2022 ꓘꓳꓼ 11 ꓦ 12 ꓠꓬꓲ꓾ ꓠꓯꓼ 5 ꓙꓵꓹ ꓕꓯꓽ꓾ ꓗꓔꓦ ꓗꓪ ꓜꓲꓼ ꓢꓲꓸ ꓗꓹ ꓛꓲ ꓔꓬ ꓟ KIO ꓢꓲꓽ ꓒꓽ 10 ꓣꓳ ꓟꓽ ꓞꓲ ꓔꓯ ꓟꓬ-ꓟ ꓟꓯꓼ ꓡꓰ ꓟꓶ-ꓚꓲ-ꓠ꓾ ꓔꓼ-ꓗꓳꓸ ꓗꓪ ꓣꓴ ꓟꓶ ꓡꓰꓳ ꓐꓰ ꓓꓳꓽ ꓜꓳˍ ꓡꓳ꓿
![](https://lisutimes.com/wp-content/uploads/2022/11/image_editor_output_image-1352632261-1668325665780.jpg)
ꓟꓶ-ꓚꓲ-ꓠ꓾ ꓔꓼ-ꓗꓳꓸ ꓗꓪ ꓙꓳˍ ꓟ ꓟꓴ ꓖꓪ ꓖꓪ ꓢꓲꓸ ꓜꓽ ꓬꓲꓼ ꓓꓳ ꓬꓲꓼ ꓔꓶꓸ Happy Entertainment ꓗꓔꓦ ꓗꓪ ꓐꓰ ꓗꓲꓳ ꓢꓲꓽ ꓒꓽ ꓐꓴ ꓔꓯ ꓣꓴ ꓟꓶ ꓡꓰ ꓟ ꓥ ꓡꓳ꓿
ꓗ-ꓛꓲ ꓟꓵꓽ ꓗꓪ ꓫꓱꓸ ꓤꓼ ꓟꓬꓱꓽ ꓬꓰ ꓙ ꓢꓴ ꓟꓸ ꓟ ꓘꓳ-ꓙ ꓡꓰ꓾ “ꓗꓸ ꓠꓯꓸ ꓖꓶ ꓡ ꓕ ꓑꓳꓸ ꓣꓴ ꓙ ꓓꓴ ꓬꓰ꓿ ꓣꓳ ꓞꓳ ꓤ ꓟ ꓳꓸ ꓡꓲ ꓗ ꓬꓰ ꓟꓴ ꓢꓱ ꓠꓰ ꓙꓰ ꓢꓲꓸ ꓣꓴ ꓪ ꓡꓰ ꓟ ꓔꓯ ꓗꓔꓦ ꓗꓪ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓝꓴꓲꓸ ꓕꓽ ꓓꓰꓺ” ꓐꓰ Facebook ꓗꓪ ꓙꓽ ꓘꓶꓽ ꓔꓸ ꓡꓳ꓿
![](https://lisutimes.com/wp-content/uploads/2022/11/image_editor_output_image201212998-1668325490979-855x1024.jpg)
ꓣꓴ ꓟꓶ ꓢꓴ ꓐꓴ ꓔꓯ ꓮ ꓡꓲ ꓗꓪ ꓞꓳꓹ ꓡꓴꓽ ꓔꓸ ꓟ ꓟꓽ ꓢꓷꓸ ꓪ ꓢꓰꓽ꓿
ꓗꓳꓸ ꓗꓷ ꓟ 8 ꓦ 9 ꓠꓬꓲ ꓗꓪ ꓥ ꓟꓲ ꓗꓲꓳ ꓜꓲ-ꓬꓯꓹ ꓕꓲ ꓣꓳ ꓔꓯ ꓣꓴ ꓟꓶ ꓡꓰˍ ꓟ ꓙꓳˍ ꓡꓳ꓿