ꓧꓶꓸ ꓕꓯꓽ ꓠꓳ-ꓪꓯ ꓗꓴꓷꓼ ꓗꓪ ꓚꓳꓸ ꓡˍ ꓟ ꓙ ꓡꓯ ꓘꓳ ꓚꓱꓹ ꓙꓼ ꓢꓷꓸ ꓠꓲꓹ ꓶ ꓡꓯꓼ ꓜꓴ Telenor ꓠꓬ ꓟꓬ-ꓟ ꓐꓰ ꓡꓲ-ꓐꓶ-ꓠꓳ ꓞꓳ ꓐꓳ ꓐꓴ ꓠꓰ ꓪꓴꓻ ꓗꓷ ꓢꓲꓸ Atom ꓐꓰ ꓬꓲꓸ ꓟꓬꓱꓺ ꓡꓶꓸ ꓓꓴ ꓥꓳ ꓐꓰ 2022 ꓘꓳꓼ 6 ꓦ 2 ꓠꓬꓲ ꓗꓪ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓖꓳ ꓟ ꓑꓶꓸ ꓓꓴ Telenor Myanmar Limited ꓗꓪ ꓐꓰ Atom Myanmar Limited ꓐꓯ ꓢꓲꓸ 5 ꓦ 30 ꓠꓬꓲ ꓗꓪ ꓡꓶꓸ ꓩꓴꓳ꓾ ꓐꓰ ꓐꓯ ꓡꓳ꓿
ꓟꓬ-ꓟ ꓗꓴꓷꓼ ꓗꓪ Telenor Myanmar ꓠꓬ ꓟꓬ-ꓟ ꓗꓴꓷꓼ ꓘꓴꓽ ꓗꓪ 8 ꓘꓳꓼ ꓛꓲ ꓶ ꓡꓯꓼ ꓟꓬꓱꓽ ꓬꓰ ꓗꓷ ꓢꓲ꓾ 2021 ꓘꓳꓼ ꓟꓯꓼ ꓠꓰ ꓗꓴꓷꓼ ꓙꓵꓽ ꓪ ꓣꓴ ꓙꓰ ꓗꓸ ꓠꓯꓸ ꓟꓯꓼ ꓠꓰ ꓝꓲꓺˍ ꓟ ꓡꓳ ꓚ ꓟꓬꓱꓽ ꓬꓰ ꓔꓺ ꓠꓲꓹ ꓟꓽ ꓫꓵ ꓠꓰ 1050 ꓢꓯꓹ ꓓꓳ-ꓡ ꓡꓰꓽ ꓪꓴꓽ ꓩꓴ ꓗꓷ ꓟ ꓥ ꓡꓳ꓿
Photo: Reuters
