ꓠꓴꓖ ꓟꓽ ꓥ ꓠꓬ ꓟꓬ-ꓟ ꓗꓴꓷꓼ ꓐꓱ ꓶ ꓠꓱꓸ ꓐꓯꓼ ꓗꓴꓷꓼ ꓙꓵꓽ ꓜꓴ ꓟꓽ ꓙꓳ= ꓟꓯꓼ ꓡꓰ ꓑ ꓫꓬ ꓙꓵꓽ ꓪ ꓦꓴ ꓙꓰ ꓟ ꓔꓯ ꓘꓳ ꓣꓴ ꓟꓽ ꓐ ꓡ= ꓠꓴꓖ ꓗꓴꓷꓼ ꓙꓵꓽ ꓜꓴ ꓔꓯ ꓬꓰ ꓙ ꓓꓴ ꓥꓳ ꓐꓰ꓾ ꓙ-ꓑ ꓑ ꓫꓬ ꓝꓲ ꓓꓴ ꓐꓴ ꓗꓪ ꓟ ꓧꓳꓽ ꓪꓴꓸ ꓟꓴ ꓢꓴ Mr.Ichiro Aisawa ꓡꓰ ꓐꓯ ꓡꓳ= 2021 ꓘꓳꓼ 7 ꓦ 6 ꓠꓬꓲ ꓟꓬ-ꓟ ꓑ ꓫꓬ ꓡꓰ ꓢꓲꓻ ꓣꓴ ꓔꓸ ꓟ ꓠꓴꓖ ꓗꓴꓷꓼ ꓙꓵꓽ ꓜꓴ ꓗꓪ ꓟ ꓢꓲꓽ ꓒꓽ ꓐꓴ ꓐꓰ꓾ ꓙ-ꓑ ꓗꓴꓷꓼ ꓗꓪ ꓟ ꓑ ꓫꓬ ꓝꓲ ꓓꓴ ꓐꓴ ꓖꓪ ꓙꓱ ꓜꓲꓼ ꓡꓯ ꓘꓳ ꓕꓯ ꓕꓱ ꓡꓱ ꓕꓱ ꓩꓴ ꓡ ꓟ ꓥ ꓡꓳ= ꓟꓯꓹ ꓒꓬꓽ ꓟꓽ ꓜꓳꓽ ꓟꓽ ꓔꓱꓹ ꓬꓰ ꓡꓳ ꓐꓯ ꓢꓲꓸ ꓑ ꓫꓬ ꓙꓵꓽ ꓪ ꓦꓴ ꓔꓯꓹ ꓙꓰ ꓢꓴ ꓟꓯꓼ ꓢꓲꓽ ꓒꓽ ꓐꓴ ꓔꓯ ꓟꓽ ꓘꓳ ꓣꓴ= 2020 ꓘꓳꓼ ꓗꓪ ꓟ ꓟꓬ-ꓟ ꓢꓲꓽ ꓒ ꓢꓲꓻ ꓣꓴ ꓟ ꓑꓮꓲ ꓠꓬ ꓕꓲ ꓟꓲ ꓠꓯ ꓗꓪ ꓐꓰ ꓘꓳ ꓣꓴ ꓔꓸ ꓟ ꓥ ꓡꓳ= ꓮ ꓟꓶ ꓠꓴꓖ ꓟꓽ ꓥ ꓠꓬ ꓟꓬ-ꓟ ꓗꓴꓷꓼ ꓐꓱ ꓶ ꓠꓱꓸ ꓐꓯꓼ ꓗꓷꓼ ꓙꓵꓽ ꓜꓴ ꓟꓽ ꓙꓳ= ꓙ-ꓑ ꓗꓪ ꓐꓰ ꓢꓷꓸ ꓠꓲꓹ ꓢꓳ ꓚꓱꓹ꓾ ꓠꓯ ꓞꓲꓼ ꓚꓱꓹ꓾ ꓜꓽ ꓓꓴ ꓓꓳ ꓓꓴ ꓐꓰ꓾ ꓠꓱꓸ ꓐꓯꓼ ꓢꓷꓸ ꓠꓲꓹ ꓬꓲ ꓫꓵ ꓬꓲ ꓙꓰ ꓔꓯ ꓠꓴꓖ ꓗꓪ ꓐꓰ ꓕꓲ ꓝꓸ ꓟꓬ-ꓟ ꓑ ꓫꓬꓼ ꓔꓯ ꓬꓰ ꓙ ꓓꓴ ꓥꓳ= ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ ꓗꓪ ꓐꓰ ꓙ ꓡꓯ ꓘꓳ ꓢꓲ ꓟꓬꓱꓽ ꓟꓽ ꓬꓰ꓾ ꓝꓮꓲ ꓬꓲꓸ ꓪ ꓔꓯ ꓟꓯꓼ ꓢꓰꓼ ꓓꓴ ꓶ ꓤ ꓟꓽ ꓪꓴꓽ ꓖꓶ ꓐꓰ꓾ ꓐꓯ ꓩꓴ ꓡ ꓡꓳ= ꓠꓴꓖ ꓠꓬ ꓑ ꓫꓬ ꓡꓰ ꓢꓲꓻ ꓔꓸ ꓢꓴ ꓝꓲ ꓓꓴ ꓐꓴ ꓗꓪ ꓐꓰ ꓕꓲ ꓝꓸ ꓔꓳꓹ ꓔꓴ ꓔꓸ ꓟ ꓗꓴꓷꓼ ꓙꓵꓽ ꓜꓴ ꓥ ꓢꓲ꓾ ꓟꓵꓽ ꓗꓳ ꓓꓵ ꓓꓵ ꓗꓴꓷꓼ ꓐꓴ ꓐꓰ ꓙ ꓡꓯ ꓘꓳ ꓟꓬꓱꓽ ꓜꓲ ꓜꓲ ꓟꓴ ꓟꓴ ꓬꓰ ꓔꓬ ꓡꓳ=