ꓑꓴ-ꓔꓲ ꓬꓲ-ꓢꓷ-ꓡꓰ ꓐꓴ ꓔꓯ ꓖꓶ ꓬꓲꓽI꓾

ꓗꓴꓷꓼ ꓢꓲ ꓡꓲꓹ ꓡꓰ ꓠꓹ ꓟ ꓖꓪ ꓙꓱ ꓡꓯ ꓘꓳ ꓡꓯ ꓐꓰ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓠꓰ ꓘꓴ ꓩꓴ ꓡ ꓟ ꓗꓪ ꓑꓳꓺ ꓔꓯꓹ ꓟꓯꓼ 5 ꓜꓴ ꓜꓲ ꓙꓰ ꓓꓴ ꓥꓳ ꓐꓰ ꓑꓑꓢꓔ ꓡꓰ ꓢꓷ ꓙ ꓟꓴ ꓙ ꓡꓳ꓿

ꓬꓲꓸ ꓢꓯꓸ ꓠ ꓠꓹ ꓓꓴ(Audio News)

Video

ꓑꓴ-ꓔꓲ ꓬꓲ-ꓢꓷ-ꓡꓰ ꓐꓴ ꓔꓯ ꓖꓶ ꓬꓲꓽ

May 6, 2022TheLisuTimes

ꓣ-ꓫꓸ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ Lavrov ꓡꓰ ꓬꓲ-ꓢꓷ-ꓡꓰ ꓔꓯ ꓠꓲꓹ ꓜꓳˍ ꓟ ꓫꓸ ꓕꓱ ꓘꓶꓽ ꓔꓯ ꓣ-ꓫꓸ ꓗꓴꓷꓼ ꓙꓵꓽ ꓢꓴ ꓑꓴ-ꓔꓲ (Vladimir Putin) ꓡꓰ ꓬꓲ-ꓢꓷ-ꓡꓰ ꓗꓴꓷꓼ ꓙꓵꓽ ꓢꓴ Naftali Bennett ꓔꓯ ꓖꓶ ꓬꓲꓽ ꓩꓴ ꓡ ꓡꓳ꓿

“ꓠ-ꓜꓲ ꓙ-ꓟꓶ-ꓠꓰ ꓧꓳꓽ ꓢꓴ ꓦꓰꓼ-ꓔ-ꓡ ꓠꓬ ꓬꓲ-ꓢꓷ-ꓡꓰ ꓫꓵꓽ ꓕꓲꓽ ꓐꓶꓽ ꓐˍ ꓢꓴ ꓥ꓾ ꓮ ꓟꓶ ꓬꓴ-ꓗ-ꓣꓲꓸ ꓗꓴꓷꓼ ꓧꓳꓽ ꓢꓴ ꓖꓶ ꓬꓲ-ꓢꓷ-ꓡꓰ ꓥꓳ” ꓐꓰ ꓣ-ꓫꓸ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ Lavrov ꓡꓰ ꓠꓲꓹ ꓜꓳ ꓥꓳꓽ ꓕꓱ ꓗꓷ ꓟ ꓥ ꓡꓳ꓿

ꓠꓬꓲꓽ ꓧꓪꓹ ꓕꓲ ꓧꓪꓹ ꓟ ꓟꓲ ꓠꓯ ꓟꓯꓼ ꓘꓶꓽ ꓦꓬꓼ ꓠꓬꓲ ꓗꓪ ꓠ-ꓜꓲ ꓑ-ꓔꓲ ꓟꓯꓼ ꓐꓴ ꓡꓰ ꓬꓲ-ꓢꓷ-ꓡꓰ 60 ꓢꓯꓹ ꓟꓽ ꓞꓲ ꓢꓰꓼ ꓗꓷ ꓟ ꓥ ꓡꓳ꓿ 

ꓖꓳ ꓟ ꓑꓶꓸ ꓓꓴ ꓬꓲ-ꓢꓷ-ꓡꓰ ꓐꓴ ꓠꓬ ꓠꓬꓲꓸ ꓠꓬꓲ ꓗꓪ ꓛꓲ ꓠꓲꓹ ꓠꓻ ꓟꓬ ꓠꓻ ꓔꓬ ꓟ ꓗꓪ ꓬꓲ-ꓢꓷ-ꓡꓰ ꓠꓲꓹ ꓜꓳ ꓥꓳꓽ ꓕꓱ ꓡ ꓢꓴ ꓑꓶꓸ ꓓꓴ ꓟꓬꓽ ꓠꓬꓲ ꓠꓲꓹ ꓧꓶ ꓟꓬ ꓧꓶ ꓔꓴ ꓡ ꓢꓲ꓾ “ꓬꓲ-ꓢꓷ-ꓡꓰ ꓔꓯ ꓮ ꓔꓳ ꓦꓹ ꓦꓹ ꓕꓽ ꓙꓽ ꓟꓶ” ꓐꓰ ꓐꓯ ꓩꓴ ꓡ ꓟ ꓥ ꓡꓳ꓿

ꓣ-ꓫꓸ ꓐꓰ ꓬꓲ-ꓢꓷ-ꓡꓰ ꓗꓴꓷꓼ ꓧꓳꓽ ꓢꓴ ꓐꓴ 2022 ꓘꓳꓼ 5 ꓦ 9 ꓠꓬꓲ ꓗꓪ ꓖꓪ ꓙꓱ ꓜꓲꓼ ꓓꓴ ꓕꓲ ꓟ ꓙꓳˍ ꓡꓳ꓿