ꓟꓬ-ꓟ ꓗꓴꓷꓼ ꓗꓪ ꓢꓲꓺ ꓡꓲꓹ ꓡ ꓠꓹ ꓟ ꓐꓰ꓾ ꓢꓷꓸ ꓠꓲꓹ ꓢꓳ ꓚꓱꓹ ꓪꓴꓽ ꓟꓴ ꓡ ꓠꓹ ꓟ ꓐꓱ ꓶ ꓴꓢꓮ ꓗꓪ ꓐꓰ ꓔꓲꓺ ꓖꓶ ꓠꓲꓹ ꓡꓱ ꓢꓴ ꓟꓸ ꓒ ꓟꓸ ꓟ ꓐꓴ Peace Corps Myanmar ꓟꓬꓱꓽ ꓬꓰ ꓠꓽ ꓩꓴꓳ ꓐꓰ 2022 ꓘꓳꓼ 4 ꓦ 18 ꓠꓬꓲ ꓕꓯꓽ ꓜꓴ ꓧꓳꓽ ꓢꓴ Carol Spahn ꓡꓰꓽ ꓢꓷ ꓙ ꓟꓴ ꓡ ꓩꓴ ꓡ ꓡꓳ꓿
ꓕꓱ ꓕꓲ ꓜꓴ ꓠꓬ 2016 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ꓾ 2020 ꓘꓳꓼ ꓗꓪ ꓛꓲ 87 ꓣꓳ ꓟꓬ-ꓟ ꓗꓴꓷꓼ ꓗꓪ ꓢꓷꓸ ꓠꓲꓹ ꓚꓱꓹ꓾ ꓥꓳꓽ ꓫꓵꓽ ꓚꓱꓹ꓾ ꓞꓳ ꓡꓲꓽ ꓞꓳ ꓒꓰꓼ ꓙ ꓡꓯ ꓘꓳ ꓚꓱꓹ ꓗꓪ ꓔꓺ ꓙ ꓗꓷ ꓟ ꓥ ꓡꓳ꓿
“ꓮ ꓟꓶ ꓠꓬ ꓥꓪ ꓠꓴ ꓟꓬꓱꓽ ꓬꓰ ꓢꓴ ꓐꓴ ꓟꓬꓱꓽ ꓬꓰ ꓗꓸ ꓟꓽ ꓘꓳ ꓬꓰꓳ꓿ ꓦꓬꓼ ꓠꓬꓲ ꓙꓲ ꓡ ꓠꓬ ꓡ ꓓꓴ ꓥꓳ” ꓐꓰ ꓢꓷ ꓡꓰ ꓓꓴ ꓕꓳ ꓶ ꓗꓪ ꓐꓳ ꓔ ꓡꓳ꓿
1961 ꓘꓳꓼ ꓕꓯ John F Kennedy ꓡꓰꓽ ꓪꓴꓸ ꓔꓴ ꓔꓸ ꓟ ꓜꓴ ꓥ ꓢꓲ꓾ ꓕꓲ ꓟꓲ ꓠꓯ 142 ꓗꓴꓷꓼ ꓗꓪ ꓣꓱꓽ ꓙ ꓟꓬꓱꓽ ꓬꓰ ꓔꓬ ꓢꓴ 2 ꓢꓯꓹ 4 ꓟꓶꓽ ꓣꓳ ꓔꓬ ꓡꓳ꓿