ꓟꓶ-ꓚꓲ-ꓠ ꓡꓳ ꓒꓱ꓾ ꓫꓱ-ꓮꓲꓼ ꓘꓹ ꓜꓴ ꓜꓲꓼ꓾ ꓫꓱ-ꓠ-ꓓꓲ ꓫꓸ ꓜꓰꓸ ꓪꓴꓽ ꓔꓶꓸ ꓗꓪ꓾ 2022 ꓘꓳꓼ 8 ꓦ 7 ꓠꓬꓲ ꓟꓶꓼ ꓘꓶꓼ 8 ꓙꓵꓹ ꓛꓲ ꓕꓯꓽ ꓡꓲ-ꓢꓴ ꓤꓽ 2 ꓣꓳ ꓔꓯ ꓮꓸ ꓕꓽ ꓗꓸ ꓟꓶ ꓡꓰ ꓢꓲ꓾ 1 ꓣꓳ ꓫꓵꓻ 1 ꓣꓳ ꓠꓻ ꓫꓬꓹ ꓔꓬ ꓡꓳ ꓐꓰ ꓓꓳꓽ ꓜꓳ ꓡ ꓡꓳ꓿
ꓬꓲꓸ ꓙ ꓖꓴ ꓠꓬ ꓕꓱ ꓡꓱ ꓥꓳ ꓐꓰ ꓐꓯˍ ꓡꓳ꓿ ꓡꓲ-ꓢꓴ ꓤꓽ ꓠꓬꓲꓽ ꓣꓳ ꓠꓬ ꓫꓸ ꓜꓰꓸ ꓪꓴꓽ ꓔꓬ ꓟ ꓟꓶꓼ ꓡꓯꓸ ꓔꓯ ꓡꓲꓽ ꓡꓲꓽ ꓗ ꓗ ꓫꓸ ꓕꓱ ꓡꓯ ꓘꓳ ꓢꓲ꓾ ꓐꓬꓱꓽ ꓓꓱꓽ ꓟ ꓗꓪ ꓐꓰ ꓒ ꓕꓲ ꓗꓪ ꓔꓬ ꓟ ꓫꓸ ꓜꓰꓸ ꓪꓴꓽ ꓢꓴ ꓟꓶꓼ ꓡꓯꓸ ꓬꓲꓸ ꓠꓲꓹ ꓙꓽ ꓡꓰ ꓠꓲꓹ ꓢꓲꓼ ꓢꓲꓸ ꓮ ꓕꓽ ꓗꓸ ꓡ ꓟ ꓥ ꓡꓳ꓾ ꓐꓯ ꓡꓳ꓿
ꓖꓳ ꓟ ꓑꓶꓸ ꓓꓴ ꓓꓶꓸ-ꓬꓳ-ꓢꓯꓸ (30 ꓘꓳꓼ ꓛꓲ ꓡꓳꓼ) ꓔꓯ ꓡꓯ ꓓꓴꓽ ꓘꓵ ꓙꓱ ꓘꓪ ꓡꓯ ꓘꓳꓽ 2 ꓕꓷꓹ ꓡꓯꓼ ꓶꓸ 2 ꓕꓷꓹ꓾ ꓦꓰꓼ ꓟ 1 ꓕꓷꓹ꓾ ꓳ’ ꓟꓶ ꓗꓪ 1 ꓕꓷꓹ ꓗꓸ ꓜꓯꓼ ꓡꓰ ꓡꓳ꓿ ꓝꓮꓲ ꓮ-ꓒꓴ (30 ꓘꓳꓼ ꓛꓲ) ꓔꓯ ꓠꓬ ꓳ’ ꓟꓶꓽ ꓗꓪ ꓕꓲ ꓕꓷꓹ ꓗꓸ ꓜꓯꓼ ꓬꓰ ꓢꓲꓸ ꓟꓲꓸ ꓟꓲ 2022 ꓘꓳꓼ 8 ꓦ 8 ꓠꓬꓲ ꓠꓯꓼ ꓝꓲꓸ ꓗꓪ ꓟꓶ-ꓚꓲ-ꓠ ꓠꓯ ꓞꓲꓼ ꓦꓲ ꓗꓪ ꓠꓻ ꓓꓴ ꓖꓳ ꓟ ꓑꓶꓸ ꓓꓴ ꓢꓯꓼ ꓟꓬ ꓡꓳꓹ ꓬꓰꓳ꓾ ꓐꓯ ꓡꓳ꓿
“ꓮ-ꓒꓴ ꓠꓬ ꓢꓰꓼ ꓡꓯ ꓘꓳ ꓡ ꓟ ꓗꓪ ꓗꓽ ꓙ ꓟ ꓑꓶꓸ ꓓꓴ ꓗꓸ ꓜꓯꓼ ꓬꓰ ꓢꓲꓸ ꓢꓯꓼ ꓟꓬ ꓖꓶꓽ ꓗꓷ ꓟ ꓥ ꓡꓳ” ꓐꓰ ꓬꓲꓸ ꓫꓵꓽ ꓪꓳꓼ ꓕꓲ ꓣꓳ ꓡꓰꓽ ꓐꓯ ꓔꓸ ꓡꓳ꓿
ꓮꓸ ꓕꓽ ꓗꓸ ꓢꓴ ꓮꓳ-ꓑꓮꓲꓽ (26 ꓘꓳꓼ) ꓔꓯ ꓟꓶ-ꓚꓲ-ꓠ ꓑꓳ-ꓡꓲ ꓙꓵꓽ ꓦꓲ ꓗꓪ ꓙꓵꓽ ꓗ ꓒꓽ ꓬꓲꓸ ꓕꓲꓸ 326 ꓡꓳ ꓚ ꓐꓯ ꓟꓴ ꓩꓴ ꓔꓸ ꓡꓳ꓿
ꓐꓬꓱꓽ ꓐꓰ ꓓꓳꓽ ꓬꓲꓸ ꓚꓰ꓾ ꓰꓑꓠ꓾ Ah Phuy Gaw Moy
