ꓦꓰꓼ ꓝꓲꓺ ꓔꓬ ꓟ ꓓ ꓡꓰ ꓝꓲ ꓐ ꓡ ꓡꓳ ꓐꓰ ꓢꓴ ꓡꓰ ꓐꓯ ꓟ ꓔꓯ ꓙꓵꓻ ꓢꓲ꓾ ꓧꓶꓽ ꓒ ꓟꓵꓽ ꓐꓶꓽ ꓓꓳ ꓕꓲ ꓛꓱꓽ ꓗꓪ ꓙꓳ ꓟ ꓙꓲ-ꓢꓴꓼ ꓟꓵꓽ (Jiangsu Province) ꓗꓪ ꓔꓬ ꓢꓴ ꓡ ꓞꓳ ꓕꓲ ꓣꓳ ꓠꓬ 20 ꓚꓲ-ꓔꓲ-ꓟꓲ- ꓔ ꓫꓵˍ ꓟ ꓥꓪꓸ ꓠꓲꓽ ꓩꓴ ꓢꓯꓸ ꓕꓲ ꓟ ꓘꓰꓽ ꓘꓵ ꓗꓪ ꓗꓶ ꓩꓴ ꓠꓬ꓾ ꓥꓪꓸ ꓠꓲꓽ ꓩꓴ ꓡꓰ ꓪꓴ ꓜꓰꓼ ꓧꓽ ꓡꓰ ꓝꓲ ꓟ ꓑꓶꓸ ꓓꓴ ꓢꓯꓼ ꓟ ꓮ ꓡꓻ ꓡꓳꓹ ꓬꓰꓳ꓿
ꓖꓳ ꓕꓲ ꓣꓳ ꓠꓬ ꓬꓲꓸ ꓪꓴꓸ ꓕꓲ ꓦꓬꓼ ꓦꓲ ꓗꓪ ꓠꓻ ꓜꓲꓽ ꓗꓷ ꓢꓲ꓾ ꓠꓻ ꓟꓬꓽ ꓡ ꓠꓬꓲ꓾ ꓝꓮꓲ ꓕꓲ ꓠꓬꓲ ꓠꓯ ꓞꓲꓼ ꓦꓲ ꓗꓪ ꓛꓲ ꓡ ꓕꓯ ꓠꓯ ꓞꓲꓼ ꓢꓲ ꓒ ꓡꓰ ꓦꓰꓼ ꓟ ꓘꓶꓽ ꓩꓴ ꓢꓲꓸ ꓥꓪꓸ ꓠꓲꓽ ꓩꓴ ꓔꓯ ꓣꓴ ꓓꓳ ꓡ ꓕꓯ ꓥꓪꓸ ꓠꓲꓽ ꓩꓴ ꓠꓽ ꓢꓯꓸ ꓔꓬ ꓢꓰꓽ ꓡꓳ꓾ ꓐꓯ ꓡꓳ꓿
“ꓠꓯ ꓞꓲꓼ ꓦꓲ ꓗꓪ ꓠꓲꓹ ꓞ ꓟꓽ ꓛꓲ ꓡ ꓐꓯ ꓠꓽ ꓬꓲꓸ ꓠꓽ ꓫꓵꓻ ꓓꓴ ꓔꓲꓸ ꓥꓳ” ꓐꓰ꓾ ꓠꓯ ꓞꓲꓼ ꓟꓸ ꓒ ꓡꓰ ꓐꓯ ꓡꓳ꓿
ꓧꓶꓸ ꓕꓯ ꓧꓶꓽ ꓒ ꓟꓵꓽ ꓡꓳ ꓟꓶꓸ ꓕꓲ ꓛꓱꓽ ꓖꓪ-ꓓꓳ ꓟꓵꓽ (Guangdong) ꓗꓪ ꓔꓬ ꓢꓴ꓾ 50 ꓘꓳꓼ ꓙꓳ ꓢꓴ ꓤ ꓑꓸ ꓤꓼ ꓕꓲ ꓣꓳ ꓠꓬ 40 ꓚꓲ-ꓔꓲ-ꓟꓲ-ꓔ ꓙꓳ ꓟ ꓥꓪꓸ ꓠꓲꓽ ꓩꓴ ꓤꓹ ꓤꓼ ꓕꓲ ꓟ ꓑꓶꓸ ꓓꓴ ꓫꓵꓻꓳ꓿
ꓠꓯ ꓞꓲꓼ ꓫꓬꓹ ꓟ ꓗꓪ ꓜꓲ ꓜꓲ ꓟꓴ ꓟꓴ ꓠꓯ ꓞꓲꓼ ꓢꓷꓸ ꓢꓴ ꓟꓽ ꓥ ꓥ꓾ ꓦ ꓓꓲꓼ ꓖꓼ ꓢꓴ ꓡꓰ ꓕꓱ ꓡꓱ ꓖꓳ ꓡꓱ ꓐꓯ ꓟ ꓔꓯ ꓖꓼ ꓬꓰ ꓠꓬ ꓢꓯꓼ ꓟꓬ ꓐꓱ ꓶ ꓙꓲ ꓣꓴ ꓓꓴ ꓙꓳ ꓡꓳ ꓐꓰ ꓢꓳ ꓣꓴ ꓠꓯ ꓡꓳ꓿
Source: Global Times
