US ꓪ ꓔꓲꓸ ꓙꓳ-ꓐ-ꓓꓲ ꓠꓬ ꓮ-ꓢꓰ-ꓬ ꓜꓲꓼ ꓓꓴ ꓗꓪ ꓖꓪ ꓙꓱ ꓔ ꓡ ꓓꓴ ꓥꓳ ꓐꓰ Reuters ꓡꓰ ꓐꓳ ꓩꓴ ꓡ ꓡꓳ꓿
ꓮ-ꓢꓰ-ꓬ ꓜꓲꓼ ꓓꓴ ꓠꓬ 2021 ꓘꓳꓼ 10 ꓦ 26-28 ꓗꓪ ꓬꓰ ꓠꓹ ꓟ ꓥ ꓢꓲ꓾ ꓕꓱ ꓕꓲ ꓧꓪꓹ ꓠꓬ ꓟꓬ-ꓟ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓟꓽ ꓔ ꓝꓲ ꓐꓰ ꓐꓯ ꓔ ꓡ ꓡꓳ꓿
ꓗꓴꓷꓼ ꓚꓱꓹ ꓧꓳꓽ ꓢꓴ ꓟꓽ ꓦ ꓟ ꓠꓱꓸ ꓐꓯꓼ ꓕꓲ ꓣꓳ꓾ ꓐꓶ ꓟꓵꓽ ꓙ ꓡꓯ ꓘꓳ ꓜꓴ ꓟꓬꓱꓽ ꓢꓲꓺ ꓛꓸ-ꓯꓸ ꓔꓯ ꓟꓬ-ꓟ ꓬꓲ ꓛꓲ ꓜꓲꓼ ꓡ ꓠꓹ ꓟ ꓮ-ꓢꓰ-ꓬ ꓢꓽ ꓡ ꓙꓵꓽ ꓡꓰ ꓘꓴ ꓩꓴ ꓡ ꓡꓳ꓿
ꓖꓳ ꓡꓱ ꓥ ꓟꓲ ꓟꓯꓼ ꓜꓲꓽ ꓟꓰꓹ-ꓮꓳ-ꓡꓮꓲꓽ ꓟꓽ ꓥ ꓠꓬ꓾ ꓬꓲꓸ ꓬꓲ ꓛꓲ ꓢꓲꓽ ꓒ ꓓꓽ ꓟ ꓕꓲ ꓣꓳ ꓣꓳ ꓔꓯ ꓟꓽ ꓘꓳ ꓣꓴ ꓡ ꓕ ꓑꓳꓸ ꓜꓲꓼ ꓓꓴ ꓗꓪ ꓔꓺ ꓠꓲꓹ ꓟꓽ ꓫꓵ ꓐꓰ ꓠꓬꓲꓸ ꓠꓬꓲ ꓟꓶ ꓘꓶꓼ ꓟꓯꓼ ꓕꓲ ꓒꓳꓹ ꓗꓪ ꓐꓰ ꓡꓯꓽ ꓔꓯꓽ ꓡꓽ ꓩꓴ ꓡ ꓡꓳ꓿
ꓴꓢ ꓪ ꓔꓲꓸ ꓜꓲꓼ ꓓꓴ ꓕꓱ ꓟ ꓗꓪ ꓔ ꓡ ꓐꓭ ꓠꓬ꓾ ꓬꓲꓸ ꓪꓴꓸ ꓕꓲ ꓧꓪꓹ ꓮ-ꓢꓰ-ꓬ ꓜꓴ ꓐꓰ ꓜꓲ ꓡꓯ ꓘꓳ ꓟ ꓒꓬꓱꓼ ꓡ ꓟ ꓡꓰ ꓐꓰ꓾ ꓟꓬ-ꓟ ꓗꓴꓷꓼ ꓐꓱ ꓶ ꓮ ꓡꓲ ꓒꓬꓱꓼ ꓡ ꓥꓳ ꓪ ꓐꓰ ꓡ ꓞꓳ ꓐꓴ ꓢꓰꓸ ꓮ ꓢꓸ ꓔꓬ ꓡꓳ꓿