2022 ꓘꓳꓼ꓾ ꓗ-ꓜꓯ-ꓢꓲ-ꓔ ꓗꓪ ꓬꓰˍ ꓟ ꓓꓳꓽ ꓐꓯ ꓟꓸ ꓔꓶꓸ ꓗꓪ ꓣ-ꓫꓸ ꓗꓴꓷꓼ ꓪꓴꓸ ꓓꓵ ꓑꓴ-ꓔꓲ ꓡꓰ꓾ ꓬꓴ-ꓗ-ꓣꓲꓸ ꓟꓯꓼ ꓘꓶꓽ ꓪꓴꓸ ꓔꓴ ꓕꓲꓽ ꓠꓬꓲ ꓕ ꓑꓳꓸ ꓬꓲꓸ ꓪꓴꓸ ꓕꓲꓽ ꓧꓪꓹ ꓘꓶꓽ ꓠꓴꓽ ꓠꓲꓹ ꓠꓴꓽ ꓫꓸ ꓕꓱ ꓩꓴ ꓡ ꓡꓳ꓿
ꓬꓴ-ꓗ-ꓣꓲꓸ ꓔꓯ ꓐꓬ ꓡꓰ ꓠꓹ ꓟ ꓝꓮꓲꓹ ꓟꓽ ꓓꓶꓽꓳ꓾ ꓬꓴ-ꓗ-ꓣꓲꓸ ꓠꓰ ꓓꓽ ꓖꓴꓽ ꓐꓶ ꓛꓬꓹ ꓩꓴ ꓡ ꓠꓰ ꓬꓲꓸ ꓗꓴꓷꓼ ꓗꓪ ꓐꓶ ꓩꓴ 20 ꓟ ꓕꓯꓽ ꓢꓲꓺ ꓐꓶ ꓗꓷꓳ꓿ ꓮ ꓟꓶ ꓗꓳꓸ ꓑꓳꓸ ꓐꓶ ꓟꓽ ꓛꓲꓳ꓿ ꓖꓪ ꓙꓱ ꓡꓯ ꓘꓳ ꓓꓴ ꓥꓳ ꓗꓹ ꓘꓶꓽ ꓒꓴ ꓔꓸ ꓡꓳ꓾ ꓣ-ꓫꓸ ꓗꓪ ꓥ ꓟꓲ ꓟꓯꓼ 3 ꓢꓯꓹ ꓝꓲꓸ ꓖꓼ ꓔꓬ ꓟ 2 ꓢꓯꓹ ꓐꓲ ꓡꓰ ꓔꓬ ꓠꓬꓲ ꓬꓲꓸ ꓐꓶꓹ ꓠꓽ ꓟꓽ ꓖꓼꓳ꓾ ꓐꓰ ꓓꓳꓽ ꓠ ꓠꓬꓲ ꓢꓴ ꓐꓴ ꓡꓰ ꓠ ꓠꓬꓲ ꓘꓶꓽ ꓔꓯ ꓑꓴ-ꓔꓲ ꓡꓰ ꓒꓳꓹ ꓖꓶˍ ꓡꓳ꓿
ꓮ ꓕꓯ ꓮ ꓟꓲ ꓗꓹ ꓫꓵꓸ ꓗꓹ ꓐꓵ ꓫꓸ ꓕꓱ ꓫꓶꓹ ꓚꓽˍ ꓟ ꓑꓴ-ꓔꓲ ꓠꓬ ꓬꓴ-ꓗ-ꓣꓲꓸ ꓟꓯꓼ ꓘꓶꓽ ꓓꓶꓽ ꓡꓯ ꓘꓳ ꓟ 8 ꓦ ꓟ ꓘꓴꓽ ꓗꓪ ꓬꓲꓸ ꓪꓴꓸ ꓕꓲꓽ ꓧꓪꓹ ꓘꓶꓽ ꓠꓴꓽ ꓠꓲꓹ ꓠꓴꓽ ꓫꓸ ꓕꓱˍ ꓟ ꓥ ꓡꓳ꓾ ꓐꓰ ꓢꓪꓼ ꓢꓴ ꓐꓴ ꓡꓰ ꓐꓯ ꓔꓬ ꓡꓳ꓿
ꓖꓳ ꓟ ꓑꓶꓸ ꓓꓴ ꓟꓯꓼ ꓘꓶꓽ ꓠꓬ ꓟꓶ ꓤ ꓟꓽ ꓥ ꓕꓯꓽ ꓓꓻ ꓡꓰ ꓡ ꓥꓳ ꓐꓯ ꓢꓲꓸ ꓶ ꓡꓯꓼ ꓫꓯ-ꓣ ꓓꓯꓻ ꓡ ꓔꓬ ꓡꓳ꓿
Source – Reuters
