2024 ꓘꓳꓼ 11 ꓦ꓾ 5 ꓠꓬꓲ ꓕꓯ ꓴꓢꓮ ꓗꓴꓷꓼ ꓙꓵꓽ ꓢꓴ ꓢꓲ ꓔꓯ ꓡꓯ ꓘꓳ ꓟꓯꓹ ꓗꓶ ꓟ ꓦꓬꓼ ꓠꓬꓲ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓮ ꓟꓶ ꓠꓬ ꓗꓴꓷꓼ ꓙꓵꓽ ꓢꓴ ꓐꓴ ꓠꓬ ꓑ ꓫꓬ ꓟꓯꓹ ꓔꓳꓹ ꓙ ꓡ ꓠꓹ ꓟ ꓐꓱ ꓶ ꓔꓣꓴꓟꓑ ꓐꓰ ꓐꓲꓓꓰꓠ ꓐꓴ ꓠꓬ ꓮ ꓘꓶꓸ ꓢꓷꓸ ꓙ ꓟꓴ ꓙ ꓔꓬ ꓟ ꓥꓳ꓿ 2024 ꓘꓳꓼ 6 ꓦ꓾ 27 ꓠꓬꓲ ꓕꓯ ꓬꓲꓸ ꓪ ꓠꓬꓲ ꓫꓵꓼ ꓢꓴ ꓔꓯꓸ ꓚꓠꓠ ꓓꓳꓽ ꓐꓯ ꓑꓶ ꓢꓴ ꓗꓪ ꓐꓰ ꓧꓳꓽ ꓣꓱꓽ ꓢꓲꓸ ꓫ ꓪ ꓗꓪ ꓐꓰ ꓫ ꓕꓱ ꓔꓯ ꓡꓯ ꓘꓳˍ ꓟ ꓜꓲꓼ ꓓꓴ ꓕꓲꓽ ꓟ ꓬꓰ ꓡꓳ꓿
ꓖꓳ ꓗꓪ ꓬꓲꓸ ꓪ ꓫ ꓕꓱ ꓡꓯ ꓘꓳ ꓔꓬ ꓟ ꓬꓲꓸ ꓓ ꓟ 3 ꓫꓵꓽ ꓙꓳ ꓡꓳ꓿ ꓕꓲꓽ ꓫꓵꓽ ꓠꓬ꓾ ꓗꓴꓷꓼ ꓶ ꓡꓯ ꓟꓴ ꓚꓱꓹ꓾ ꓠꓬꓲꓽ ꓫꓵꓽ ꓠꓬ꓾ ꓐꓶ ꓗꓴꓷꓼ ꓙ ꓡꓯ ꓘꓳ ꓚꓱ ꓐꓰ ꓢ ꓫꓵꓽ ꓠꓬ꓾ ꓬꓯ ꓐꓯ ꓚꓲ ꓚꓱ ꓐꓴ ꓥ ꓡꓳ꓿ ꓚꓠꓠ ꓗꓪ ꓐꓰ ꓧꓪ ꓟꓰꓹ ꓪ ꓟ ꓠꓬ ꓔꓣꓴꓟꓑ ꓠꓬ 67% ꓧꓪꓸꓹ ꓬꓰ ꓢꓲꓸ ꓐꓲꓓꓰꓠ ꓠꓬ 33% ꓧꓪꓸ ꓔ ꓡꓳ ꓐꓰ ꓧꓪ ꓟꓰꓹ ꓢꓴ ꓗꓪ ꓐꓰ ꓢꓷꓸ ꓪ ꓡꓳ ꓐꓰ ꓚꓠꓠ ꓓꓳꓽ ꓗꓪ ꓐꓳ ꓔ ꓡꓳ꓿
ꓓꓳꓽ ꓚꓰꓼ꓾ ꓚꓠꓠ