ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓫꓬ ꓡꓰ ꓠꓹ ꓟ ꓧꓶꓽ ꓗꓴꓷꓼ ꓡꓰ ꓔꓱꓹ ꓫꓵꓺ ꓗꓪ ꓐꓰ ꓖꓪ ꓙꓱ ꓙ ꓡ ꓟ ꓔꓯ ꓠꓴꓖ ꓘꓳ ꓣꓴ ꓡꓳ꓾ ꓐꓰ ꓠꓴꓖ ꓗꓴꓷꓼ ꓙꓵꓽ ꓜꓴ ꓧꓳꓽ ꓢꓴ ꓓꓴ-ꓪ ꓡ-ꓫꓲ-ꓡꓼ ꓡꓰ ꓠꓬꓲꓸ ꓠꓬꓲ 2023 ꓘꓳꓼ 3 ꓦ 21 ꓠꓬꓲ ꓠꓴꓖ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓯ ꓡꓳ꓿
ꓓꓴ-ꓪ ꓡ-ꓫꓲ-ꓡꓼ
“ꓞꓳ ꓡꓲꓽ ꓞꓳ ꓒꓰꓼ ꓟꓽ ꓙꓳ ꓑ ꓫꓬ ꓔꓯ ꓢꓰꓼ ꓔꓬ ꓟ ꓔꓯ ꓧꓶꓽ ꓒ ꓐꓴ ꓡꓰ ꓗꓽ ꓙ ꓡ ꓝꓲ ꓠꓲꓹ ꓫꓵ ꓡꓳ” ꓐꓰ ꓓꓴ-ꓪ ꓡ-ꓫꓲ-ꓡꓼ ꓡꓰ ꓐꓯ ꓡꓳ꓿
ꓧꓶꓽ ꓗꓴꓷꓼ ꓝꓲ ꓓꓴ ꓔꓲꓹ-ꓫꓲ-ꓚꓸ ꓠꓬ 2023 ꓘꓳꓼ 2 ꓦ ꓘꓴ ꓟ ꓗꓪ ꓡꓳ ꓪꓴꓸ ꓑꓳꓺ ꓔꓯꓹ ꓒꓳꓹ ꓔꓳꓹ ꓟꓯꓼ ꓐꓴ ꓔꓯ ꓜꓲ ꓡꓯ ꓘꓳ ꓗꓷ ꓢꓲ꓾ 3 ꓦ 6 ꓠꓬꓲ ꓗꓪ ꓠꓬ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓜꓲ ꓡꓯ ꓘꓳ ꓗꓷ ꓟ ꓥꓳ꓿
ꓡꓳ ꓪꓴꓸ ꓕꓲ ꓒꓳꓹ ꓗꓪ ꓟ ꓑꓳꓺ ꓔꓯꓹ ꓟꓯꓼ ꓐꓴ ꓡꓰ 2023 ꓘꓳꓼ 3 ꓦ 16 ꓠꓬꓲ ꓕꓯꓽ ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓫꓬ ꓡꓰ ꓠꓹ ꓟ ꓧꓶꓽ ꓗꓴꓷꓼ ꓡꓰ ꓔꓱꓹ ꓫꓵꓺ ꓗꓪ ꓐꓰ ꓖꓪ ꓙꓱ ꓙ ꓡ ꓟ ꓔꓯ ꓘꓳ ꓣꓴˍ ꓡꓳ꓾ ꓐꓰ ꓕꓳ ꓶ ꓓꓳ ꓔꓸ ꓡꓳ꓿
