗ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓢꓲꓺ ꓓꓽ ꓟ ꓟꓬꓱꓽ ꓗꓪ ꓐꓰ ꓓꓳ ꓙꓰꓳ

May 10, 2022TheLisuTimes

2022 ꓘꓳꓼ 5 ꓦ 9 ꓠꓬꓲ ꓕꓯꓽ ꓢꓲ-ꓣꓲ-ꓡꓲ-ꓗ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓢꓲꓺ ꓓꓽ ꓟ Mahinda Rajapaska ꓟꓬꓱꓽ ꓗꓪ ꓐꓰ ꓓꓳ ꓙꓰ ꓓꓴ ꓕꓳ ꓶ ꓗꓶ ꓩꓴ ꓡ ꓡꓳ꓿

ꓬꓲꓸ ꓐꓰ ꓬꓲꓸ ꓠꓬꓲ ꓤꓽ ꓐꓴ ꓠꓬꓲꓽ ꓫꓵꓸ ꓠꓬ ꓢꓲ-ꓣꓲ-ꓡꓲ-ꓖ ꓗꓴꓷꓼ ꓔꓯ 20 ꓘꓳꓼ ꓟꓽ ꓞꓲ ꓙꓵꓽ ꓡ ꓗꓷ ꓟ ꓥ ꓡꓳ꓿ 

ꓖꓳ ꓡꓱ ꓥ ꓟꓲ 2022 ꓘꓳꓼ ꓗꓪ ꓛꓲ ꓡ ꓕꓯꓽ 1948 ꓘꓳꓼ ꓗꓪ ꓐꓰ ꓕ ꓑꓳꓸ ꓮ ꓕꓯꓽ ꓟꓽ ꓞꓲ ꓫꓸ ꓓꓰꓼ ꓬꓰ ꓡ ꓔꓬ꓾ ꓗꓴꓷꓼ ꓶ ꓡꓯꓼ ꓚꓱꓹ ꓮ ꓙꓵꓽ ꓐꓬ ꓡꓰ ꓔꓬ꓾ ꓧꓶꓽ ꓒꓽ ꓔꓯ ꓒꓴ ꓛꓵꓽ ꓔꓸ ꓟ ꓝꓱꓹ ꓟꓽ ꓘꓴ ꓗꓷ ꓡꓰ ꓡ ꓠꓬꓲ ꓑ ꓫꓬ ꓐꓴ ꓢꓴꓺ ꓔꓴ ꓡ ꓟ ꓥ ꓡꓳ꓿