ꓠꓓꓮꓮ ꓗꓳꓸ-ꓗꓼ ꓟꓯꓼ ꓧꓳꓽ ꓢꓴ ꓒꓳ-ꓚꓸ-ꓫꓲꓽ ꓧꓪ ꓖꓳ ꓓꓱꓽ ꓫꓺ ꓔꓵꓸ ꓑꓮꓲ ꓔꓯ ꓠꓬꓲꓸ ꓠꓬꓲ 2022 ꓘꓳꓼ 3 ꓦ 29 ꓠꓬꓲ ꓕꓯꓽ ꓟꓮꓲꓹ-ꓡꓸ ꓡꓳ ꓒꓱ ꓗꓪ ꓬꓰ ꓪꓴꓸ ꓔꓴˍ ꓡꓳ꓿
ꓫꓺ ꓔꓵꓸ ꓑꓮꓲ ꓔꓯ 3 ꓠꓬꓲ 3 ꓦꓬꓼ ꓬꓰ ꓠꓹ ꓟ ꓥ ꓢꓲ꓾ ꓴꓪꓢꓮ꓾ ꓗꓲꓮ꓾ ꓔꓠꓡꓮ꓾ ꓮꓮ꓾ ꓠꓴꓖ꓾ ꓟꓬ-ꓟ꓾ ꓕꓮꓲꓹ꓾ ꓧꓶꓽ ꓒꓽ ꓐꓴ ꓗꓪ ꓐꓰ ꓝꓲ ꓓꓴ ꓐꓴ ꓜꓲꓼ ꓔꓬ ꓡꓳ꓿ ꓠꓴꓖ ꓡꓰ ꓢꓲꓼ ꓙꓬ ꓢꓲꓹ ꓪꓰ ꓚꓳꓻ ꓚꓡꓦ ꓖꓶ ꓔꓸ ꓡꓳ꓿
ꓗꓳꓸ-ꓗꓼ ꓟꓯꓼ ꓧꓳꓽ ꓢꓴ ꓒꓳ-ꓚꓸ-ꓫꓲꓽ ꓠꓬ 2022 ꓘꓳꓼ 2 ꓦ 16 ꓠꓬꓲ ꓕꓯꓽ ꓟꓮꓲꓹ-ꓡꓸ ꓗꓪ ꓠꓻ ꓫꓵꓳ꓿ ꓬꓲꓸ ꓫꓵꓻ ꓕꓯ 95 ꓘꓳꓼ ꓙꓳˍ ꓡꓳ꓿
ꓕꓴꓸ-ꓟꓬꓮꓼ-ꓠꓮꓲꓽ ꓜꓲꓼ ꓛꓲ ꓡ ꓟ
ꓬꓲꓸ ꓔꓯ 1931 ꓘꓳꓼ ꓕꓯꓽ ꓦꓵ ꓔꓸ ꓢꓲ꓾ ꓗꓳꓸ-ꓗꓼ ꓜꓳꓹ ꓒꓽ ꓦꓬꓼ ꓠꓬꓲ ꓗꓪ ꓟꓯꓼ ꓡꓳꓸ ꓙ ꓗꓽ ꓙ ꓢꓴ ꓕꓲ ꓣꓳ ꓥ ꓡꓳ꓿ ꓗꓸ ꓠꓯꓸ ꓚꓑꓐ- Communists Party of Burma ꓗꓪ ꓓꓵꓽ ꓢꓲꓸ ꓟꓬꓱꓽ ꓬꓰ ꓡꓳ꓿ 1989 ꓘꓳꓼ ꓗꓪ ꓟꓠꓓꓮꓮ-Myanmar National Democratic Alliance Army ꓔꓯ ꓔꓶꓺ ꓪꓴꓸ ꓔꓴ ꓢꓲꓸ ꓧꓳꓽ ꓪꓴꓸ ꓟꓴ ꓡ ꓢꓴ ꓥ ꓡꓳ꓿
ꓐꓬꓱꓽ- The kokang
