Telenor Myanmar ꓔꓯ ꓠꓬꓲꓽ ꓛꓱꓽ ꓪꓴꓽ ꓡꓯ ꓘꓳ/ ꓪꓴꓻ ꓡꓯꓽ ꓘꓳ ꓙ ꓟꓳ ꓘꓶꓽ ꓕꓳ ꓶ ꓔꓯ 3 ꓦ 18 ꓠꓬꓲ ꓕꓯꓽ ꓟꓬ-ꓟ ꓟꓯꓼ ꓗꓳ-ꓢꓰ ꓡꓰ ꓪꓽ ꓗꓷꓳ꓿
ꓬꓲꓸ ꓒꓵꓽ ꓠꓬ ꓓꓳ ꓡ 105 ꓪꓹ ꓥ ꓢꓲ꓾ 50 ꓪꓹ ꓠꓬ ꓡꓯ ꓖꓴ ꓡꓯꓽ ꓖꓶꓽ ꓗꓷꓳ꓿ 55 ꓪꓹ ꓔꓯ 5 ꓘꓳꓼ ꓘꓴꓽ ꓗꓪ ꓮ ꓤ ꓤ ꓖꓶꓽ ꓓꓴ ꓪꓽ ꓔꓸ ꓡꓳ꓿
ꓕꓱ ꓟ ꓑꓶꓸ ꓓꓴ Telenor Myanmar ꓔꓯ M1 ꓗꓳ-ꓑꓶ-ꓠꓰ ꓜꓴ ꓠꓬ 20%꓾ ꓟꓬ-ꓟ ꓫꓱ-ꓐꓬꓮꓲꓹ-ꓒꓬꓴ ꓗꓳ-ꓑꓶ-ꓠꓰ ꓠꓬ 80% ꓬꓲꓸ ꓢꓲ ꓒꓽ ꓒꓬꓱꓼ ꓡ ꓡꓳ꓿
Telenor ꓠꓬ ꓠꓳ-ꓪꓯꓹ ꓗꓴꓷꓼ ꓗꓪ ꓐꓰ ꓡˍ ꓟ ꓩꓴꓸ ꓐꓰ ꓲꓠꓔꓰꓣꓠꓰꓔ ꓚꓱꓹ ꓶ ꓡꓯꓼ ꓜꓴ ꓥ ꓢꓲ꓾ ꓟꓬ-ꓟ ꓗꓴꓷꓼ ꓙꓵꓽ ꓪ ꓔꓯ ꓟꓯꓼ ꓡꓰ ꓦꓴ ꓔꓯꓹ ꓙꓰ ꓕ ꓑꓳꓸ ꓬꓲꓸ ꓪ ꓬꓰ ꓠꓲꓹ ꓟꓽ ꓫꓵˍ ꓟ ꓔꓯ ꓟꓽ ꓓ ꓟꓽ ꓢ ꓬꓰ ꓝꓲ ꓡ ꓠꓬꓲ ꓟꓬ-ꓟ ꓗꓴꓷꓼ ꓗꓪ ꓐꓰ ꓓꓳ ꓙꓰˍ ꓟ ꓥ ꓡꓳ꓿