ꓟꓶ-ꓚꓲ-ꓠ꓾ ꓔꓶ-ꓠꓽ ꓡꓳ ꓒꓱ ꓗꓪ ꓟꓬ-ꓟ ꓟꓯꓼ ꓗꓳ-ꓢꓰ ꓡꓯꓼ ꓛꓲ ꓗꓪ ꓟꓬꓱꓽ ꓬꓰ ꓔꓬ ꓢꓴ ꓮ ꓙꓵꓽ ꓟꓬꓱꓽ ꓠꓽ ꓩꓴ ꓠꓹ ꓟ ꓗꓲꓳ ꓡꓰꓽ 2022 ꓘꓳꓼ 5 ꓦ 14 ꓠꓬꓲ ꓕꓯꓽ ꓙꓳꓺ ꓗꓽ ꓕꓳ ꓶ ꓕꓲ ꓚꓴꓸ ꓓꓳ ꓩꓴ ꓡ ꓡꓳ꓿
2021 ꓘꓳꓼ 2 ꓦ 1 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓟꓯꓼ ꓗꓳ-ꓢꓰ ꓠꓬ ꓙꓵꓽ ꓪ ꓦꓴ꓾ ꓬꓲꓸ ꓡꓲꓽ ꓟꓽ ꓙꓳ ꓙꓳ ꓑ ꓫꓬ ꓦꓲ ꓐꓰ ꓶ ꓤ ꓦꓴ꓾ ꓮ ꓔꓳꓸ ꓛꓴ꓾ ꓞꓳ ꓢꓰꓼ ꓪ ꓢꓰꓼ ꓬꓰ ꓔꓬ ꓟ ꓥꓳ꓿ ꓕꓱ ꓟ ꓔꓯ ꓑ ꓫꓬ ꓐꓴ ꓠꓬ ꓟꓯꓼ ꓙꓵꓽ ꓚꓱꓹ ꓗꓪ ꓐꓰ ꓡꓲꓹ ꓙꓰ ꓟꓶ ꓠꓹ ꓟ ꓢꓯꓼ ꓕꓵꓼ ꓔꓬ ꓟ ꓦꓬꓼ ꓠꓬꓲ ꓥ ꓡꓳ꓾ ꓐꓰ ꓪꓴꓸ ꓔꓴ ꓔꓸ ꓡꓳ꓿
ꓖꓳ ꓟ ꓑꓶꓸ ꓓꓴ ꓟꓯꓼ ꓗꓳ-ꓢꓰ ꓡꓯ ꓛꓲ ꓟꓬꓱꓽ ꓬꓰˍ ꓔꓬ ꓬꓲꓸ ꓜꓴ ꓮ ꓙꓵꓽ ꓗꓪ ꓐꓰ ꓚꓲꓸ ꓛꓬ ꓠꓲꓹ ꓡꓶꓽ ꓗꓪ ꓐꓰ ꓓꓳ ꓡ ꓠꓹ ꓟ꓾ ꓟꓽ ꓓꓳ ꓓꓳ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓐꓱ ꓶ ꓙꓲ ꓣꓴ ꓓꓴ ꓒꓬꓱꓼ ꓡ ꓥꓳ ꓐꓰ ꓐꓳ ꓔ ꓡꓳ꓿
