ꓠꓬꓲꓸ ꓠꓬꓲ 2022 ꓘꓳꓼ 7 ꓦ꓾ 4 ꓠꓬꓲ ꓴꓢꓮ ꓗꓴꓷꓼ꓾ ꓛꓲ-ꓖ-ꓖꓳ (Chicago State) ꓡꓳ ꓒꓱ ꓗꓪ ꓑ ꓫꓬ ꓐꓴ ꓗꓹ ꓛꓲ ꓛꓲ ꓡꓰ ꓩꓴ ꓗꓷ_ ꓟ ꓦꓬꓼ ꓠꓬꓲ ꓑꓮꓲꓽ ꓬꓰ ꓢꓲꓸ ꓙ ꓖꓴ ꓫꓱꓽ ꓔꓬ ꓕꓯ ꓡ ꓛꓴꓸ ꓐꓶ ꓡ ꓢꓲ 6 ꓣꓳ ꓫꓵꓸꓹ꓾ 31 ꓣꓳ ꓠꓻ ꓓꓴ ꓡꓰꓳ =
ꓖꓳ ꓟ ꓑꓶ ꓓꓴ ꓑꓳ-ꓡꓲ (Police) ꓐꓴ ꓠꓬ ꓡ ꓛꓴꓸ ꓐꓶ ꓢꓴ ꓔꓯ ꓧꓪ ꓔꓬ ꓡꓳ= ꓮ ꓟꓶ ꓗꓪ ꓛꓲ ꓡ ꓛꓴ. ꓐꓶ ꓡ ꓢꓴ ꓔꓯ ꓠꓬ ꓟꓽ ꓣꓴ ꓟꓶ ꓡꓰ ꓢꓰ= ꓬꓲꓸ ꓣꓱꓽ ꓗꓷ ꓟ ꓡ ꓛꓴꓸ ꓕꓲ ꓗꓸ ꓠꓬ ꓧꓪ ꓟꓳꓻ ꓔꓸ ꓡꓳ ꓐꓯ ꓡꓳ꓿
ꓖꓳ ꓗꓪ ꓟꓳ ꓢꓴ ꓐꓴ ꓗꓪ ꓐꓰ ꓐꓯ_ ꓠꓬ ꓡ ꓛꓴꓼ ꓐꓶ ꓢꓴ ꓠꓬ ꓞꓳ ꓒꓴ ꓫꓵꓽ ꓕꓲꓽ ꓣꓲ ꓥ ꓡꓳ ꓐꓯ ꓡꓳ=
“ꓞꓳ ꓜꓲꓼ ꓪ ꓜꓲꓼ ꓔꓶꓸ ꓗꓪ ꓙꓰ ꓟꓽ ꓑꓶꓸ ꓑꓶꓸ ꓗ ꓡ ꓠꓬꓹ ꓪ꓿ ꓥ ꓠꓴꓽ ꓛꓱꓽ ꓟ ꓖꓶ ꓮ-ꓢꓲ-ꓬ ꓟꓵꓽ ꓢꓴ ꓛꓱꓽ ꓗ ꓠꓬꓹ ꓕꓽ ꓞꓳ ꓒꓴ ꓟꓯꓹ ꓟꓯꓹ ꓟꓴ ꓔꓸ ꓢꓴ ꓕꓲ ꓜꓴ ꓟ ꓮ ꓘꓶꓸ ꓠꓲꓹ ꓜꓳ ꓠꓬꓹ ꓥ꓿ ꓙ ꓫꓸ ꓠꓰ ꓟꓽ ꓓ” ꓐꓰ ꓴꓢꓮ ꓗꓪ ꓕꓳ ꓶ ꓢꓳ ꓔꓬ ꓢꓴ ꓡꓲ-ꓢꓴ ꓕꓲꓽ ꓣꓳ ꓡꓰ ꓐꓯˍ ꓡꓳ꓿
ꓴꓢꓮ ꓗꓴꓷꓼ ꓗꓪ ꓠꓬ ꓮ ꓟꓶ ꓕꓱ ꓕꓲꓽ ꓝꓲꓸ ꓗꓪ ꓡ ꓛꓴꓸ ꓐꓶ ꓢꓰꓼ ꓡ ꓟ ꓮ ꓗꓪ ꓛꓲ ꓛꓲ ꓟꓽ ꓙꓬ ꓙꓬ ꓑꓶꓸ ꓝꓸ ꓑꓶꓸ ꓝꓸ ꓙꓳ ꓔꓬ ꓟ ꓑꓶ ꓓꓴ ꓞꓳ ꓟꓬ ꓪ ꓟꓬ ꓜꓲꓼ_ ꓟ ꓗꓪ ꓙꓰ ꓚꓳ_ ꓕꓯ ꓮ ꓘꓶꓸ ꓤ ꓟꓳ ꓠ ꓗ ꓡ ꓔꓬ ꓡꓳ=
ꓓꓳꓽ ꓚꓰ꓾ ꓝꓳꓫ ꓠꓰꓪꓢ