2022 ꓘꓳꓼ 3 ꓦ 18 ꓠꓬꓲ꓾ ꓠꓳ-ꓪꓯꓹ ꓗꓴꓷꓼ ꓔꓯ ꓗꓽ ꓙ ꓠꓹ ꓟ ꓐꓱ ꓶ ꓠꓮꓔꓳ ꓜꓴ ꓟꓯꓼ ꓤꓹ ꓔꓬ ꓕꓯꓽ ꓴꓢ ꓟꓯꓼ ꓙꓱ ꓦꓲ ꓑꓳꓼ ꓡꓳꓼ ꓕꓲ ꓟ ꓞꓰ ꓬꓰ ꓢꓲꓸ ꓖꓳ ꓗꓪ ꓜꓶꓽ ꓔꓬ ꓢꓴ ꓟꓯꓼ 4 ꓣꓳ ꓮ ꓙꓵꓽ ꓫꓵꓻꓳ꓿
“ꓟꓯꓼ ꓤꓹ ꓠꓬꓲˍ ꓟ ꓗꓪ ꓴꓢ ꓟꓯꓼ 4 ꓣꓳ ꓢꓯꓼ ꓟꓬ ꓟꓶꓽ ꓬꓰ ꓠꓬꓲ ꓠꓲꓹ ꓟ ꓫꓸ ꓡꓰꓳ” ꓐꓰ ꓠꓳ-ꓪꓯꓹ ꓗꓴꓷꓼ ꓙꓵꓽ ꓜꓴ ꓟꓬꓱꓽ ꓢꓲꓺ Jonas Gahr Stoere ꓡꓰ Twitter ꓗꓪ ꓐꓳ ꓢꓷꓸ ꓩꓴ ꓡ ꓡꓳ꓿
ꓙꓱ ꓦꓲ ꓞꓰ ꓖꓴ ꓗꓪ ꓪꓽ ꓜꓯꓼ ꓔꓬ ꓠꓬꓲ ꓙꓰ ꓫꓸ ꓟ ꓑꓶꓸ ꓓꓴ ꓞꓰ ꓡꓰ ꓗꓸ ꓠꓯꓸ ꓕꓲ ꓦꓬꓼ 3 ꓦ 19 ꓠꓬꓲ ꓠꓯꓼ ꓗꓪ ꓧꓪ ꓟꓳꓻ ꓥ ꓟꓲ꓾ ꓙꓱ ꓦꓲ ꓗꓪ ꓜꓶꓽ ꓙꓰ ꓢꓴ 4 ꓣꓳ ꓮ ꓙꓵ ꓫꓵꓻ ꓐꓶ ꓐꓰ ꓚꓬꓴꓹ ꓙ ꓜꓴ ꓧꓳꓽ ꓢꓴ Ivar Bo Nilsson ꓡꓰ ꓐꓯ ꓩꓴ ꓡ ꓡꓳ꓿
ꓴꓢ Marine ꓟꓯꓼ ꓐꓴ MV-22B Osprey ꓙꓱ ꓦꓲ ꓫꓵꓸ ꓢꓲꓸ ꓠꓳ-ꓪꓯꓹ ꓟꓵꓽ꓾ ꓪꓽ ꓔꓲꓺˍ ꓟ ꓗꓳ ꓚꓲꓺ ꓕꓲ ꓔꓳꓸ ꓗꓪ Cold Response ꓐꓯˍ ꓟ ꓟꓯꓼ ꓤꓹ ꓟꓬꓱꓽ ꓬꓰ ꓔꓬ ꓟ ꓥ ꓡꓳ꓿
ꓕꓱ ꓕꓲ ꓧꓪꓹ ꓠꓮꓔꓳ ꓜꓴ 27 ꓗꓴꓷꓼ ꓗꓪ ꓐꓰ ꓟꓯꓼ 30000 ꓣꓳ ꓟꓽ ꓞꓲ ꓟꓯꓼ ꓤꓹ ꓔꓬ ꓟ ꓥ ꓡꓳ꓿
ꓬꓲ ꓚꓰ꓾ ꓦꓳꓮ
