16-12-2020 ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓟꓬ-ꓟ ꓗꓴꓷꓼ ꓘꓴ ꓠꓯꓸꓼ ꓗꓪ ꓐꓬꓱ ꓦꓲ ꓚꓱꓹ ꓐꓴ ꓙꓰ ꓙꓰ ꓡꓽ ꓡ ꓬꓰ ꓠꓹ ꓟ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓕꓵꓼ ꓪ ꓖꓶ ꓗꓷꓳ=
ꓟꓬ-ꓟ ꓗꓴꓷꓼ ꓠꓯꓸꓼ ꓗꓪ ꓐꓬꓱ ꓙꓰ ꓐꓬꓱ ꓡꓽ ꓬꓰ ꓔꓬ ꓟ ꓐꓬꓱ ꓦꓲ ꓚꓱꓹ (6) ꓟ ꓔꓯ ꓚꓳꓦꓲꓓ-19 ꓠꓻ ꓓꓱꓽ ꓐꓰ ꓗꓳꓸ ꓙꓲꓽ ꓙꓳ ꓢꓲ꓾ ꓤ ꓟꓳ ꓠꓯˍ ꓟ ꓤ ꓟꓳ ꓢꓲ꓾ ꓙꓰ ꓙꓰ ꓡꓽ ꓡꓽ ꓓꓵꓽ ꓓꓳ ꓠꓹ ꓟ ꓕꓵꓼ ꓪ ꓓꓳ ꓡ ꓟ ꓥ ꓡꓳ=
ꓕꓱ ꓟ ꓑꓶꓸ ꓓꓴ ꓙ ꓫꓸ ꓢꓴ ꓥ ꓟꓲ ꓔꓬ ꓟ ꓡꓰ ꓐꓰ꓾ ꓓꓳꓽ ꓕꓱ ꓟ ꓔꓯ ꓗꓹ ꓛꓲ ꓛꓲꓽ ꓘꓳ ꓣꓴ ꓢꓴ ꓥ ꓟꓲ ꓙꓳ ꓡꓳ= ꓕꓲ ꓒꓳꓹ ꓗꓪ ꓐꓯ ꓠꓬ ꓶ ꓤ ꓶ ꓟꓲ ꓶ ꓡꓯꓼ ꓬꓰ ꓚꓱꓹ ꓐꓰ꓾ ꓡ ꓞꓳ ꓐꓴ ꓓꓵꓽ ꓓꓳ ꓟ ꓚꓱꓹ ꓠꓬ ꓟꓽ ꓬꓰ ꓟꓽ ꓓ ꓐꓯ ꓢꓴ ꓙꓳ ꓟ ꓡꓰ ꓐꓰ꓾ ꓕꓱ ꓟ ꓑꓶꓸ ꓓꓴ ꓠꓻ ꓓꓱꓽ ꓟꓬꓽ ꓠꓬꓲ ꓬꓼ ꓡ ꓟ ꓔꓯ ꓙꓳꓺ ꓛꓱꓽ ꓢꓴˍ ꓟꓲ ꓙꓳ ꓡꓳ=
ꓗꓴꓷꓼ ꓘꓴ ꓠꓯꓸꓼ ꓗꓪ ꓐꓬꓱ ꓦꓲ ꓚꓱꓹ ꓐꓴ ꓠꓽ ꓗꓷ ꓟ ꓠꓬ ꓗꓳꓸ ꓗꓷ ꓟ 10 ꓦ 1 ꓠꓬꓲ ꓗꓪ ꓐꓰ ꓮ ꓟꓶ ꓗꓪ ꓛꓲ ꓥ ꓡꓳ=
