2024 ꓘꓳꓼ 7 ꓦ 13 ꓠꓬꓲ꓾ ꓑ-ꓢꓰ-ꓐꓯ-ꓠꓰ-ꓬ ꓟꓵꓽ ꓗꓪ ꓴꓢꓮ ꓗꓴꓷꓼ ꓪꓴꓸ ꓓꓵ ꓡꓵꓻ ꓓꓳ-ꓠꓯ-ꓕ-ꓣꓼ ꓞꓳ ꓜꓴ ꓞꓳ ꓟꓯꓼ ꓔꓯ ꓫꓸ ꓕꓱ ꓔꓬ ꓕꓯꓽ ꓡ ꓛꓴꓸ ꓐꓶ ꓡ ꓢꓲ꓾ ꓬꓲꓸ ꓠꓸ ꓑꓳ ꓡꓯꓽ ꓘꓳꓽ ꓕꓲꓽ ꓐꓽ ꓗꓪ ꓐꓶ ꓜꓯꓼ ꓬꓰꓳ꓿
ꓬꓲꓸ ꓫꓸ ꓕꓱ ꓔꓬ ꓟ 10 ꓧꓶꓺ ꓛꓲ ꓙꓳ ꓡ ꓕꓯꓽ ꓡ ꓛꓴꓸ 10 ꓕꓶꓹ ꓛꓲ ꓐꓶ ꓡ ꓟ ꓥ ꓢꓲ꓾ ꓬꓲꓸ ꓠꓬ ꓫꓸ ꓕꓱ ꓜꓳꓻ ꓙꓱ ꓘꓪ ꓵꓹ ꓔꓬꓹ ꓠ ꓗꓷ ꓡꓰꓳ꓿ ꓟꓯꓼ ꓐꓴ ꓡꓰ ꓬꓲꓸ ꓔꓯ ꓧꓳꓽ ꓓꓳ ꓙꓰ ꓕꓯꓽ꓾ ꓕ-ꓣꓼ ꓠꓬ ꓡꓯꓽ ꓔꓴꓹ ꓢꓲꓸ ꓡꓯꓽ ꓒꓯꓹ ꓛꓶ ꓩꓴ ꓡ ꓢꓰꓽ ꓡꓳ꓿
“ꓕ-ꓣꓼ ꓠꓻ ꓓꓴ ꓡꓰ ꓟ ꓠꓬ ꓢꓯꓼ ꓟꓬ ꓐꓱ ꓶ ꓙ ꓫꓸ ꓟꓽ ꓛꓲ꓾ ꓝꓮꓲ ꓡ ꓛꓴꓸ ꓐꓶ ꓢꓴ ꓮ ꓟ ꓥ ꓟ ꓔꓯ ꓟꓯꓼ ꓐꓴ ꓚꓲꓸ ꓚ ꓔꓬ ꓡꓳ꓾” ꓐꓰ ꓬꓲꓸ ꓔꓯ ꓡꓳꓸ ꓙ ꓗꓽ ꓙ ꓟꓯꓼ ꓡꓰ ꓢꓷꓸ ꓙ ꓟꓴ ꓙ ꓔꓸ ꓡꓳ꓿
ꓕ-ꓣꓼ ꓠꓬ ꓧꓶꓸ ꓕꓯꓽ ꓴꓢꓮ ꓗꓴꓷꓼ ꓪꓴꓸ ꓓꓵ ꓡꓵꓻ ꓥ ꓢꓲ꓾ ꓗꓴꓷꓼ ꓗꓪ ꓶ ꓡꓯꓼ ꓚꓱꓹ ꓔꓬ ꓢ ꓙꓳ ꓢ ꓠꓹ ꓟ ꓐꓰ꓾ ꓟꓵꓽ ꓗꓳ ꓓꓵ ꓓꓵ ꓗꓪ ꓢꓲ ꓡꓲꓹ ꓠꓹ ꓟ ꓢꓯꓼ ꓕꓵꓼ ꓗꓷ ꓢꓴ꓾ ꓮ ꓟꓶ ꓴꓢꓮ ꓗꓴꓷꓼ ꓙꓵꓽ ꓢꓴ ꓢꓲꓻ ꓑꓮꓲ ꓗꓪ ꓥ ꓟꓲ ꓕꓱ ꓕꓲꓽ ꓔꓷꓽ ꓗꓪ ꓙꓳꓹ-ꓐ-ꓓꓲ ꓔꓯ ꓔꓯꓺ ꓡꓯ ꓘꓳ ꓠꓹ ꓟ ꓢꓯꓼ ꓕꓵꓼ ꓔꓬ ꓢꓴ ꓥ ꓡꓳ꓿