2022 ꓘꓳꓼ 3 ꓦ 2 ꓠꓬꓲ꓾ ꓟꓲ ꓠꓯ ꓗꓴꓷꓼ ꓜꓴ ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓗꓪ ꓣ-ꓫꓸ ꓡꓰ ꓬꓴ-ꓗ-ꓣꓲꓸ ꓗꓴꓷꓼ ꓔꓯ ꓓꓶꓽ ꓡ ꓟ ꓔꓯ ꓟꓳꓸ ꓠꓲꓹ ꓡꓶꓽ ꓟꓳꓸ ꓖꓶ ꓡꓯ ꓘꓳ ꓟ ꓗꓪ ꓣ-ꓫꓸ ꓔꓯ ꓪꓽ ꓢꓴ 5 ꓗꓴꓷꓼ꓾ ꓔꓱꓹ ꓫꓵ ꓗꓪ ꓔꓬ ꓢꓴ 35 ꓗꓴꓷꓼ꓾ ꓕꓼ ꓢꓴ 141 ꓗꓴꓷꓼ ꓙꓳ ꓡꓳ꓿
ꓣ-ꓫꓸ ꓡꓰ ꓬꓴ-ꓗ-ꓣꓲꓸ ꓔꓯ ꓟꓵꓽ ꓦꓴꓻ ꓠꓰ ꓬꓰˍ ꓡ ꓟ ꓜꓳꓽ ꓥ ꓐꓰ ꓔꓺ ꓙ ꓢꓴ ꓐꓴ ꓠꓬ꓾ ꓐꓯ-ꓡ-ꓣꓴ-ꓢꓲ ꓗꓴꓷꓼ꓾ ꓡꓲ ꓪꓴꓸ ꓗꓳ-ꓣꓲꓸ-ꓬꓸ ꓗꓴꓷꓼ꓾ ꓲ-ꓣꓲ-ꓣꓲꓸ-ꓮꓸ꓾ ꓢꓰꓸ-ꓣꓲꓸ-ꓬ ꓐꓰ ꓣ-ꓫꓸ ꓗꓴꓷꓼ ꓐꓴ ꓥ ꓡꓳ꓿
ꓧꓶꓽ ꓒꓽ ꓗꓴꓷꓼ ꓠꓬ ꓔꓱꓹ ꓫꓵ ꓗꓪ ꓦꓰꓼ ꓡꓳ꓿
ꓟꓬ-ꓟ ꓟꓯꓼ ꓠꓬ ꓣ-ꓫꓸ ꓔꓯ ꓪꓽ ꓡꓳ ꓐꓯ ꓔꓬ ꓥ ꓟꓲ꓾ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓦꓰꓼ ꓔꓬ ꓟ ꓟꓬ-ꓟ ꓝꓲ ꓓꓴ ꓚꓳ-ꓟꓳꓹ-ꓕꓴꓸ ꓠꓬ ꓠꓴꓖ ꓗꓴꓷꓽ ꓙꓵꓽ ꓜꓴ ꓕꓲ ꓛꓱꓽ ꓗꓪ ꓦꓰꓼ ꓔꓬ ꓠꓬꓲ꓾ ꓣ-ꓫꓸ ꓔꓯ ꓢꓯꓼ ꓟꓽ ꓖꓶ꓿
