$204 ꓪꓹ ꓖꓶꓽ ꓢꓲꓸ ꓪꓴꓻ ꓔꓸ ꓟ SU-30SME ꓣ-ꓫꓸ ꓡꓰ ꓫꓬꓹ ꓔꓸ ꓟ ꓟꓯꓼ ꓙꓱ ꓦꓲ 6 ꓦꓲ ꓠꓯ-ꓑꓲ-ꓓꓳ ꓗꓪ ꓡ ꓠꓹ ꓟ 3 ꓦ 14 ꓠꓬꓲ ꓕꓯꓽ ꓛꓲ ꓡ ꓥꓳ ꓐꓰ ꓓꓳꓽ ꓑ ꓙ ꓡꓳ꓿
ꓶ ꓤ ꓚꓰꓹ ꓙꓱ ꓦꓲ ꓓꓽ ꓟ IL-76TD ꓡꓰ ꓚꓰꓹ ꓡ ꓓꓴ ꓥ ꓢꓲ꓾ ꓕꓱ ꓟ ꓠꓬ 2018 ꓘꓳꓼ ꓗꓪ ꓪꓴꓻ ꓔꓸ ꓟ ꓟꓯꓼ ꓙꓱ ꓦꓲ ꓥ ꓡꓳ꓿
SU-30SME ꓟꓯꓼ ꓙꓱ ꓦꓲ ꓕꓲ ꓦꓲ ꓒꓵꓽ ꓠꓬ ꓓꓳ-ꓡ 34 ꓪꓹ ꓙꓳ ꓡꓳ꓿ Sukhoi ꓙꓼ ꓶ ꓡꓯꓼ ꓜꓴ ꓗꓪ ꓐꓰ ꓫꓬꓹ ꓓꓳ ꓩꓴ ꓡ ꓟ ꓥ ꓢꓲꓸ ꓟꓯꓼ ꓡ ꓛꓴꓸ꓾ ꓐꓳꓽ ꓬꓲꓸ ꓫꓵ ꓬꓲ ꓙꓰ ꓐꓶ ꓙꓲ ꓠꓹ ꓟ ꓚꓰꓼ ꓔꓸ ꓡꓳ꓿
ꓮ ꓟꓶ ꓗꓪ ꓛꓲ ꓠꓬ Yak-130 ꓟꓯꓼ ꓙꓱ ꓦꓲ ꓡꓰ ꓑ ꓫꓬ ꓞꓳ ꓘꓹ ꓔꓯ ꓢꓰꓼ ꓔꓬ ꓡꓳ꓿ ꓟꓽ ꓟꓶ ꓫꓵ ꓕꓯꓽ ꓑ ꓫꓬ ꓢꓰꓼ ꓠꓹ ꓟ SU-30SME ꓟꓯꓼ ꓙꓱ ꓦꓲ ꓣꓱꓽ ꓡ ꓥꓳ ꓐꓰ ꓙꓽ ꓘꓶꓽ ꓢꓴ ꓐꓴ ꓡꓰ ꓐꓯ ꓔꓬ ꓡꓳ꓿