ꓟꓯꓼ ꓘꓶꓽ ꓡꓲꓽ ꓡ ꓔꓬ ꓠꓬꓲ ꓟꓶ-ꓚꓲ-ꓠ — ꓑꓴ-ꓔ-ꓳ ꓙ ꓖꓴ ꓚꓱꓹ ꓔꓯ 2 ꓦ ꓒ ꓞꓰꓹ ꓑꓲꓸ ꓓꓴ ꓥꓳ ꓐꓰ ꓓꓳꓽ ꓑ ꓙ ꓡ ꓡꓳ꓿
“ꓠꓬꓲꓸ ꓠꓬꓲ 2022 ꓘꓳꓼ 2 ꓦ 22 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓑꓴ-ꓔꓳ- ꓟꓶ-ꓚꓲ-ꓠ ꓙ ꓖꓴ ꓑꓲꓸ ꓓꓴ ꓥꓳ ꓙꓳꓽ꓿ ꓟꓯꓼ ꓶ ꓤ ꓶ ꓟꓲ ꓚꓰꓹ ꓡ ꓟ ꓔꓯ ꓗꓽ ꓓꓴ ꓬꓰˍ ꓐꓶ” ꓐꓰ ꓦ ꓡꓱ ꓐꓳ ꓓˍ ꓟ ꓓꓳꓽ ꓜꓳ ꓢꓴ ꓕꓲ ꓣꓳ ꓡꓰ ꓐꓯˍ ꓡꓳ꓿
ꓢꓲ-ꓑꓲ-ꓬ ꓒ ꓕꓲ ꓗꓪ ꓙꓳˍ ꓟ꓾ ꓫꓲ-ꓗ-ꓐꓳ ꓟꓬ-ꓟ ꓟꓯꓼ ꓦꓲ ꓔꓯ ꓑꓓꓝ ꓐꓰ ꓗꓲꓮ ꓡꓰ ꓗꓽ ꓚꓳꓸ ꓔꓸ ꓟ 3 ꓫꓵꓽ ꓠꓽ ꓙꓳ ꓡꓰ ꓢꓲ꓾ ꓖꓳ ꓟ ꓔꓯ ꓔꓺ ꓙ ꓟꓯꓼ ꓑꓴ-ꓔ-ꓳ ꓗꓪ ꓐꓰ ꓝꓲꓺ ꓩꓴ ꓡ ꓥ ꓡꓳ꓿
“ꓠꓬꓲꓸ ꓠꓬꓲ ꓠꓯꓼ ꓠꓯꓼ ꓥ ꓟꓲ ꓔ-ꓙ ꓗꓪ ꓠ ꓡꓲ 20 ꓧꓶ ꓛꓲ ꓐꓶ ꓡꓯ ꓘꓳ ꓡꓳ꓿ ꓑꓴ-ꓔ-ꓳ ꓗꓪ ꓚꓳꓸ ꓫꓶꓸ ꓡˍ ꓟ ꓟꓬ-ꓟ ꓟꓯꓼ ꓐꓴ ꓔꓯ ꓑꓓꓝ ꓐꓰ ꓗꓲꓮ ꓡꓰ ꓙ ꓖꓴ ꓗꓪ ꓗꓽ ꓐꓶˍ ꓟ ꓥꓳ” ꓐꓰ ꓓꓳꓽ ꓜꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓟꓶ-ꓚꓲ-ꓠ ꓗꓪ ꓐꓰ ꓙ ꓖꓴ ꓡꓳ ꓚ ꓟꓯꓼ ꓓꓯ ꓡ ꓫꓸ ꓠꓬꓲ꓾ ꓗꓳꓸ ꓗꓷ ꓟ ꓕꓲꓽ ꓠꓬꓲ ꓗꓪ ꓙꓱ ꓦꓲ ꓗꓪ ꓐꓰ ꓟꓯꓼ 150 ꓛꓲ ꓚꓰꓹ ꓓꓵꓽ ꓛꓲ ꓡ ꓡꓳ꓿
ꓓꓵꓽ ꓓꓳ ꓢꓴ ꓑ ꓫꓬ ꓐꓴ ꓥ ꓟꓲ꓾ ꓟꓯꓼ ꓘꓶꓽ ꓙꓳˍ ꓟ꓾ ꓙ ꓖꓴ ꓑꓲꓸ ꓔꓸ ꓟ ꓗꓪ ꓟꓽ ꓙꓰ ꓚꓳ ꓠꓹ ꓟ ꓤ ꓟꓳ ꓓꓴ ꓙꓳˍ ꓡꓳ꓿
