ꓙꓲ-ꓢꓴ ꓘꓴ ꓜꓲꓼ ꓞꓳ ꓟꓶ-ꓡ-ꓫꓵ-ꓓꓰ ꓟꓲ-ꓫꓲ ꓐꓱ ꓐꓰ꓾ ꓢ ꓦ ꓙꓳꓥꓽ ꓦꓲ ꓐꓱ ꓘꓶꓽ ꓗꓪ ꓙꓲ-ꓢꓴ ꓘꓴ ꓜꓲꓼ ꓞꓳ (ꓬꓲꓸ ꓡꓵꓺ) ꓐꓴ ꓞꓳ ꓜꓲꓼ ꓪꓽ ꓜꓲꓼ ꓦꓲ ꓚꓱ ꓘꓳꓸ ꓢꓲꓸ ꓟꓳꓼ ꓡꓳ ꓢ ꓘꓪ ꓡꓳꓸ ꓔꓬ ꓟ ꓓꓳꓽ=
ꓘꓴ ꓜꓲꓼ ꓞꓳ ꓫꓵꓽ ꓪꓴ ꓕꓱ ꓟ ꓔꓯ ꓗꓴꓷꓼ ꓙꓵꓽ ꓢꓴ ꓐꓯ ꓟꓴ ꓘꓶꓽ ꓔꓶꓸ ꓗꓪ ꓕꓱ ꓡꓯ ꓘꓳ ꓠ ꓗꓷ ꓡꓰ ꓢꓲ꓾ “ꓙꓲ-ꓢꓴ ꓘꓴ ꓜꓲꓼ ꓞꓳ” ꓐꓴ ꓟꓶ ꓙꓲꓽ ꓙꓳ_ ꓡꓳ꓾ ꓐꓯ ꓞꓷꓹ ꓗꓷꓳ= ꓖꓳ ꓡꓱ ꓥ ꓟꓲ “ꓙꓲ-ꓢꓴ ꓘꓴ ꓜꓲꓼ ꓞꓳ (ꓬꓲꓸ ꓡꓵꓺ) ꓐꓴ ꓠꓬ ꓠꓲꓹ ꓘꓪ ꓟꓽ ꓫꓵ ꓢꓲꓸ ꓟꓲ-ꓫꓲ ꓐꓱ ꓐꓰ ꓢ ꓦ ꓙꓳꓥ ꓦꓲ ꓐꓱ ꓔꓯ ꓗꓽ ꓔꓬ ꓟ ꓥ ꓡꓳ=
ꓙꓲ-ꓢꓴ ꓘꓴ ꓜꓲꓼ ꓞꓳ ꓗꓪ ꓫꓵꓽ ꓪꓴ ꓕꓱ ꓟ ꓠꓬ 2001 ꓘꓳꓼ ꓖꓼ ꓡꓯꓼ ꓖꓼ ꓙꓲ ꓗꓪ ꓐꓰ ꓪꓴꓸ ꓔꓴ ꓡ ꓢꓲ꓾ ꓮ ꓟꓶ 2023 ꓘꓳꓼ ꓗꓪ ꓛꓲ ꓟꓽ ꓫꓬꓻ ꓡꓰ=
“ꓦ ꓡꓱ ꓚꓱꓹ ꓟꓬꓱꓽ ꓬꓰ ꓡꓳ ꓐꓯ ꓢꓲ꓾ ꓟꓽ ꓦ ꓡꓱ ꓢꓴ ꓕꓯ ꓢꓲ ꓥꓶꓸ ꓟ ꓟꓬꓱꓽ ꓬꓰ ꓓꓳ ꓡ ꓗꓴ ꓡꓳ꓿ ꓤ ꓟꓳ ꓓꓴ ꓬꓰ” ꓐꓰ ꓬꓲꓸ ꓟꓬꓱꓺ ꓐꓯ ꓠꓲꓹ ꓟꓽ ꓫꓵ ꓢꓴ ꓕꓲ ꓣꓳ ꓡꓰ꓾ ꓮ ꓟꓶ ꓒꓬꓱꓼ ꓔꓬ ꓟ ꓔꓯ ꓙꓽ ꓘꓶꓽ ꓩꓴ ꓡ ꓡꓳ=
ꓦꓲꓓꓰꓳ꓾ ꓚꓙ
