ꓥꓪ ꓠꓬ ꓴꓗ ꓗꓴꓷꓼ ꓟꓬꓱꓽ ꓢꓲꓺ ꓓꓽ ꓟ ꓟꓬꓱꓽ ꓗꓪ ꓐꓰ ꓓꓳ ꓙꓰ ꓓꓴ ꓥꓳ ꓐꓰ꓾ ꓡꓲꓸ-ꓜꓲ ꓕ-ꓣꓼ-ꓢꓲꓽ ꓡꓰꓽ ꓓꓳꓽ ꓐꓳ ꓢꓴ ꓐꓴ ꓔꓯ ꓢꓷꓸ ꓙ ꓟꓴ ꓙ ꓩꓴ ꓡ ꓡꓳ꓿
2022 ꓘꓳꓼ 10 ꓦ 20 ꓠꓬꓲ ꓕꓯꓽ ꓓꓮꓳꓹ-ꓠꓰꓹ ꓙ ꓖꓴ ꓗꓪ ꓙꓳˍ ꓟ ꓬꓲꓸ ꓔꓬ ꓦꓲ ꓗꓪ ꓐꓰ ꓓꓳ ꓡ ꓢꓲꓸ ꓕꓱ ꓡꓱ ꓐꓯ ꓩꓴ ꓡ ꓟ ꓥ ꓡꓳ꓿ ꓬꓲꓸ ꓟꓬꓱꓽ ꓗꓪ ꓐꓰ ꓕꓱ ꓡꓱ ꓓꓳ ꓙꓰ ꓠꓹ ꓟ ꓓꓵꓽ ꓙ ꓞꓷꓹ ꓩꓴ ꓟ ꓙ ꓖꓴ ꓔꓯ ꓪ ꓔꓲꓸ ꓛꓸ-ꓢꓲꓽ ꓔꓯ ꓥ ꓟꓲ ꓐꓯ ꓟꓸ ꓖꓶꓽ ꓔꓸꓳ ꓐꓯ ꓡꓳ꓿
“ꓬꓲꓸ ꓫꓵꓼ ꓕꓲꓽ ꓣꓳ ꓟꓽ ꓢꓲꓻ ꓪ ꓕ ꓑꓳꓸ ꓟꓬꓱꓽ ꓐꓱ ꓘꓶꓽ ꓗꓪ ꓔꓬ ꓢꓰꓽ ꓥꓳ꓿ ꓗꓴꓷꓼ ꓐꓱ ꓶ ꓬꓰ ꓙꓲꓽ ꓙꓳˍ ꓟ ꓟꓬꓱꓽ ꓬꓰ ꓑꓰ꓾ ꓬꓰ ꓧꓪꓸ ꓟꓽ ꓐ ꓡ ꓠꓰ ꓠꓲꓹ ꓟ ꓟꓽ ꓢ” ꓐꓰ ꓡꓲꓸ-ꓜꓲ ꓕ-ꓣꓼ-ꓢꓲꓽ ꓡꓰ ꓐꓯ ꓡꓳ꓿
ꓞꓲ ꓠꓲꓹ ꓴꓗ ꓗꓴꓷꓼ ꓟꓬꓱꓽ ꓢꓲꓺ ꓟꓬꓱꓽ ꓗꓪ ꓐꓰ ꓐꓳꓹ-ꓬꓲꓼ ꓙꓳ-ꓢꓳ ꓓꓳ ꓙꓰ ꓗꓸ ꓠꓯꓸ ꓮ ꓟꓶ ꓡꓲꓸ-ꓜꓲ ꓕ-ꓣꓼ-ꓢꓲꓽ ꓥ ꓟꓲ ꓓꓳ ꓙꓰ ꓓꓴ ꓬꓰˍ ꓟ ꓥ ꓡꓳ꓿
ꓴꓗ ꓗꓴꓷꓼ ꓗꓪ ꓶ ꓡꓯꓼ ꓚꓱꓹ꓾ ꓗꓴꓷꓼ ꓧꓳꓽ ꓪꓴꓸ ꓟꓴ ꓚꓱꓹ ꓗꓪ ꓮ ꓘꓶꓸ ꓘꓶꓻ ꓔꓬ ꓟ ꓦꓬꓼ ꓠꓬꓲ ꓥ ꓡꓳ꓿
ꓬꓲꓸ ꓚꓰ꓾ ꓐꓐꓚ