ꓟꓲ ꓠꓯ ꓗꓴꓷꓼ ꓜꓴ ꓢꓲ ꓡꓲꓹ ꓟ ꓡꓳꓸ ꓙ ꓗꓳ-ꓢꓰ (UN Security Council) ꓗꓪ ꓐꓰ ꓟꓬ-ꓟ ꓫꓵꓽ ꓪꓴ ꓫꓬ ꓡꓰ ꓠꓹ ꓟ ꓖꓪ ꓙꓱ ꓙ ꓘꓶꓽ ꓔꓯ ꓟꓬ-ꓟ ꓟꓯꓼ ꓗꓳ-ꓢꓰ ꓠꓬ ꓘꓳ ꓣꓴ ꓟꓽ ꓐ ꓡ ꓐꓰ 2022 ꓘꓳꓼ 12 ꓦ 24 ꓠꓬꓲ ꓕꓯꓽ ꓕꓳ ꓶ ꓗꓪ ꓐꓰ ꓡꓯꓽ ꓔꓯꓽ ꓡꓽ ꓩꓴ ꓡ ꓡꓳ꓿
ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓫꓬ ꓡꓰ ꓠꓹ ꓟ ꓗꓴꓷꓼ ꓜꓴ ꓗꓪ ꓐꓰ ꓓꓵꓽ ꓙ ꓞꓷꓹ ꓘꓶꓽ ꓠꓳꓸ 2669 ꓔꓯ 2022 ꓘꓳꓼ 12 ꓦ 21 ꓠꓬꓲ ꓕꓯꓽ Security Council ꓓꓵꓽ ꓢꓴ 15 ꓗꓴꓷꓼ ꓗꓪ ꓐꓰ 12 ꓗꓴꓷꓼ ꓪꓽ ꓢꓲꓸ ꓢꓷꓸ ꓙ ꓟꓴ ꓙ ꓘꓶꓽ ꓓꓳ ꓔꓸ ꓟ ꓥ ꓡꓳ꓿
ꓖꓳ ꓟ ꓗꓪ ꓮꓳ-ꓢ-ꓢꓴ-ꓚꓰ ꓐꓰ ꓣꓴ ꓡꓴꓷ ꓔꓸ ꓢꓴ ꓐꓴ ꓔꓯ ꓡꓲꓹ ꓖꓶꓽ ꓠꓹ ꓟ꓾ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓫꓬꓹ ꓡꓶꓸ ꓠꓹ ꓟ꓾ ꓮ-ꓢꓰ-ꓬ ꓗꓪ ꓐꓰ ꓖꓪ ꓙꓱ ꓙ ꓘꓶꓽ (5) ꓘꓶꓽ ꓔꓯ ꓬꓰ ꓠꓹ ꓟ ꓐꓯ ꓔꓸ ꓡꓳ꓿
ꓕꓱ ꓟ ꓔꓯ ꓟꓯꓼ ꓗꓳ-ꓢꓰ ꓠꓬ ꓮ ꓫꓵꓽ ꓟꓽ ꓚ꓾ ꓟꓽ ꓠ ꓠꓹ ꓐꓰ ꓐꓯ ꓡꓽ ꓩꓴ ꓡ ꓟ ꓥ ꓡꓳ꓿