ꓴꓢꓮ ꓟꓴ ꓡꓳꓹ ꓬꓰˍ ꓟ ꓫꓵꓽ ꓘꓶꓽ ꓔꓶꓸ ꓗꓪ ꓐꓰ ꓤ ꓠꓱ ꓧꓳꓹ ꓟꓽ ꓓ ꓟ ꓙꓵꓽ ꓗ ꓐꓯ ꓞꓷꓹ ꓩꓴ ꓡ ꓔꓯ ꓒꓳꓹ ꓔꓳꓹ ꓢꓴ ꓙꓳ ꓔꓬ

Anti-abortion activists celebrated the announcement outside the Supreme Court.

ꓤ ꓠꓱ ꓧꓳꓹ ꓓ ꓟ ꓙꓵꓽ ꓗ ꓬꓲꓸ ꓚꓰꓺ ꓥ ꓟ Roe v. Wade, 410 U.S. 113 (1973) ꓙꓵꓽ ꓗ ꓠꓬ ꓴꓢꓮ ꓗꓴꓷꓼ ꓗꓪ ꓚ ꓟꓲꓽ ꓓꓽ ꓟ ꓕꓲꓽ ꓟ ꓥ ꓡꓳ꓿

ꓮ ꓟꓶ ꓕꓲꓽ ꓧꓪꓹ ꓙꓵꓽ ꓗ ꓕꓱ ꓟ ꓠꓬ ꓟꓽ ꓜꓳꓽ ꓟꓽ ꓔꓱꓹ ꓐꓰ ꓴꓢꓮ ꓗꓴꓷꓼ ꓟꓴ ꓡꓳꓹ ꓬꓰˍ ꓟ ꓐꓯ ꓟꓴ ꓘꓶꓽ ꓔꓶꓸ ꓗꓪ ꓐꓰ ꓐꓯ ꓞꓷꓹ ꓩꓴ ꓡ ꓟ ꓗꓪ ꓐꓰ ꓴꓢꓮ ꓗꓴꓷꓼ ꓗꓪ ꓑ ꓫꓬ ꓐꓴ ꓢꓴꓺ ꓔꓴ ꓒꓳꓹ ꓔꓳꓹ ꓢꓴ ꓙꓳ ꓡ ꓔꓬ ꓡꓳ꓿

ꓦ ꓡꓱ ꓢꓴ ꓐꓴ ꓐꓰ ꓞꓳ ꓢꓯꓸ ꓪ ꓢꓯꓸ ꓚꓱꓹ ꓔꓯ ꓒꓵꓽ ꓢꓴ ꓐꓴ (pro life) ꓐꓴ ꓠꓬ ꓤ ꓠꓱ ꓧꓳꓹ ꓟꓬꓱꓽ ꓔꓯ ꓟꓽ ꓘꓳ ꓣꓴ꓿ 

ꓝꓮꓲ ꓕꓲ ꓒꓳꓹ ꓗꓪ ꓬꓲ ꓡꓲꓽ ꓬꓲ ꓖ ꓟꓽ ꓙꓳ ꓗꓷ ꓡꓰ ꓢꓲꓸ ꓤ ꓠꓱ ꓶꓻ ꓡꓰ ꓢꓴ꓾ ꓤ ꓠꓱ ꓙꓳ ꓡꓰ ꓟ ꓑꓶꓸ ꓓꓴ ꓡꓲꓹ ꓗꓷ ꓟꓽ ꓓꓻꓳ ꓫꓵꓽ ꓞꓳꓹ ꓔꓸ ꓓꓴ ꓗꓷ ꓡꓰꓳ ꓫꓵꓽ ꓔꓯ ꓗꓽ ꓔ ꓠꓹ ꓟ꓾ ꓝꓮꓲ ꓚꓲꓸ ꓛꓬ ꓢꓲꓻ ꓣꓴ ꓐ ꓡ ꓟ ꓙꓵꓽ ꓪ ꓔꓯ ꓒ ꓐꓲ ꓣꓱꓽ ꓠꓲꓹ ꓫꓵ ꓢꓴ ꓐꓴ ꓠꓬ “ꓥꓪ ꓖꓳ ꓓꓱ꓾ ꓥꓪ ꓮ ꓡꓲ ꓬꓰ ꓡꓲꓸ ꓬꓰ” ꓐꓯ ꓢꓲꓸ ꓘꓴ ꓔꓴ ꓔꓬ ꓡꓳ꓿

ꓕꓱ ꓟ ꓠꓬ ꓦ ꓡꓱ ꓚꓱꓹ ꓟꓸ ꓘꓶꓽ ꓑꓱ ꓘꓶꓽ ꓕꓲꓽ ꓒꓳꓹ ꓐꓰ ꓟꓲ ꓠꓯ ꓢꓷ ꓠꓲꓹ ꓓꓵꓽ ꓙ ꓚꓱꓹ ꓕꓲ ꓒꓳꓹ ꓠꓲꓹ ꓧꓳꓹ ꓡꓰ ꓟꓽ ꓓˍ ꓟ ꓫꓵꓽ ꓪꓴ ꓬꓲꓸ ꓡꓵꓺ ꓕꓲꓽ ꓟ ꓥ ꓡꓳ꓿