ꓧꓶꓸ ꓕꓯꓽ ꓛꓴ ꓙꓳ ꓡꓯ ꓘꓳ ꓢꓴ ꓓꓳ-ꓠꓯ ꓕ-ꓣꓼ ꓐꓰ ꓟ-ꓘꓳ ꓜꓴ-ꓗ-ꓐ; ꓠꓬ 2024 ꓘꓳꓼ 11 ꓦ 27 ꓠꓬꓲ ꓕꓯꓽ ꓩ-ꓡꓳ-ꓣꓲ-ꓓ ꓡꓳ ꓒꓱ꓾ ꓟ-ꓣ-ꓡ-ꓖꓳ ꓦꓲꓻ ꓗꓪ ꓬꓲꓸ ꓪꓴꓸ ꓕꓲ ꓧꓪꓸ ꓒꓬꓱꓽ ꓔꓳꓹ ꓟꓬ ꓔꓳꓹ ꓜꓲ ꓡꓯ ꓘꓳ ꓡꓳ꓿
ꓕꓱ ꓡꓱ ꓜꓲ ꓡꓯ ꓘꓳ ꓠꓹ ꓟ ꓝꓰꓹ ꓢꓴ ꓠꓬ ꓜꓴ-ꓗ-ꓐꓼ ꓥ ꓡꓳ꓿ ꓴꓢꓮ ꓗꓴꓷꓼ ꓙꓵꓽ ꓢꓴ ꓪꓴꓸ ꓓꓵ ꓢꓲꓻ ꓪ ꓡꓰ ꓠꓬꓲ ꓠꓲꓹ ꓢ ꓙ ꓡꓳ ꓐꓰ꓾ ꓜꓴ-ꓗ-ꓐꓼ ꓡꓰ ꓫꓸ ꓕꓱ ꓡꓳ꓿
ꓠꓬꓲꓽ ꓣꓳ ꓡꓱꓸꓼ ꓗꓸ ꓛꓲ ꓛꓲ ꓫꓸ ꓕꓱ ꓡꓯ ꓘꓳ ꓓꓳ ꓡꓰ ꓕꓯꓽ ꓟꓶ ꓘꓶꓼ ꓜꓻ ꓑꓯꓹ ꓜꓽ ꓗꓷꓳ꓾ ꓐꓰ ꓜꓴ-ꓗ-ꓐꓼ ꓡꓰ ꓢꓷ ꓙ ꓟꓴ ꓙ ꓡꓳ꓿
ꓜꓴ-ꓗ-ꓐ; ꓠꓬ ꓟꓰꓔꓮ ꓙꓼ ꓢꓷꓸ ꓠꓲꓹ ꓗꓳ-ꓑꓶ-ꓠꓰ ꓜꓴ ꓔꓯ ꓙꓵꓽ ꓢꓴ (ꓚꓰꓳ) ꓥ ꓡꓳ꓿
ꓧꓶꓸ ꓕꓯ ꓓꓳ-ꓠꓯ ꓕ-ꓣꓼ ꓡꓰ Facebook ꓗꓪ ꓐꓳ ꓔꓸ ꓡꓳ ꓫꓵꓽ ꓔꓯ ꓑꓲꓸ ꓩꓴ ꓡ ꓑꓶꓸ ꓓꓴ ꓬꓲꓸ ꓪ ꓗꓳ ꓡꓳ ꓗꓪ ꓠꓲꓹ ꓗꓶ ꓟꓬ ꓗꓶ ꓮ ꓔꓲꓸ ꓙꓳ ꓗꓷ ꓟ ꓥ ꓡꓳ꓿
