ꓟꓬ-ꓟ ꓗꓴꓷꓼ ꓗꓪ ꓚꓳꓦꓲꓓ-19 ꓐꓰ ꓟꓯꓼ ꓘꓰꓹ ꓢꓴ ꓐꓴ ꓔꓯ ꓬꓰ ꓙ ꓔꓳꓹ ꓙ ꓐ ꓡ ꓠꓹ ꓟ꓾ ꓡ ꓛꓴꓸ ꓔꓯꓹ ꓢꓴ ꓮ ꓙꓵꓽ ꓦ ꓐ 4 ꓟ ꓟꓽ ꓐꓶ ꓡꓯ ꓘꓳ ꓠꓹ ꓟ ꓮ-ꓢꓲ-ꓬ ꓝꓲ ꓓꓴ ꓮ-ꓣꓲ-ꓪꓳ ꓬꓴ-ꓢꓴꓼ ꓡꓰ ꓖꓪ ꓙꓱ ꓔꓬ ꓡꓳ꓿
ꓙ ꓑ ꓓꓳꓽ ꓐꓯ ꓒꓬꓱ ꓜꓴ ꓙꓳ-ꓓꓳ ꓐꓰ ꓫꓸ ꓕꓱ ꓟ ꓗꓪ꓾ ꓗꓳꓸ ꓗꓷ ꓟ ꓠꓽ ꓠꓬꓲꓽ ꓠꓬꓲ ꓕꓯ ꓟꓬ-ꓟ ꓟꓯꓼ ꓐꓴ ꓕꓲ ꓒꓳꓹ ꓗꓪ ꓐꓰ ꓐꓶ ꓗꓴꓷꓼ ꓔꓯ ꓟꓳꓸ ꓟꓬꓱꓽ ꓢꓲꓽ ꓒ ꓓ ꓟ ꓪ-ꓠꓼ-ꓟꓮꓳ-ꓡꓱꓲꓽ (Wanna Maung Lwin) ꓐꓰ ꓳ-ꓡꓮꓲꓹ ꓗꓪ ꓜꓲ ꓡꓯ ꓘꓳ ꓕꓯ ꓕꓱ ꓡꓱ ꓖꓪ ꓙꓱ ꓘꓶꓽ ꓔꓯ ꓪꓽ ꓡ ꓡꓳ꓾ ꓐꓰ ꓐꓯ ꓡꓳ꓿ ꓝꓮꓲ ꓠꓱꓸ ꓐꓯꓼ ꓡ ꓛꓴꓸ ꓔꓯꓹ ꓟꓯꓼ ꓜꓴ ꓐꓴ ꓔꓯ ꓥ ꓟꓲ ꓫꓸ ꓪ ꓕꓱ ꓟ ꓔꓯ ꓦ ꓩꓴ ꓖꓶꓽ ꓔꓸ ꓡꓳ ꓐꓰ ꓐꓯ ꓔꓸ ꓡꓳ꓿
“ꓬꓲ ꓚꓽ ꓠꓲꓹ ꓟ ꓗꓪ ꓚꓳꓸ ꓡꓴ ꓡꓴꓹ ꓬꓰ ꓙ ꓟꓴ ꓢꓱꓽꓳ ꓫꓵꓽ ꓖꓶ ꓥ ꓐꓭ ꓥꓳ꓿ ꓳꓸ ꓐꓯ ꓖꓶ ꓠꓰ ꓙ ꓖꓶ ꓙꓵꓹ ꓟꓽ ꓡꓳꓼ ꓠꓰ ꓬꓲꓸ ꓙꓵꓹ ꓪꓴꓻ ꓔꓬ ꓥꓳ ꓐꓯ ꓠꓽ ꓟꓽ ꓜꓳ꓿ ꓝꓮꓲ ꓟꓵ ꓗꓳ ꓓꓵ ꓓꓵ ꓢꓴ ꓔꓯ ꓠꓽ ꓠꓰ ꓟꓽ ꓜꓳ ꓢꓴ ꓟ ꓮ ꓡꓲ ꓟ ꓥ ꓐꓰ ꓐꓯ ꓟꓳꓸ ꓖꓶ ꓠꓲꓹ ꓫꓵ ꓟ ꓖꓶ ꓥ ꓡꓳ꓿ ꓖꓳ ꓟ ꓑꓶꓸ ꓓꓴ ꓮ ꓘꓶꓸ ꓚꓹ ꓠꓬꓲ ꓢꓲ ꓟꓬꓱꓽ ꓬꓰ ꓠ ꓔꓸꓳ꓿ ꓪꓻ ꓓꓽ ꓟ ꓕꓲ ꓟ ꓔꓲꓸ ꓥ” ꓐꓰ ꓬꓲꓸ ꓟꓬꓱꓺ ꓟꓳꓸ ꓖꓶ ꓠꓲꓹ ꓟꓽ ꓫꓵ ꓟ ꓗꓴꓷꓼ ꓫꓵꓽ ꓪꓴ ꓔꓯ ꓟꓳꓸ ꓢꓷꓸ ꓢꓴ ꓕꓲ ꓣꓳ ꓡꓰ ꓐꓯ ꓩꓴ ꓡ ꓡꓳ꓿
