ꓫꓹ ꓠꓯꓼ 2022 ꓘꓳꓼ 3 ꓦ 31 ꓠꓬꓲ ꓕꓯꓽ ꓟꓬ-ꓟ ꓟꓯꓼ ꓜꓲꓽ ꓓꓽ ꓟ ꓟꓰꓹ-ꓮꓳ-ꓡꓮꓲꓽ ꓑꓴ-ꓔ-ꓳ ꓗꓪ ꓓꓯꓻ ꓙꓰ ꓓꓴ ꓥꓳ ꓐꓰ ꓓꓳꓽ ꓓꓳ ꓡ ꓔꓬ ꓡꓳ꓿
“46 ꓓ; ꓗꓪ ꓬꓲꓸ ꓔꓯ ꓘꓳ ꓣꓴ ꓓꓴ ꓙ ꓖꓶ ꓔꓬ ꓥ ꓙꓳꓽ꓿ ꓑꓴ-ꓔ-ꓳ ꓗꓪ ꓣ-ꓪ ꓡꓲꓽ ꓒꓰꓼ ꓟꓸ ꓖꓶꓽ ꓦꓲ ꓒꓴ ꓑꓮꓲꓽ ꓐꓰ꓾ ꓑꓴ-ꓔ-ꓳ ~ ꓘꓳ-ꓡ-ꓒꓶꓸ ꓙ ꓖꓴ ꓒꓴ ꓑꓮꓲꓽ ꓗꓪ ꓡ ꓓꓴ ꓥꓳ ꓓꓳꓽ ꓓꓳ ꓔꓬ ꓥ” ꓐꓰ ꓟꓯꓼ ꓔꓯ ꓡꓯꓼ ꓠꓶꓽ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
2021 ꓘꓳꓼ ꓗꓪ ꓥ ꓟꓲ ꓟꓰꓹ-ꓮꓳꓽ-ꓡꓮꓲ ꓑꓴ-ꓔ-ꓳ ꓗꓪ ꓓꓯꓻ ꓙꓰ ꓠꓹ ꓟ 2 ꓧꓪꓹ ꓙꓽ ꓖꓶꓽ ꓗꓷ ꓥ ꓟꓲ ꓟꓽ ꓙꓰ ꓑꓰ ꓬꓰ꓿
” ꓮ ꓫꓵꓽ ꓥ ꓟꓽ ꓥ ꓠꓽ ꓟꓽ ꓢꓷꓸ꓿ ꓙ ꓖꓴ ꓗꓯꓺ ꓦ ꓥ ꓗꓪ ꓠꓽ ꓟꓯꓼ ꓙꓳꓸ ꓙꓳꓽ ꓡꓳꓸ ꓠꓬꓹ ꓥ” ꓐꓰ ꓑꓴ-ꓔ-ꓳ ꓢꓴ ꓕꓲ ꓣꓳ ꓡꓰ ꓐꓯ ꓖꓶ ꓡ ꓡꓳ꓿
ꓑꓴ-ꓔ-ꓳ ꓟꓵꓽ ꓗꓪ ꓗꓲꓮ ꓐꓰ ꓑꓓꓝ ꓪꓽ ꓡꓯ ꓘꓳ ꓢꓲꓸ 2022 ꓘꓳꓼ 2 ꓦ 1 ꓠꓬꓲ ꓗꓪ ꓐꓰ ꓟꓬ-ꓟ ꓟꓯꓼ ꓔꓯ ꓐꓶ ꓡꓯ ꓘꓳˍ ꓟ ꓙꓳ ꓔꓬ ꓡꓳ꓿
ꓑꓴ-ꓔ-ꓳ ꓐꓰ ꓘꓳ-ꓡ-ꓒꓶꓸ ꓕꓲ ꓟꓵꓽ ꓗꓪ ꓟꓬ-ꓟ ꓟꓯꓼ ꓔꓯ ꓛꓲ ꓝꓸ ꓡꓯꓼ ꓝꓸ ꓢꓴ ꓠꓬ꓾ ꓮ-ꓓ (ꓬꓯ-ꓓꓹ-ꓓ) ꓡꓰ ꓧꓳꓽ ꓪꓴꓸ ꓟꓴ ꓔꓬ ꓟ ꓟꓯꓼ ꓜꓴ ꓥ ꓡꓳ꓿
(ꓫꓹ ꓠꓯꓼ = ꓦꓹ ꓠꓯꓼ/ ꓢ ꓖꓶ/ ꓠꓬꓲꓸ ꓠꓬꓲ ꓗꓳꓸ ꓑꓳꓸ ꓡ ꓠꓹ ꓟ ꓕꓲ ꓠꓬꓲ)
