ꓥꓰꓸ ꓤꓲ ꓟꓶ ꓢꓴ ꓡ ꓞꓳ ꓐꓴˍ ꓐꓰ ꓔꓺ ꓡꓯ ꓘꓳ ꓢꓲ꓾ ꓟꓬ-ꓟ ꓟꓯꓼ ꓔꓯ ꓔꓳꓹ ꓓꓶꓽ ꓡꓯ ꓘꓳ ꓓꓴ ꓥꓳ꓾ ꓐꓰ 2024 ꓘꓳꓼ 1 ꓦ 26 ꓠꓬꓲ ꓕꓯꓽ ꓑꓠꓡꓳ ꓡꓰꓽ ꓢꓷ ꓙ ꓟꓴ ꓙ ꓕꓳ ꓶ ꓓꓳ ꓩꓴ ꓡ ꓡꓳ꓿
ꓠꓚꓮ ꓙ ꓟꓳ ꓘꓶꓽ ꓡꓳ ꓚ ꓙꓰ ꓢꓲꓸ ꓮ ꓫꓵꓽ ꓒꓬꓱꓼ ꓡ ꓟꓽ ꓓ꓾ ꓚꓲꓸ ꓛꓬ ꓟꓵꓽ ꓚꓲꓸ ꓛꓬ ꓗꓽ ꓓꓴ ꓥꓳ꓾ ꓐꓰ ꓐꓯ ꓔꓸ ꓡꓳ꓿
ꓕꓱ ꓕꓲ ꓜꓴ ꓠꓬ ꓑꓶ-ꓳꓼ ꓒꓽ ꓥ ꓢꓲ꓾ ꓮ ꓟꓶ ꓢꓰ-ꓢꓮꓲ ꓡꓳ ꓒꓱ ꓔꓯ ꓓꓶꓽ ꓣꓴ ꓔꓬ ꓡꓳ꓿ ꓕꓱ ꓕꓲ ꓜꓴ ꓔꓯ 2009 ꓘꓳꓼ ꓕꓯ ꓒꓴ ꓪꓴꓸ ꓔꓴ ꓔꓸ ꓟ ꓥ ꓢꓲ꓾ 2024 ꓘꓳꓼ 1 ꓦ 21 ꓠꓬꓲ ꓕꓮ ꓧꓳ-ꓑꓳꓸ ꓗꓪ ꓓꓶꓽ ꓡꓯ ꓘꓳ ꓡ ꓟ ꓗꓪ ꓐꓰ ꓛꓴꓽ ꓙꓳ ꓪꓴꓸ ꓔꓴ ꓡ ꓟ ꓥ ꓡꓳ꓿
ꓧꓶꓸ ꓕꓯ ꓠꓬ ꓟꓬ-ꓟ ꓟꓯꓼ ꓔꓯ ꓪꓽ ꓔꓬ ꓢꓴ ꓕꓲꓽ ꓜꓴ ꓥ ꓢꓲ꓾ ꓠꓚꓮ ꓚꓲꓸ ꓟꓶ ꓓꓴ ꓦꓬꓼ ꓠꓬꓲ ꓗꓪ ꓠꓯ-ꓑꓲ-ꓓꓳ ꓗꓪ ꓜꓲꓼ ꓗꓷ ꓟ ꓕꓲꓽ ꓜꓴ ꓥ ꓡꓳ꓿
ꓟꓬ-ꓟ ꓟꓯꓼ ꓡꓰ ꓗꓴꓷꓼ ꓙꓵꓽ ꓪ ꓣꓴ ꓙꓰ ꓟ 3 ꓘꓳꓼ ꓐꓲ ꓡ ꓘꓶꓽ ꓟ ꓗꓪ ꓕꓱ ꓡꓱ ꓐꓯ ꓑꓰꓺ ꓡ ꓟ ꓥ ꓡꓳ꓿
ꓕꓱ ꓟ ꓡꓰ ꓐꓰ ꓐꓖꓝ ꓗ-ꓬꓲ ꓟꓯꓼ ꓜꓴ ꓥ ꓟꓲ ꓟꓬ-ꓟ ꓟꓯꓼ ꓔꓯ ꓟꓽ ꓔꓺꓳ ꓐꓰ ꓢꓷ ꓙ ꓟꓴ ꓙ ꓔꓸ ꓡꓳ꓿