ꓗꓳ-ꓪꓰꓼ ꓗꓽ ꓠꓯ ꓞꓲꓼ 2 ꓧꓪꓹ ꓗꓯꓸ ꓓꓳ ꓢꓴ ꓐꓴ ꓠꓻ ꓚꓹ ꓟꓽ ꓛꓲ ꓛꓲ ꓟꓶ-ꓚꓲ-ꓠ ꓗꓪ ꓐꓰ ꓙꓱ ꓦꓲ ꓜꓶꓽ ꓓ ꓬꓰꓳ ꓐꓰ ꓙꓱ ꓦꓲ ꓙꓵꓽ ꓚꓱꓹ ꓙꓵꓽ ꓪ ꓙꓳ ꓢꓴ ꓳ-ꓢꓳꓸ-ꓠꓱꓼ-ꓒꓼ-ꓦꓲꓸ-ꓜꓯꓽ ꓡꓰ ꓐꓯ ꓡꓳ=
“ꓠꓻ ꓗꓽ ꓠꓯ ꓞꓲꓼ 2 ꓧꓪꓹ ꓗꓯꓸ ꓓꓳ ꓢꓴ꓾ 14 ꓠꓬꓲ ꓐꓲ ꓡꓰ ꓢꓴ ꓮ ꓙꓵꓽ ꓠꓬ ꓗꓳ-ꓪꓰꓼ ꓚꓹ ꓟꓽ ꓛꓲ= ꓠꓱꓸ ꓐꓯꓼ ꓢꓴ ꓙꓱ ꓦꓲ ꓜꓶ ꓠꓲꓹ ꓫꓵ ꓢꓴ ꓐꓴ ꓔꓯ ꓠꓬ꓾ ꓙꓱ ꓦꓲ ꓠꓽ ꓔꓶꓸ ꓗꓪ ꓬꓲꓸ ꓒꓵꓽ ꓟꓽ ꓐꓯ ꓐꓯ ꓚꓹ ꓖꓶ ꓔꓬ ꓥ” ꓐꓰ ꓬꓲꓸ ꓡꓰ ꓐꓯ ꓡꓳ=
ꓧꓶꓸ ꓕꓯ ꓠꓬ ꓚꓹ ꓒꓵꓽ ꓕꓲ ꓣꓳ ꓐꓱ ꓶ 10000 ꓒꓯꓼ ꓖꓶ ꓠ ꓔꓸ ꓥ ꓟꓲ꓾ ꓮ ꓟꓶ ꓠꓬ ꓖꓳ ꓡꓱ ꓖꓶꓽ ꓟꓽ ꓛꓲ ꓬꓰꓳ ꓐꓯ ꓡꓳ=
ꓟꓬ-ꓟ ꓗꓴꓷꓼ ꓗꓪ ꓗꓳ-ꓪꓰꓼ ꓠꓻ ꓗꓽ ꓠꓯ ꓞꓲꓼ 2 ꓧꓪꓹ ꓒ ꓐꓲ ꓗꓯꓸ ꓓꓳ ꓢꓴ 118 ꓢꓯꓹ ꓣꓳ ꓕꓯ ꓢꓲ ꓙꓳ ꓡꓳ ꓐꓰ ꓖꓳ ꓓꓱ ꓔꓬ ꓢ ꓚꓱꓹ ꓙꓵꓽ ꓜꓴ ꓗꓪ ꓐꓰ ꓐꓯ ꓔꓸ ꓡꓳ=
