ꓲ-ꓓꓲ-ꓬ ꓗꓴꓷꓼ꓾ ꓓꓯ-ꓡꓲ ꓡꓳ ꓒꓱ ꓗꓪ 2022 ꓘꓳꓼ 5 ꓦ 13 ꓠꓬꓲ ꓟꓶ ꓘꓶꓼ ꓝꓲꓸ ꓗꓪ꓾ 4 ꓝꓸ ꓦꓲ ꓕꓲ ꓦꓲ ꓮ ꓔꓳꓸ ꓙꓬ ꓡ ꓢꓲꓸ ꓞꓳ ꓤ 27 ꓣꓳ ꓫꓵꓻ꓾ 12 ꓣꓳ ꓕꓯꓽ ꓢꓲ ꓠꓻ ꓓꓴ ꓡꓰꓳ꓾ ꓐꓰ ꓚꓬꓴꓹ ꓙ ꓜꓴ ꓗꓪ ꓐꓰ ꓢꓷ ꓙ ꓟꓴ ꓙ ꓔꓸ ꓡꓳ꓿
4 ꓝꓸ ꓦꓲ ꓖꓳ ꓟ ꓠꓬ ꓓꓯ-ꓡꓲ ꓡꓳ ꓒꓱ꓾ Mundka ꓟꓯꓹ ꓕꓸ ꓦꓲ ꓒ ꓕꓲ ꓗꓪ ꓙꓳˍ ꓟ ꓥ ꓢꓲ꓾ ꓮ ꓔꓳꓸ ꓢꓰꓼ ꓙꓼ ꓟꓳ ꓓꓳ (20) ꓦꓲ ꓠꓰ ꓢꓰꓼ ꓠ ꓗ ꓬꓰꓳ꓾ ꓐꓯ ꓡꓳ꓿
ꓮ ꓔꓳꓸ ꓙꓼ ꓚꓶꓹ ꓬꓲꓸ ꓐꓼ (wire shock) ꓑꓶꓸ ꓓꓴ ꓙꓬ ꓡ ꓟ ꓥꓳ ꓐꓰ ꓐꓯ ꓔꓸ ꓢꓲ꓾ ꓡ ꓞꓳ 2 ꓣꓳ ꓔꓯ ꓞꓳꓹ ꓔꓸ ꓡꓳ꓿
ꓲ-ꓓꓲ-ꓬ ꓗꓴꓷꓼ ꓙꓵꓽ ꓢꓴ ꓟꓳ-ꓓꓲ ꓡꓰ ꓕꓱ ꓟ ꓑꓶꓸ ꓓꓴ ꓠꓲꓹ ꓟ ꓫꓸ ꓘꓶꓽ ꓕꓱ ꓢꓲ꓾ ꓫꓵꓻ ꓢꓴ ꓕꓲ ꓣꓳ ꓐꓱ ꓶ ꓬꓲꓸ ꓫꓵꓷ ꓤ ꓧꓪ ꓤ ꓐꓴ ꓔꓯ ꓣꓴ-ꓑꓰꓸ 2 ꓢꓯꓹ ($ 2580) ꓔꓺ ꓙ ꓓꓴ ꓥꓳ ꓐꓰ ꓢꓷ ꓙ ꓟꓴ ꓙ ꓡꓳ꓿
“ꓮ ꓔꓳꓸ ꓙꓬ ꓬꓰ ꓟ ꓑꓶꓸ ꓓꓴ ꓮ ꓠꓬ ꓞꓳꓸ ꓬꓰˍ ꓟ ꓟꓽ ꓢꓪꓼ ꓓꓳ ꓡ ꓢꓰꓽ” ꓐꓰ ꓮ ꓔꓳꓸ ꓢꓰꓼ ꓔꓯ ꓟꓳꓸ ꓢꓲꓽ ꓒꓽ Sunil Choudhary ꓡꓰ ꓐꓯˍ ꓡꓳ ꓐꓰ Times of India ꓗꓪ ꓐꓳˍ ꓡꓳ꓿
ꓬꓲꓸ ꓚꓰ꓾ Times of India, BBC, Hindustan Times
Photo: ANI, PTI Photo,
