ꓕꓱ ꓠꓬꓲ: ꓢ: ꓠꓬꓲ ꓗꓪ ꓡꓳ: ꓟꓲ: ꓟꓵ: ꓔꓯ ꓟꓯ; ꓒ: ꓐꓴ ꓡꓰ꓾ ꓟ: ꓓ ꓟ: ꓢ: ꓙꓵ: ꓪ ꓣꓴ ꓗꓷ ꓟ ꓑꓶ. ꓓꓴ ꓡꓳ: ꓟꓲ: ꓗꓴꓷ; ꓑ ꓫꓬ: ꓐꓴ ꓮ ꓙꓵ: ꓠꓬ ꓟꓯ, ꓙꓵ: ꓚꓱ, ꓔꓯ ꓒꓳ, ꓔꓳ, ꓔꓬ ꓟ ꓝꓲ. ꓥꓳ=
ꓑ ꓔꓲ ꓜꓴ ꓐꓴ ꓐꓰ ꓢꓷ. ꓠꓲ, ꓢꓳ ꓒ: ꓢꓳ ꓟ ꓐꓴ꓾ ꓝꓮꓲ ꓠꓬ ꓦ ꓡꓱ ꓚꓱ, ꓜꓴ ꓐꓴ꓾ ꓠꓖꓳ ꓜꓴ ꓐꓴ꓾ ꓝꓮꓲ ꓠꓬ ꓟꓵ: ꓗꓳ, ꓓꓵ ꓓꓵ ꓗꓪ ꓟ ꓗꓴꓷ; ꓜꓴ ꓐꓴ ꓥ ꓟꓲ ꓟꓯ; ꓙꓵ: ꓚꓱ, ꓔꓯ ꓟ: ꓠꓲ, ꓫꓵ ꓟ ꓑꓶ. ꓓꓴ ꓒꓳ, ꓔꓳ, ꓕꓳ: ꓶ ꓐꓳ ꓒꓬꓱ.. ꓔꓬ ꓟ ꓥ ꓡꓳ=
ꓖꓳ ꓟ ꓠꓯ.; ꓗꓪ ꓣꓳ ꓡꓲ-ꓢꓴ ꓑ ꓔꓲ ꓛꓬ, ꓑ ꓔꓲ ꓔꓯ ꓟꓲ ꓕꓳ: ꓶ: ꓐꓳ ꓒꓬꓱ.. ꓡ ꓠ, ꓟ ꓐꓱ ꓶ: ꓡꓲ-ꓢꓴ ꓫꓵ: ꓑ ꓫꓬ: ꓐꓴ ꓮ ꓟꓬ, ꓓꓰ: ꓔꓬ ꓟ ꓔꓯ online ꓗꓪ ꓟꓳ ꓪ ꓓ ꓟ ꓥ ꓡꓳ= ꓡꓲ-ꓢꓴ ꓫꓵ: ꓟꓬ, ꓐꓱ ꓠꓲ, ꓫꓵ ꓟ ꓠꓬ ꓟꓯ; ꓙꓵ: ꓚꓱ, ꓔꓯ ꓟ: ꓠꓵ ꓠꓬ ꓟ: ꓠꓵ ꓐꓰ ꓑꓶ. ꓑꓶ. ꓡꓰ ꓐꓳ ꓒꓬꓱ.. ꓡ ꓠ, ꓟ ꓓꓰ: ꓔꓬ ꓟ ꓠꓬꓲ: ꓢ ꓠꓬꓲ ꓙꓳ ꓡ ꓔꓬ ꓟ ꓥꓳ= ꓠꓬꓲ. ꓠꓬꓲ ꓠꓬ ꓛꓬ: ꓑ ꓔꓲ ꓗꓪ ꓟ ꓟꓬꓱ: ꓟꓯ ꓢꓴ ꓕꓲ: ꓣꓳ ꓡꓰ ꓮ ꓫꓵ: ꓪꓴ. ꓠꓬꓲ ꓮ ꓟꓶ ꓗꓪ ꓛꓲ ꓕꓳ: ꓶ: ꓟ: ꓐꓳ ꓒꓬꓱ.. ꓩꓴ ꓡ ꓟ ꓔꓯ ꓝb ꓗꓪ ꓐꓳ ꓔ ꓟ ꓔꓯ ꓡꓳ. ꓟꓳ ꓡꓳ= ꓠꓯ.; ꓘꓪ ꓐꓳ ꓔ ꓟ ꓡꓰ ꓐꓰ ꓥ ꓡꓳ= ꓬꓲ. ꓜꓲ ꓐꓰ ꓵ ꓓꓴ ꓬꓰ=
(ꓣꓳ ꓫꓵ ꓐꓴ ꓢꓷꓹ ꓔ ꓓꓴ ꓬꓰ ꓡꓯ꓿)
