ꓡꓲ-ꓢꓴ ꓒꓽ Rev. Dr. Latt Yishey ꓠꓬ First Burmese Baptist Church of San Francisco ꓗꓪ 1996 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓟꓸ ꓢꓴ ꓣꓱꓽ ꓬꓰ ꓡ ꓟ ꓞꓲ ꓠꓲꓹ 2021 ꓘꓳꓼ ꓗꓪ ꓛꓲ ꓡ ꓕꓯꓽ 25 ꓘꓳꓼ ꓐꓲ ꓡꓰꓳ꓿
ꓗꓳꓸ ꓡꓳꓹ ꓡ ꓟ 25 ꓘꓳꓼ ꓟ ꓘꓴꓽ ꓗꓪ ꓪꓴ-ꓢ ꓟꓬꓱꓽ ꓬꓰ ꓟ ꓗꓪ ꓮ ꓡꓲꓳ ꓫꓵꓽ ꓢꓳ ꓟꓶ ꓓꓴ ꓙꓳ ꓡ ꓐꓰ the Lisu Times ꓡꓰ ꓠ ꓠꓬꓲ ꓗꓷ ꓠꓬ꓾ ꓓꓴꓸ ꓓꓴꓸ ꓤꓼ (7) ꓘꓶꓽ ꓐꓯ ꓖꓶ ꓡ ꓡꓳ꓿
- ꓘꓶ ꓡꓶꓽ ꓓꓴ ꓠꓬ ꓢꓯꓼ ꓪ ꓒꓬꓱꓼ ꓡ ꓓ ꓡꓳ꓿ (ꓗꓸ ꓢꓲ ꓫꓳ ꓡꓽ ꓟꓽ ꓓ)
- ꓫꓸ ꓓꓴ ꓠꓬ ꓑꓶꓸ ꓠꓲꓹ ꓔꓯ ꓦꓵ ꓓꓳ ꓡ ꓝꓲ ꓡꓳ꓿ (ꓙꓳꓺ ꓟꓽ ꓓ)
- ꓫꓸ ꓓꓴ ꓠꓬ ꓜꓲꓽ ꓘꓴ ꓠꓲꓹ ꓟꓬꓽ ꓡ ꓝꓲ ꓡꓳ꓿ (ꓠꓽ ꓗꓷ ꓟꓽ ꓓ)
- ꓞꓳꓸ ꓡꓰ ꓟ ꓡꓰ ꓧꓪꓸ ꓡꓰ ꓟ ꓢꓯꓼ ꓪ ꓦꓵ ꓓꓳ ꓡ ꓝꓲ ꓡꓳ꓿ (ꓠꓲꓹ ꓟ ꓙꓬ ꓟꓽ ꓓ)
- ꓤꓹ ꓠꓬꓲ ꓓꓴ ꓗꓪ ꓐꓰ ꓔꓲꓺ ꓢꓲꓽ ꓡ ꓝꓲ ꓡꓳ꓿ (ꓤꓹ ꓠꓬꓲ ꓓꓴ ꓗꓪ ꓖꓼ ꓙꓰ ꓟꓽ ꓓ)
- ꓢꓯꓺ ꓠꓲꓹ ꓠꓬ ꓐꓬ ꓡꓰ ꓓꓴ ꓗꓪ ꓧꓳꓽ ꓙꓰ ꓡ ꓥꓳ꓿ (ꓢꓯ ꓟꓽ ꓓ)
- ꓪ ꓘꓴ ꓟ ꓠꓬ ꓮ ꓫꓵ ꓗꓪ ꓟꓲ ꓧꓪꓸ ꓡꓰ ꓝꓲ ꓐ ꓡ ꓡꓳ꓿ (ꓪꓽ ꓟꓽ ꓘꓴ ꓔꓬ ꓟꓽ ꓓ)
ꓝꓮꓲ ꓪꓴ-ꓢ ꓟꓬꓱꓽ ꓬꓰ ꓟ ꓗꓪ ꓧꓪꓸ ꓡꓰ ꓢꓴ ꓕꓲ ꓣꓳ ꓮ ꓡꓲ ꓒꓬꓱꓼ ꓡ ꓓ ꓟ ꓙ ꓖꓴ ꓔꓯ ꓥ ꓟꓲ ꓕꓱ ꓡꓱ ꓐꓯ ꓟꓳꓸ ꓖꓶ ꓡ ꓡꓳ꓿
First Burmese Baptist Church of San Francisco ꓠꓬ 1975 ꓘꓳꓼ ꓕꓯ ꓔꓶ ꓪꓴꓸ ꓔꓴ ꓔꓸ ꓟ ꓥ ꓢꓲ꓾ ꓮ ꓟꓶ ꓗꓪ ꓛꓲ ꓠꓬ 46 ꓘꓳꓼ ꓙꓳ ꓡ ꓟ ꓘꓴ ꓜꓲꓼ ꓞꓳ ꓓꓽ ꓟ ꓕꓲ ꓟ ꓥ ꓡꓳ꓿