ꓡ ꓠꓹ ꓟ 2024 ꓘꓳꓼ 2 ꓦ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓲ-ꓓꓲ-ꓬ ꓒꓴ Rupee ꓐꓰ ꓟꓬ-ꓟ ꓒꓴ Kyat ꓔꓺ ꓛꓲ ꓑꓺ ꓣꓱꓽ ꓓꓴ ꓥꓳ ꓐꓰ ꓟꓬ-ꓟ ꓗꓴꓷꓼ ꓒꓴ ꓞꓳꓽ ꓦꓲ ꓢꓽ ꓡ ꓙꓵꓽ ꓔꓸ-ꓔꓸ-ꓢꓱꓽ ꓡꓰ 2024 ꓘꓳꓼ 1 ꓦ 27 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓡꓳ꓿
ꓕꓱ ꓡꓱ ꓒꓴ ꓔꓺ ꓛꓲ ꓑꓺ ꓡꓯ ꓘꓳ ꓠꓹ ꓟ ꓐꓱ ꓶ Special Rupee Vostro Account (SRVA) ꓣꓱꓽ ꓠ ꓗ ꓢꓲ꓾ ꓟꓬ-ꓟ ꓗꓪ ꓐꓰ UAB꓾ CB ꓒꓴ ꓞꓳꓽ ꓦꓲ ꓠꓬꓲꓽ ꓟ ꓐꓰ꓾ ꓲ-ꓓꓲ-ꓬ ꓗꓪ ꓐꓰ ꓑ-ꓙꓼ ꓞꓳ ꓫꓵꓽ ꓒꓴ ꓞꓳꓽ ꓦꓲ ꓐꓴ ꓔꓯ ꓙꓵꓽ ꓪ ꓖꓶ ꓔꓸ ꓡꓳ꓾ ꓐꓯ ꓡꓳ꓿
ꓮ ꓟꓶ ꓗꓴ ꓗꓴ ꓢꓲꓺ ꓗꓪ ꓲ-ꓓꓲ-ꓬ 1 rupees ꓠꓬ ꓟꓬ-ꓟ ꓒꓴ 40 ꓒꓯꓼ ꓛꓲ ꓑꓺ ꓡꓯ ꓘꓳ ꓔꓬ ꓡꓳ꓿
ꓟꓬ-ꓟ ꓗꓴꓷꓼ ꓠꓬ ꓓꓳ-ꓡ ꓣꓱꓽ ꓟ ꓔꓯ ꓢꓯꓼ ꓟꓽ ꓖꓶ ꓠꓹ ꓟ ꓟꓳꓸ ꓙ ꓢꓲ꓾ ꓲ-ꓓꓲ-ꓬ꓾ ꓧꓶꓽ꓾ ꓕꓮꓲꓹ ꓗꓴꓷꓼ ꓐꓴˍ ꓐꓰ ꓶ ꓡꓯꓼ ꓬꓰ ꓚꓱꓹ ꓗꓪ ꓒꓴ ꓖꓳ ꓑꓳꓸ ꓕ ꓑꓳꓸ ꓔꓺ ꓛꓲ ꓑꓺ ꓡꓯ ꓘꓳ ꓚꓱꓹ ꓝꓰꓸ ꓣꓱꓽ ꓔꓬ ꓟ ꓥ ꓡꓳ꓿
ꓓꓳꓽ ꓬꓲꓸ ꓚꓰ꓾ BETV Business