ꓬꓴ-ꓗ-ꓣꓲꓸ ꓟꓵ ꓦꓴꓻ ꓡ ꓢꓴ ꓣ-ꓫꓸ ꓔꓯ Visa ꓐꓰ Master Card ꓑꓲꓸ ꓞꓲꓽ ꓩꓴꓳ ꓐꓰ 2022 ꓘꓳꓼ 3 ꓦ 5 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓣ-ꓫꓸ ꓗꓴꓷꓼ ꓗꓪ ꓕꓵꓼ ꓖꓶꓽ ꓔꓸ ꓟ Visa, Master ꓮ ꓙꓵꓽ ꓣ-ꓫꓸ ꓗꓴꓷꓼ ꓘꓴꓽ ꓗꓪ ꓖꓶ ꓜꓱꓽ ꓟꓽ ꓙꓲ꓾ ꓗꓴꓷꓼ ꓬꓲꓸ ꓐꓽ ꓢꓲ ꓗꓪ ꓖꓶ ꓜꓱꓽ ꓟꓽ ꓙꓲ꓿ ꓝꓮꓲ ꓠꓱꓸ ꓐꓯꓼ ꓗꓴꓷꓼ ꓗꓪ ꓐꓰ ꓕꓵꓼ ꓖꓶ ꓔꓸ ꓟ Visa, Master ꓥ ꓟꓲ ꓣ-ꓫꓸ ꓗꓴꓷꓼ ꓗꓪ ꓜꓱꓽ ꓟꓽ ꓙꓲ ꓠ ꓑꓲꓸ ꓞꓲꓽ ꓗꓷꓳ” ꓐꓰ ꓢꓷ ꓙ ꓟꓴ ꓙ ꓕꓳ ꓶ ꓗꓪ ꓐꓳ ꓔ ꓡꓳ꓿
ꓕꓱ ꓡꓱ ꓬꓰ ꓩꓴ ꓡ ꓟ ꓠꓬ꓾ ꓣ-ꓚꓟꓫꓸ ꓠꓬ ꓧꓪꓸ ꓛꓲ ꓧꓪꓸ ꓠꓬꓲ ꓬꓴ-ꓗ-ꓣꓲꓸ ꓔꓯ ꓟꓵꓽ ꓦꓴꓻ ꓔꓬ ꓠꓬꓲ ꓥ ꓡꓳ ꓐꓯ ꓡꓳ꓿
“ꓠꓲꓹ ꓠꓵ ꓞꓳ ꓒꓵꓽ ꓔꓬ ꓟ ꓶ ꓡꓯꓼ ꓛꓳ ꓒꓯꓹ ꓐꓴ ꓐꓱ ꓶ ꓠꓲꓹ ꓟ ꓟꓽ ꓢ꓿ ꓖꓳ ꓡ3 ꓥ ꓟꓲ꓾ ꓣ-ꓫꓸ ꓠꓬ ꓥꓪ ꓠꓴ ꓒꓵꓽ ꓔꓬ ꓟ ꓞꓳ ꓚꓱꓹ ꓪ ꓚꓱꓹ ꓔꓯ ꓟꓽ ꓒꓵꓽ ꓟꓽ ꓚ ꓬꓰ ꓡ꓾ ꓬꓴ-ꓗ-ꓣꓲꓸ ꓟꓵꓽ ꓔꓯ ꓦꓴꓻ ꓡ ꓠꓬꓲ ꓕꓱ ꓡꓱ ꓡꓯꓽ ꓔꓯꓽ ꓩꓴ ꓡ ꓟ ꓥꓳ꓿ ꓣ-ꓫꓸ ꓬꓰ ꓩꓴ ꓡ ꓟ ꓟꓬꓱꓽ ꓠꓬ꓾ ꓢꓲ ꓡꓲꓹ ꓟ ꓐꓰ꓾ ꓗꓹ ꓛꓲ ꓗꓹ ꓓ ꓔꓬ ꓟ ꓔꓯ ꓐꓬ ꓡꓰ ꓚꓱꓹ ꓥ ꓡꓳ” ꓐꓰ ꓦꓲꓢꓮ ꓢꓷ ꓙ ꓟꓴ ꓙ ꓕꓳ ꓶ ꓗꓪ ꓐꓯ ꓔ ꓡꓳ꓿
Source- Fox business