90 ꓘꓳꓼ ꓛꓲ ꓡꓳꓼ ꓡ ꓟ ꓟꓬꓱ ꓓꓳꓽ ꓙꓳˍ ꓟ ꓐꓲꓻ ꓣ ꓶ ꓤ ꓶ ꓟꓲ ꓗꓳ-ꓑꓶ-ꓠꓰ Revlon ꓠꓬ ꓒ ꓞꓳꓸ ꓞꓳꓸ ꓡꓰ ꓟ ꓑꓶꓸ ꓓꓴ ꓓꓯ-ꓪ-ꓡꓲ ꓬꓰ ꓠꓹ ꓟ ꓴꓢꓮ ꓫꓵꓽ ꓘꓶꓽ ꓖꓴ ꓗꓪ Ch 2022 ꓘꓳꓼ 6 ꓦ 15 ꓠꓬꓲ ꓗꓪ ꓓꓰꓽ ꓩꓴ ꓗꓷꓳ꓿
ꓴꓢꓮ ꓟꓵꓽ ꓗꓪ chapter 11 protection ꓙꓵꓽ ꓗ ꓡꓳ ꓚ ꓓꓯ-ꓪ-ꓡꓲ ꓬꓰ ꓠꓹ ꓟ ꓥ ꓢꓲꓸ ꓚꓲꓸ ꓚ ꓓꓳ ꓡꓰ ꓠꓬ ꓙꓳˍ ꓟ ꓮ ꓙꓵꓽ ꓐꓹ ꓖꓶꓽ ꓠ ꓔꓸ ꓢꓴ ꓔꓯ ꓐꓹ ꓖꓶ ꓠ ꓗ ꓬꓰˍ ꓟ ꓥ ꓡꓳ꓿
Revlon ꓔꓯ 1932 ꓘꓳꓼ ꓗꓪ ꓪꓴꓸ ꓔꓴ ꓔꓸ ꓟ ꓥ ꓢꓲ꓾ ꓡꓯ ꓢꓱꓽ ꓛꓲ ꓢꓱꓽ ꓐꓲ ꓣ ꓓꓴ꓾ ꓒꓬꓱ ꓟꓬ ꓐꓲ ꓣ ꓓꓴ ꓬꓲꓸ ꓫꓵ ꓬꓲ ꓙꓰꓽ ꓪꓴꓻ ꓔꓬ ꓟ ꓶ ꓡꓯꓼ ꓜꓴ ꓥ ꓡꓳ꓿
Revlon ꓠꓬ ꓗꓳꓸ ꓗꓷ ꓟ 3 ꓦ 31 ꓠꓬꓲ ꓗꓪ ꓛꓲ ꓴꓢꓓ 3310 ꓪꓹ (3.31 billions) ꓶ ꓡꓯꓼ ꓙꓶ ꓔ ꓟ ꓙꓳˍ ꓡꓳ꓿ ꓕꓲ ꓠꓬꓲ ꓟ ꓘꓴꓽ ꓗꓪ ꓓꓵꓽ ꓓꓳ ꓟ ꓒꓴ ꓠꓬ꓾ ꓴꓢꓓ 1230 ꓢꓯꓹ ꓙꓳ ꓡꓳ꓿ ꓖꓳ ꓡꓱ ꓥ ꓟꓲ ꓮ ꓟꓶ ꓙꓳˍ ꓟ ꓐꓰ ꓖꓶꓽ ꓠ ꓔꓸ ꓟ ꓮ ꓙꓵꓽ ꓢꓪꓼ ꓠꓬ 1000 ꓪꓹ ꓐꓰ 10000 ꓪꓹ (1 billion and 10 billions) ꓠꓬꓲꓽ ꓗꓴꓸ ꓚꓸ ꓗꓪ ꓥꓳ꓾ ꓐꓯ ꓡꓳ꓿
ꓮ ꓟꓶ ꓠꓬ ꓐꓲ ꓣ ꓶ ꓡꓯꓼ ꓗꓳ-ꓑꓶ-ꓠꓰ ꓐꓴ ꓔꓯ ꓔꓯꓺ ꓡꓯ ꓘꓳ ꓟꓽ ꓐ ꓡ ꓟ ꓐꓰ꓾ ꓝꓮꓲ ꓗꓳ-ꓪꓰꓼ ꓑꓶꓸ ꓓꓴ ꓶ ꓤ ꓶ ꓟꓲ ꓚꓰꓹ ꓚꓱꓹ ꓗꓪ ꓬꓰ ꓫꓸ ꓡꓰ ꓟ ꓑꓶꓸ ꓓꓴ ꓫꓬꓹ ꓑꓱ ꓫꓬꓹ ꓡꓲꓸ ꓟꓽ ꓢꓻ ꓡꓰ ꓠꓬꓲ ꓓꓯ-ꓪ-ꓡꓲ ꓬꓰ ꓩꓴ ꓓꓴ ꓗ ꓡ ꓡꓳ꓾ ꓐꓯ ꓡꓳ꓿
ꓬꓲꓸ ꓚꓰ꓾ Reuters