ꓮ ꓟꓶꓸꓸ ꓕꓱ ꓕꓲꓽ ꓝꓲꓸ ꓗꓪ ꓣꓳ ꓡꓲ- ꓢꓴ ꓑ ꓔꓲ ꓗꓪ ꓐꓰ ꓕꓳ ꓶ ꓕꓳꓸ ꓑꓶ ꓟˍ ꓟꓽ ꓬꓰ ꓟ ꓠꓬ꓾ ꓟꓲ ꓙꓬ ꓢꓲꓸꓸ ꓗꓪ ꓗꓴꓷꓼ ꓫꓵꓽ ꓪꓴ ꓮ ꓡꓰ ꓗ ꓡˍ ꓟ ꓔꓯꓸ ꓣꓳꓽ ꓢꓷꓹ ꓟꓽ ꓐ ꓡ ꓠꓬꓲ ꓥ ꓡꓳ꓿ ꓟꓯꓼ ꓙꓵꓽ ꓪ ꓟ ꓧꓶꓹ ꓕꓯꓽ ꓦꓬ ꓠꓬꓲ ꓗꓪ ꓟ ꓡꓰ ꓐꓰ ꓬꓲꓸ ꓞꓲ ꓘꓳꓽ ꓗꓷ ꓡꓰ ꓠꓬ꓾ ꓣꓳꓽ ꓡꓲ-ꓢꓴ ꓫꓵꓽ ꓐꓴ ꓔꓬ ꓫ ꓡ ꓓꓴ ꓙꓳ ꓡꓳ꓿ ꓢꓶꓸ ꓠꓯꓸꓸ ꓗꓪ ꓟ ꓟꓯꓽ ꓟꓲ ꓣꓳꓽ ꓡꓲ- ꓢꓴ ꓔꓯꓸ ꓛꓴꓽ ꓙꓳ ꓔꓬ ꓡꓳ꓿ ꓡꓳꓽ ꓟꓲꓽ ꓟꓯꓽ ꓟꓲ ꓣꓳ ꓡꓲ- ꓢꓴ ꓐꓰ ꓛꓴꓽ ꓙꓳ ꓢꓴ ꓗꓷ ꓡꓰ ꓥꓳ꓿ ꓖꓳ ꓡꓱ ꓗꓷ ꓡꓰ ꓠꓬ ꓣꓳ ꓡꓲ- ꓢꓴ ꓫꓵꓽ ꓐꓴ ꓮ ꓟꓶ ꓟ ꓕꓯꓽ ꓢꓲ ꓔꓬ ꓫꓹ ꓟ ꓦꓬ ꓠꓬꓲ ꓓꓳ ꓡ ꓥꓳ꓿ ꓬꓲꓸ ꓜꓲ ꓓꓵꓽ ꓙ ꓠꓬꓲ ꓡꓯ꓿ ꓕꓳ ꓶ ꓟ ꓕꓳꓸ ꓑꓶ ꓠꓬ ꓣꓳ ꓔꓯꓸ ꓠꓸꓸ ꓡꓰ ꓓꓴ ꓮ ꓘꓶꓸ ꓟ ꓙꓳ꓿ ꓮ ꓡꓰ ꓕꓲ ꓛꓱꓽ ꓔꓯꓸ ꓟꓲˍ ꓠꓸꓸ ꓡꓰ ꓓꓴ ꓟ ꓙꓳ꓿ ꓟꓯꓼ ꓡꓰ ꓙꓵꓽˍ ꓟ ꓔꓯꓸ ꓥꓪ ꓥ ꓟꓲ ꓟꓽ ꓠꓵ꓿ ꓣꓳ ꓡꓲ- ꓢꓴ ꓫꓵꓽ ꓐꓴ ꓟꓯꓽ ꓙꓵ ꓪ ꓔꓯꓸ ꓒꓳꓹ ꓔꓳꓸꓔꓬ ꓟ ꓔꓯꓸ ꓟꓲ ꓟꓽ ꓗꓽ ꓔꓸ ꓚꓲꓸ ꓛꓬꓽ ꓐ ꓡ ꓟ ꓗꓪ ꓐꓰ ꓢꓯꓼ ꓕꓵꓽ ꓡꓯ꓿ ꓮ ꓒꓴꓹ ꓫꓵꓽ ꓔꓯꓸ ꓡꓳꓸ ꓠꓬꓲˍ ꓗ ꓛꓲ ꓗꓴꓷꓼ ꓫꓴ ꓮ ꓓꓰ ꓪꓴ ꓟ ꓢꓲꓽ ꓒꓽ ꓓ ꓟ ꓠꓬꓲ ꓖꓴꓸꓸ ꓬꓲꓸ ꓪ ꓞꓳ ꓫꓵꓽ ꓔꓯꓸ ꓖꓶꓽ ꓔ ꓥ ꓟꓲ ꓮ ꓟ ꓮ ꓫꓵꓽ ꓐꓯ ꓒꓬꓹ ꓟ ꓟ ꓙꓳ꓿ ꓣꓳꓽ ꓫꓵꓽ ꓔꓯꓸ ꓣꓳꓽ ꓠꓲꓸ ꓠꓵ꓿ ꓣꓳ ꓫꓵ ꓔꓯꓸ ꓣꓳ ꓛꓵ ꓔꓴ꓿ ꓣꓳ ꓙꓵꓽ ꓧꓶꓹ ꓢꓴ ꓟꓲꓽ ꓙꓬ ꓗꓪ ꓕ ꓒꓶꓸꓸ )= ꓫ ꓟꓳ꓿
ꓛꓬ ꓑ ꓔꓲ ꓜꓴ ꓚꓰ ꓧꓳꓽ ꓟꓬꓱꓽ ꓢꓲꓸꓸ ꓝꓮꓚꓰ ꓐꓳꓳꓗ ꓗꓪ ꓧꓪꓹ ꓠꓬꓲ ꓡꓯ=https://www.facebook.com/leme.ahtar.3
ꓚrd#
