ꓟꓬ-ꓟ ꓒꓴ ꓒꓵꓽ ꓠꓬ ꓮ ꓕꓯ ꓕꓲ ꓧꓪꓹ ꓟꓽ ꓞꓲ ꓞꓰ ꓡꓰ ꓔꓬ ꓟ ꓗꓪ ꓠꓬꓲꓸ ꓠꓬꓲ 2021 ꓘꓳꓼ 9 ꓦ 24 ꓠꓬꓲ ꓕꓯꓽ 1 ꓓꓳ-ꓡ 2100 ꓒꓯꓼ ꓑꓺ ꓡꓯ ꓘꓳ ꓔꓬ ꓡꓳ꓿
ꓫꓵꓻ ꓕꓲ ꓒꓯꓼ ꓠꓬ 19 ꓢꓯꓹ ꓒꓯꓼ ꓟꓽ ꓞꓲ ꓑꓺ ꓡꓯ ꓘꓳ ꓔꓬ ꓢꓲ꓾ ꓗꓴꓷꓼ ꓘꓴꓽ ꓗꓪ ꓐꓰ ꓓꓳˍ ꓟ ꓶ ꓤ ꓶ ꓟꓲ ꓟꓽ ꓥ ꓠꓬ꓾ ꓬꓲꓸ ꓒꓵꓽ ꓠꓯꓸ ꓡ ꓔꓬ ꓡꓳ꓿
“ꓠꓯ ꓞꓲꓼ ꓐꓰ ꓠꓱꓸ ꓐꓯꓼ ꓟꓽ ꓜꓱ ꓟꓽ ꓓ ꓡꓳ ꓫꓵꓽ ꓶ ꓤ ꓠꓬ ꓡ ꓠꓹ ꓟ 2-3 ꓦ ꓐ ꓗꓪ ꓞꓰꓹ ꓬꓰ ꓡ ꓗꓴꓸ ꓥ꓿ ꓶ ꓡꓯꓼ ꓚꓱꓹ ꓮ ꓘꓶꓸ ꓫꓸ ꓡꓰꓳ꓿” ꓐꓰ ꓢꓴ ꓟꓵꓽ ꓗꓪ ꓐꓰ ꓠꓯ ꓞꓲꓼ ꓚꓰꓹ ꓪꓴꓽ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓖꓳ ꓡꓱ ꓥ ꓟꓲ ꓙꓵꓽ ꓪ ꓣꓴ ꓔꓸ ꓢꓴ ꓟꓰꓹ-ꓮꓳ-ꓡꓮꓲꓽ ꓡꓰ꓾ ꓮ ꓙꓵꓽ ꓢꓴ ꓠꓲꓹ ꓧꓳꓹ ꓢꓲꓽ ꓧꓳꓹ ꓢꓯꓼ ꓕꓵꓼ ꓠꓬ 5 ꓘꓳꓼ ꓟ ꓘꓴꓽ ꓗꓪ ꓬꓲꓸ ꓙꓶ ꓤꓼ ꓪꓴꓽ ꓟˍ ꓟꓠꓗꓴꓷꓼ꓾ 10 ꓘꓳꓼ ꓘꓴꓽ ꓟ ꓗꓪ ꓮ-ꓢꓲ-ꓬ ꓟꓵꓽ ꓗꓪ ꓪꓴꓽ ꓟꓴˍ ꓡꓳꓹ ꓟ ꓶ ꓡꓯꓼ ꓚꓱꓹ ꓧꓳꓽ ꓢꓴ ꓗꓷ ꓡ ꓥꓳ ꓐꓰ ꓐꓯ ꓔꓬ ꓡꓳ꓿
ꓝꓮꓲ ꓟꓬ-ꓟ ꓗꓴꓷꓼ ꓗꓪ ꓮ ꓔꓳꓸ ꓢꓯꓼ ꓟꓳ-ꓓꓳ (electric car)꓾ ꓙꓼ ꓟꓯꓹ ꓕꓸ (electric train)꓾ ꓟꓲ ꓠꓯ ꓘꓵ ꓟꓯꓹ ꓕꓸ ꓚꓱꓹ (tunnel train) ꓫꓬꓹ ꓠꓹ ꓟ ꓐꓰ꓾ ꓚꓳꓦꓲꓓ-19 ꓠꓻ ꓗꓽ ꓠꓻ ꓫꓬꓹ ꓠꓯ ꓞꓲꓼ ꓔꓯ ꓟꓬ-ꓟ ꓗꓴꓷꓼ ꓗꓪ ꓐꓰ ꓫꓬꓹ ꓠꓹ ꓟ ꓕꓱ ꓡꓱꓳ ꓫꓵꓽ ꓫꓸ ꓕꓱ ꓔꓬ ꓡꓳ꓿
