2021 ꓘꓳꓼ 9 ꓦ 21 ꓠꓬꓲ ꓟꓶ ꓘꓶꓼ ꓕꓯ ꓤ ꓕꓲ ꓜꓴ ꓡꓰ ꓠꓶꓸ ꓢꓲꓸ ꓢꓰꓼ ꓗꓷ ꓢꓴ ꓠꓬ ꓪꓮꓲꓹ-ꓟꓳꓽ ꓗꓪ ꓐꓰ ꓑ-ꓪ ꓡꓳ ꓒꓱ ꓗꓪ ꓡ ꓢꓲ ꓟꓬꓱꓽ ꓬꓰ ꓔꓬ ꓢꓴ꓾ ꓡꓲ-ꓢꓴ ꓟ ꓮ-ꓛ ꓟꓬꓱꓺ ꓔ ꓢꓴ ꓥ ꓡꓳ ꓐꓰ꓾ 74 ꓟꓰꓓꓲꓮ ꓡꓰ ꓐꓳ ꓔ ꓡꓳ꓿
ꓑ-ꓪ ꓖꓳ ꓕꓲ ꓟꓵꓽ ꓗꓪ ꓟꓵꓽ ꓫꓸ ꓗ ꓡꓳꓸ ꓟꓯꓼ ꓐꓴ ꓙꓵꓽ ꓔꓬ ꓟ ꓥ ꓢꓲ꓾ ꓫꓵꓽ ꓪꓴ ꓔꓯ ꓚꓲꓸ ꓚ ꓔꓬ ꓡꓳ ꓐꓯ ꓡꓳ꓿
ꓮ-ꓛ ꓔꓯ ꓢꓷꓸ ꓢꓴ ꓐꓴ ꓡꓰ ꓐꓯ ꓠꓬ ꓬꓲꓸ ꓠꓽ ꓠꓲꓹ ꓟ ꓮ ꓘꓶꓸ ꓙꓲ ꓢꓴ꓾ ꓛꓳ ꓒꓯꓹ ꓔꓯ ꓪꓽ ꓗꓴꓸ ꓢꓴ ꓥ ꓡꓳ ꓐꓰ ꓐꓯ ꓡꓳ꓿
“ꓡ ꓞꓳ ꓐꓴ ꓮ ꓫꓵ ꓑꓶꓸ ꓓꓴ ꓕꓱ ꓡꓱ ꓟꓽ ꓙꓲ ꓟ ꓟꓬꓱꓽ ꓬꓰ ꓖꓶˍ ꓡ? ꓝꓮꓲ ꓕꓲ ꓤꓶ ꓙꓳ ꓚꓰꓼ ꓥꓳ ꓐꓯ ꓕꓱ ꓡꓱꓳ ꓫꓵꓽ ꓥꓶꓸ ꓟ ꓕꓽ ꓔꓳꓹ ꓜꓳ ꓝꓲ ꓐꓰ ꓪ ꓘꓴ ꓙ ꓥꓳ꓿ ꓠꓲꓹ ꓠꓵ ꓟ ꓛꓳ ꓒꓯꓹ ꓮ-ꓛꓻꓳ꓾ ꓠꓴ ꓔꓯ ꓥꓪ ꓠꓴ ꓟꓲ ꓡꓰ ꓟꓽ ꓓ” ꓐꓰ ꓜꓳ-ꓢ (Zau San) ꓡꓰ ꓝꓮꓚꓰꓐꓳꓳꓗ ꓗꓪ ꓐꓳ ꓔ ꓡꓳ꓿
