1). ꓬꓲ-ꓢꓷ-ꓡꓰ ꓗꓴꓷꓼ ꓒꓴ ꓞꓳꓽ ꓦꓲ ꓚꓰꓺ ꓧꓶꓽ ꓒꓴ 206 Billion ꓫꓺ ꓔꓬ
2).ꓡꓯꓼ-ꓑ-ꓓꓮꓳꓹ ~ ꓢꓸ-ꓡꓲꓹ-ꓙꓰꓸ ꓟꓵꓽ ꓗꓪ ꓙꓲꓽ ꓟꓽ ꓚꓴꓸ ꓠꓹ ꓟ ꓑꓓꓝ 16 ꓜꓴ ꓡꓰ ꓕꓳ ꓶ ꓓꓳ ꓡꓻꓳ
3).ꓑꓲꓺ ꓗꓪ ꓤ ꓟꓶ ꓤ ꓕꓲ ꓣꓳ ꓢꓲꓹ ꓜꓲ ꓐꓱꓽ ꓔꓲꓸ ꓢꓰꓼꓳ
Yꓲꓸ ꓢꓯ ꓠ ꓠꓹ ꓓꓴ(ꓮꓴꓓꓲꓳ)
ꓦꓲꓓꓰꓳ
ꓬꓲ-ꓢꓷ-ꓡꓰ ꓗꓴꓷꓼ ꓒꓴ ꓞꓳꓽ ꓦꓲ ꓚꓰꓺ ꓧꓶꓽ ꓒꓴ 206 Billion ꓫꓺ ꓔꓬ
ꓬꓲ-ꓢꓷ-ꓡꓰ ꓗꓴꓷꓼ ꓠꓬ ꓮ ꓕꓽ ꓟꓽ ꓚꓰꓼ ꓧꓶꓽ ꓒꓽ ꓒꓴ ꓬꓴꓮ 206 Billion ꓔꓯ ꓗꓴꓷꓼ ꓒꓴ ꓞꓳꓽ ꓦꓲ ꓚꓰꓺ ꓗꓪ ꓪꓴꓻ ꓫꓺ ꓗꓷꓳ ꓐꓰ Bloom Berg ꓓꓳꓽ ꓗꓪ ꓐꓳ ꓔ ꓡꓳ꓿ꓒꓴ ꓞꓳꓽ ꓦꓲ ꓒꓴ ꓐꓵꓽ ꓡ ꓚꓱꓹ ꓐꓱ ꓶ ꓬꓲꓸ ꓡꓲ ꓬꓲ ꓒꓰꓼ ꓙꓵꓽ ꓗ ꓡꓶꓸ ꓩꓴˍ ꓟ ꓥ ꓡꓳ” ꓐꓰ Bank of Israel ꓗꓪ ꓐꓰ ꓙꓵꓽ ꓢꓴ ꓠꓬꓲꓽ ꓣꓳ ꓕꓲ ꓣꓳ ꓯ-ꓓꓲ-ꓣꓴ ꓮ-ꓐꓶ (Andrew Abir) ꓡꓰ ꓐꓯˍ ꓡꓳ꓿
ꓡꓯꓼ-ꓑ-ꓓꓮꓳꓹ ~ ꓢꓸ-ꓡꓲꓹ-ꓙꓰꓸ ꓟꓵꓽ ꓗꓪ ꓙꓲꓽ ꓟꓽ ꓚꓴꓸ ꓠꓹ ꓟ ꓑꓓꓝ 16 ꓜꓴ ꓡꓰ ꓕꓳ ꓶ ꓓꓳ ꓡꓻꓳ
ꓡꓯꓼ-ꓑ-ꓓꓮꓳꓹ ~ ꓢꓸ-ꓡꓲꓹ-ꓙꓰꓸ ꓟꓵꓽ ꓗꓪ ꓙꓲꓽ ꓟꓽ ꓚꓴꓸ ꓠꓹ ꓟ ꓑꓓꓝ 16 ꓜꓴ ꓡꓰ ꓙꓳꓺ ꓗꓽ ꓕꓳ ꓶ ꓕꓲ ꓚꓴꓸ ꓠꓬꓲꓸ ꓠꓬꓲ 2022 ꓘꓳꓼ 4 ꓦ 21 ꓠꓬꓲ ꓗꓪ ꓓꓳ ꓩꓴ ꓡ ꓡꓳ꓿
