ꓙꓱ ꓦꓲ ꓙꓼ ꓞꓶ ꓪꓴꓽ ꓖꓶꓽ ꓢꓴ Puma Energy ꓗꓳ-ꓑꓶ-ꓠꓰ ꓠꓬ ꓬꓲꓸ ꓙꓳˍ ꓖꓴꓽ ꓙꓴꓽ ꓐꓰ ꓶ ꓡꓯꓼ ꓚꓱꓹ ꓮ ꓙꓵꓽ ꓪꓴꓽ ꓩꓴ ꓢꓲ꓾ ꓟꓬ-ꓟ ꓗꓴꓷꓼ ꓗꓪ ꓐꓰ ꓓꓳ ꓙꓰꓳ꓾ ꓐꓰ 2022 ꓘꓳꓼ 10 ꓦ 5 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
Puma Energy Asia Sun ꓐꓰ꓾ National Energy Puma Aviation Services (NEPAS) ꓗꓪ ꓟ ꓶ ꓡꓯꓼ ꓮ ꓙꓵꓽ ꓪꓴꓽ ꓩꓴ ꓗꓷ ꓟ ꓥ ꓡꓳ꓿
ꓑꓴ-ꓟ ꓠꓬ 2021 ꓘꓳꓼ ꓟꓬ-ꓟ ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓣꓴ ꓙꓰ ꓗꓸ ꓠꓯꓸ ꓶ ꓡꓯꓼ ꓟꓬꓱꓽ ꓬꓰ ꓚꓱꓹ ꓕꓲ ꓝꓲꓸ ꓠꓽ ꓩꓴ ꓡ ꓢꓲ꓾ ꓗꓸ ꓠꓯꓸ ꓠꓬ ꓟꓬ-ꓟ ꓑ ꓫꓬ ꓐꓴ ꓙꓰ ꓙꓰ ꓡꓽ ꓡꓽ ꓗꓸ ꓘꓳꓽ ꓠꓹ ꓟ ꓐꓱ ꓶ ꓐꓯ ꓢꓲꓸ ꓙꓼ ꓞꓶ ꓪꓴꓽ ꓖꓶˍ ꓟ ꓶ ꓡꓯꓼ ꓟꓬꓱꓽ ꓡꓯ ꓫꓵ ꓬꓰ ꓡꓳ꓿ ꓖꓳ ꓗꓸ ꓠꓯꓸ ꓮ ꓟꓶ 2022 ꓘꓳꓼ 10 ꓦ ꓗꓪ ꓠꓬ ꓶ ꓡꓯꓼ ꓚꓱꓹ ꓐꓰ ꓖꓴꓽ ꓙꓴꓽ ꓮ ꓙꓵꓽ ꓪꓴꓽ ꓩꓴ ꓢꓲꓸ ꓟꓬ-ꓟ ꓗꓴꓷꓼ ꓗꓪ ꓐꓰ ꓓꓳ ꓙꓰ ꓟ ꓥ ꓡꓳ꓿
Puma Energy ꓗꓳ-ꓑꓶ-ꓠꓰ ꓠꓬ 2014 ꓘꓳꓼ ꓕꓯꓽ ꓟꓬ-ꓟ ꓗꓴꓷꓼ ꓗꓪ ꓓꓵꓽ ꓡ ꓟ ꓟꓵꓽ ꓗꓳꓹ ꓓꓵ ꓓꓵ ꓗꓴꓷꓼ ꓮ ꓟꓬꓹ ꓗꓪ ꓟꓬꓱꓺ ꓓꓳꓽ ꓙꓳˍ ꓟ ꓙꓼ ꓞꓶ ꓗꓳ-ꓑꓶ-ꓠꓰ ꓕꓲꓽ ꓟ ꓥ ꓡꓳ꓿Photo- Reuters