ꓐ-ꓖ-ꓡ ꓬꓲ ꓡꓴꓽ ꓐꓱ ꓐꓶꓽ ꓓꓳ ꓬꓲꓻ ꓟꓶ ꓕꓲ ꓟꓵꓽ ꓗꓪ ꓪꓴꓸ ꓔꓴ ꓢꓲꓸ ꓙꓶꓼ ꓡ ꓔꓬ ꓟ ꓟꓲ ꓦꓲ ꓕꓳꓽ ꓥꓳꓽ ꓮ-ꓢꓲ-ꓠꓰ ꓠꓬ ꓡ ꓠꓹ ꓟ 2 ꓦꓬꓼ ꓗꓪ ꓟꓬ-ꓟ ꓟꓵꓽ ꓗꓪ ꓙꓶꓼ ꓓꓵꓽ ꓡ ꓐ ꓡ ꓡꓳ ꓐꓰ ꓟꓵ ꓪꓴꓽ ꓟꓲ ꓦꓲ ꓚꓱꓹ ꓢꓪꓼ ꓢꓴ ꓐꓴ ꓡꓰ ꓢꓪꓼ ꓓꓳ ꓡ ꓡꓳ꓿
“ꓟꓲ ꓦꓲ ꓚꓱꓹ ꓟ ꓠꓽ ꓟꓬ-ꓟ ꓗꓴꓷꓼ ꓔꓯꓸ ꓟꓳꓸ ꓡ ꓔꓬˍ ꓠꓬꓲ ꓬꓲ ꓡꓴꓽ ꓐꓱ ꓘꓶꓽ ꓐꓰ꓾ delta ꓕꓲ ꓟꓵꓽ ꓢꓴ ꓤ ꓟꓳꓐꓠ ꓔꓸ ꓥꓳ꓿ ꓕꓳꓽ ꓥꓳꓽ ꓠꓬ ꓟꓵꓽ ꓛꓱꓹ ꓗꓪ ꓓꓵꓽ ꓡ ꓕꓽ ꓢꓯꓼ ꓐꓽ ꓡꓰ ꓚꓰꓼ ꓖꓶ꓾ ꓮ ꓧꓪꓹ ꓬꓼ ꓬꓼ ꓬꓰ ꓡ ꓥꓳ ꓐꓯ ꓠꓽ ꓙꓲ ꓣꓴ ꓓꓴ ꓙꓳˍ ꓡꓳ” ꓐꓰ ꓴ-ꓡꓼ-ꓕꓴꓸ ꓡꓰ ꓐꓐꓚ ꓔꓯ ꓒꓳꓹ ꓖꓶ ꓔꓸ ꓡꓳ꓿
ꓕꓳꓽ ꓥꓳ ꓕꓱ ꓟ ꓬꓲꓸ ꓪꓴꓸ ꓬꓲꓸ ꓛꓬ ꓟꓶꓽ ꓷꓹ ꓩꓴ ꓡ ꓟ ꓗꓪ ꓐꓰ ꓟ-ꓴ-ꓑꓲ ꓡꓳ ꓒꓱ ꓗꓪ ꓟꓶꓽ ꓦ ꓓꓽ ꓟ ꓬꓯꓼ ꓔꓬ ꓡꓳ꓾ ꓐꓰ ꓓꓳꓽ ꓢꓷꓸ ꓪ ꓡꓳ꓿
2008 ꓘꓳꓼ ꓠ-ꓖꓲꓼ ꓕꓳꓽ ꓥꓳ ꓑꓶꓸ ꓓꓴ ꓟꓬ-ꓟ ꓗꓴꓷꓼ ꓬꓲꓽ ꓟ ꓬꓲ ꓡꓴꓽ ꓐꓱ ꓝꓱ ꓬꓰˍ ꓕꓲ ꓟꓵꓽ (delta area) ꓕꓲ ꓟꓵꓽ ꓗꓪ ꓔꓬ ꓢꓴ ꓑ ꓫꓬ ꓬꓲꓸ ꓢꓯꓹ ꓟꓽ ꓞꓲ ꓫꓵꓻ ꓗꓷꓳ꓿
ꓬꓲ ꓚꓰ꓾ ꓐꓐꓚ