“ꓟꓬ-ꓟ ꓟꓯꓼ ꓐꓱ ꓶ ꓒꓴ ꓧꓪ ꓙˍ ꓶ ꓡꓯꓼ ꓜꓴ ꓮ ꓙꓵꓽ ꓠꓽ ꓠ ꓔꓸ ꓡꓳ꓿ ꓕꓲ ꓗꓴꓷꓼ ꓡꓱꓸꓼ ꓫꓸ ꓙꓵ ꓔꓬ ꓟ ꓗꓪ ꓠꓴ ꓪ ꓶ ꓡꓯꓼ ꓬꓰ ꓢꓲꓸ ꓟꓬ-ꓟ ꓟꓯꓼ ꓔꓯ ꓔꓳꓹ ꓙ ꓟꓽ ꓓ꓿” ꓐꓰ ꓐꓳ ꓔ ꓡꓳ꓿
ꓮ ꓡꓲ ꓕꓲ ꓜꓴ ꓙꓲꓽ ꓚꓴꓸ ꓠꓲꓹ ꓫꓵ ꓢꓲꓸ ꓪꓴꓸ ꓔꓴˍ ꓠꓬ ꓖꓳ ꓗꓪ ꓢꓰꓼ ꓡ ꓓꓴ ꓥꓳ ꓐꓯ ꓔꓸ ꓡꓳ꓿
2022 ꓘꓳꓼ 9 ꓦ 9 ꓠꓬꓲ ꓕꓯꓽ ꓪꓴ-ꓑꓮꓳ ~ ꓬ-ꓢꓰ ꓙꓲꓽ ꓚꓴꓸ ꓔꓶꓸ ꓗꓪ ꓙꓰˍ ꓟ ꓮ ꓔꓳꓸ ꓙꓼ ꓚꓱꓹ ꓔꓯ ꓑꓓꓝ ꓐꓴ ꓡꓰꓽ ꓐꓶ ꓒꓬꓹ ꓩꓴ ꓡ ꓟꓶꓼ ꓕꓱꓼ ꓧꓶꓽ ꓗꓴꓷꓼ ꓙꓵꓽ ꓢꓴ ꓐꓴ ꓠꓴꓖ ꓔꓯ ꓜꓲ ꓡꓯ ꓘꓳ ꓡ ꓟ ꓥ ꓡꓳ꓿
ꓮ ꓟꓶ ꓠꓬ ꓟꓬ-ꓟ ꓗꓴꓷꓼ ꓗꓪ ꓙꓳˍ ꓟ ꓧꓶꓽ ꓒꓽ ꓗꓴꓷꓼ ꓶ ꓡꓯꓼ ꓚꓱꓹ ꓔꓯ ꓑꓓꓝ ꓡꓰꓽ ꓗꓽ ꓔꓸ ꓔꓴ ꓡ ꓟ ꓥ ꓡꓳ꓿
ꓑꓲꓺ ꓗꓪ ꓤ ꓟꓶ ꓤ ꓕꓲ ꓣꓳ ꓢꓲꓹ ꓜꓲ ꓐꓱꓽ ꓔꓲꓸ ꓢꓰꓼꓳ
ꓟꓲꓽ ꓦꓲ ꓟꓶ ꓦ ꓜꓯꓼ ꓡ ꓠꓬꓲ 2022 ꓘꓳꓼ 4 ꓦ 21 ꓠꓬꓲ꓾ ꓟꓶ ꓘꓶꓼ 3 ꓙꓵꓹ ꓕꓯꓽ꓾ ꓑꓲꓺ ꓡꓳ ꓒꓱ꓾ ꓟꓬꓼ-ꓗ-ꓔ ꓘꓹ (Pyay City, Mya Kan Ta) ꓗꓪ ꓤ ꓟꓶꓼ ꓤ ꓕꓲ ꓣꓳ ꓔꓯ ꓢꓲꓹ ꓜꓲ ꓐꓱꓽ ꓔꓲꓸ ꓢꓰꓼꓳ꓿ꓫꓵꓻ ꓢꓴ ꓬꓲꓸ ꓟꓳꓻ ꓔꓯ ꓘꓯ-ꓔꓲ-ꓬ ꓞꓳ ꓡꓱ ꓬꓰ ꓙ ꓜꓴ ꓡꓰ ꓖꓳꓻ ꓙ ꓢꓲꓸ ꓠꓯ ꓞꓲꓼ ꓦꓲ ꓗꓪ ꓦ ꓩꓴꓳ꓾ ꓐꓯ ꓡꓳ꓿