2021 ꓘꓳꓼ 20 ꓦ 5 ꓠꓬꓲ ꓩꓽ ꓗꓴꓷ ꓑ ꓫꓬ ꓝꓲ ꓓꓴ (ꓮ ꓟꓴ ꓕꓲ ꓜꓴ) ꓟ ꓖꓪ ꓙꓱ ꓜꓲꓼ ꓓꓴ ꓗꓪ꓾ ꓠꓴꓖ ꓔꓯ ꓟꓬ-ꓟ ꓗꓴꓷꓼ ꓙꓵꓽ ꓜꓴ ꓥ ꓡꓳ ꓐꓯ ꓢꓲꓸ ꓘꓳ ꓣꓴ ꓠꓹ ꓟ ꓮ ꓙꓵꓽ ꓢꓴ ꓠꓲꓹ ꓧꓳꓹ ꓡꓰꓳ꓿
ꓡ ꓠꓹ ꓟ ꓗꓪ ꓩꓽ ꓗꓴꓷ ꓑ ꓫꓬ ꓝꓲ ꓓꓴ (ꓙꓱ ꓘꓪ ꓕꓲ ꓜꓴ) ꓟ ꓕꓲ ꓧꓪꓹ ꓖꓪ ꓙꓱ ꓓꓳ ꓡꓰ ꓠꓬ꓾ ꓗꓴꓷꓼ ꓙꓵꓽ ꓜꓴ ꓡꓰ ꓘꓳ ꓣꓴ ꓢꓲ꓾ ꓠꓴꓖ ꓠꓬ ꓟꓬ-ꓟ ꓗꓴꓷꓼ ꓙꓵꓽ ꓜꓴ ꓥ ꓡꓳ ꓐꓰ ꓢꓪꓼ ꓖꓶ ꓡ꓾ ꓙ ꓡꓯ ꓗꓳ ꓡ ꓓꓴ ꓙ ꓖꓴ ꓝꓰꓸ ꓔꓬꓳ꓿
ꓠꓴꓖ ꓠꓬ ꓮ ꓟꓶ ꓗꓴꓷꓼ ꓮ ꓟꓬꓹ ꓗꓪ ꓙ ꓡꓯ ꓘꓳ ꓜꓴ ꓒꓴ ꓢꓲ꓾ ꓟꓬꓱꓽ ꓬꓰ ꓔꓬ ꓡꓳ꓿ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓟ ꓟꓬ-ꓟ ꓐꓱ ꓶ ꓫꓸ ꓕꓱ ꓙ ꓢꓴ ꓐꓴ ꓗꓪ ꓐꓰ ꓥ ꓟꓲ꓾ ꓠꓴꓖ ꓠꓬ ꓟꓬ-ꓟ ꓑ ꓫꓬ ꓬꓲꓸ ꓛꓲ ꓟꓬꓱꓽ ꓬꓰ ꓐ ꓡ ꓟ ꓜꓴ ꓥ ꓡꓳ ꓐꓰ ꓢꓪꓼ ꓔꓬ꓾ ꓫꓸ ꓕꓱ ꓓꓳ ꓡ ꓔꓬ ꓡꓳ꓿
ꓮ-ꓢꓲ-ꓬ ꓟꓵꓽ ꓗꓪ ꓐꓰ ꓟꓶ-ꓡꓯ-ꓫ ꓐꓶꓐꓗꓴꓷꓼ ꓙ ꓡꓯ ꓘꓳ ꓢꓲꓽ ꓒ ꓮ-ꓓꓴ-ꓡ ꓡꓰꓽ ꓟꓬ-ꓟ ꓟꓯꓼ ꓐꓴ ꓮ-ꓢꓲ-ꓬ ꓠꓰ ꓖꓪ ꓙꓱ ꓙ ꓟ ꓔꓯ ꓪꓽ ꓟꓽ ꓫꓳ ꓐꓯ꓾ ꓥꓪ ꓠꓴ ꓟꓶ-ꓡꓯ-ꓫ ꓠꓽ ꓠꓴꓖ ꓔꓯ ꓫ ꓖꓪ ꓙꓱ ꓓꓴ ꓕꓵꓼ ꓡꓵꓸ ꓥꓳ ꓐꓰ ꓐꓯ ꓓꓳ ꓡ ꓡꓳ꓿
