United Kingdom (ꓴꓗ) ꓡꓰ ꓟꓬ-ꓟ ꓟꓯꓼ ꓐꓰ ꓬꓲꓸ ꓟꓬꓱꓽ ꓬꓰ ꓛꓳ ꓒꓯꓹ ꓐꓴ ꓔꓯ 7 ꓧꓪꓹ ꓕꓲ ꓧꓪꓹ ꓟ ꓶ ꓡꓯꓼ ꓚꓱꓹ ꓑꓲꓸ ꓞꓲꓽ ꓩꓴ ꓗꓷ ꓟ ꓗꓪ꓾ ꓞꓳ ꓐꓳ ꓒꓽ ꓔꓯ-ꓜꓼ ꓐꓰ ꓧꓔꓳꓳ ꓶ ꓡꓯꓼ ꓜꓴ ꓔꓯ ꓶ ꓡꓯꓼ ꓚꓱꓹ ꓑꓲꓸ ꓞꓲꓽ ꓩꓴꓳ ꓐꓰ ꓴꓗ ꓐꓶꓽ ꓗꓴꓷꓼ ꓙ ꓡꓯ ꓘꓳ ꓢꓲꓽ ꓒ ꓓꓽ ꓟ ꓓꓳ-ꓟꓲ-ꓠꓰ ꓣ-ꓐ (Dominic Raab) ꓡꓰ ꓠꓬꓲꓸ ꓠꓬꓲ 2021 ꓘꓳꓼ 9 ꓦ 2 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓟꓬ-ꓟ ꓶ ꓡꓯꓼ ꓬꓰ ꓒꓽ ꓔꓯ-ꓜꓼ ꓐꓰ ꓬꓲꓸ ꓶ ꓡꓯꓼ ꓜꓴ ꓕꓴꓸ (ꓧꓔꓳꓳ) ꓔꓯ ꓴꓗ ꓗꓴꓷꓼ ꓡꓰ ꓶ ꓡꓯꓼ ꓚꓱꓹ ꓑꓲꓸ ꓞꓲꓽ ꓩꓴꓳ꓿ ꓑ ꓫꓬ ꓔꓯ ꓠꓬꓲꓸ ꓤꓲ ꓔꓬ ꓟ ꓟꓬ-ꓟ ꓟꓯꓼ ꓒꓽ ꓐꓴ ꓔꓯ ꓢꓯꓼ ꓖꓶ ꓔꓬ ꓢꓴ ꓠꓱꓸ ꓐꓯꓼ ꓮ ꓟ ꓔꓯ ꓥ ꓟꓲ ꓡꓯ ꓫꓵ ꓝꓸ ꓢꓲ ꓶ ꓡꓯꓼ ꓚꓱꓹ ꓑꓲꓸ ꓞꓲꓽ ꓩꓴ ꓓꓴ ꓥꓳ” ꓐꓰ ꓓꓳ-ꓟꓲ-ꓠꓰ ꓣ-ꓐ ꓡꓰ ꓐꓳ ꓩꓴ ꓡ ꓡꓳ꓿