NUG ꓐꓶ ꓗꓴꓷꓼ ꓢꓲꓽ ꓟ ꓜꓰ-ꓟ-ꓮꓳꓽ ꓔꓯ ꓴꓢꓮ ꓐꓰ ꓮ-ꓢꓰ-ꓬ ꓜꓴ ꓗꓪ ꓟ ꓢꓲꓽ ꓒꓽ ꓐꓴ ꓜꓲ ꓡꓯ ꓘꓳ ꓟ ꓔꓯ ꓟꓬ-ꓟ ꓟꓯꓼ ꓗꓳ-ꓢꓰ ꓠꓲꓹ ꓘꓪꓽ ꓟꓽ ꓫꓵ ꓒꓳꓹ ꓔꓳꓹ ꓡꓳ ꓐꓰ 2022 ꓘꓳꓼ 5 ꓦ 14 ꓠꓬꓲ ꓟꓶ ꓘꓶꓼ ꓝꓲꓸ ꓗꓪ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓮ-ꓢꓰ-ꓬ ꓗꓴꓷꓼ ꓜꓴ ꓗꓪ ꓟ ꓛꓳ ꓒꓯꓹ ꓗꓴꓷꓼ ꓐꓴ ꓠꓬ꓾ ꓜꓲ ꓜꓲ ꓑꓰꓹ ꓑꓰꓹ ꓬꓰ ꓢꓴ ꓐꓴˍ ꓐꓰ ꓬꓲꓸ ꓪ ꓝꓲ ꓓꓴ ꓐꓴ ꓔꓯ ꓕꓽ ꓙ ꓡꓯ ꓘꓳ” ꓐꓰ ꓟꓯꓼ ꓗꓳ-ꓢꓰ ꓡꓯꓼ ꓛꓲ ꓗꓪ ꓟ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒ ꓳ-ꓠꓼ-ꓟꓮꓳ-ꓡꓱꓽ ꓡꓰ ꓗꓽ ꓔꓸ ꓩꓴ ꓡ ꓡꓳ꓿
ꓕꓱ ꓟ ꓔꓯ ꓠꓴꓖ ꓗꓪ ꓟ ꓮ-ꓢꓰ-ꓬ ꓜꓴ ꓔꓯ ꓟꓳꓸ ꓙ ꓡꓯ ꓘꓳ ꓚꓱꓹ ꓢꓲꓽ ꓒꓽ ꓳꓸ-ꓐꓳ-ꓡꓼ-ꓔꓲꓼ ꓡꓰ꓾ “ꓠꓴꓖ ꓔꓯ ꓞꓳ ꓒꓵꓽ ꓢꓲꓸ ꓖꓪ ꓙꓱ ꓡ ꓔꓬ ꓟ ꓔꓯ ꓔꓳꓹ ꓠꓬꓹ ꓠ ꓗ ꓬꓰ ꓓꓴ ꓟ ꓠꓽ ꓚꓲꓸ ꓛꓬ ꓙꓶ ꓚꓲꓸ ꓛꓬ ꓢꓷꓸ ꓠ ꓔꓸ ꓥ” ꓐꓰ ꓐꓯ ꓡꓯ ꓔꓯꓽ ꓡꓽ ꓩꓴ ꓡ ꓡꓳ꓿
ꓴꓢꓮ ꓐꓰ ꓮ-ꓢꓰ-ꓬ ꓗꓴꓷꓼ ꓜꓴ ꓢꓲꓽ ꓒꓽ ꓐꓴ ꓜꓲ ꓡꓯ ꓘꓳ ꓢꓲꓸ ꓬꓰ ꓠꓹ ꓟ ꓟꓬꓱꓽ ꓚꓱꓹ 27 ꓟ ꓖꓪ ꓙꓱ ꓪꓽ ꓡꓰˍ ꓟ ꓗꓪ 26 ꓟ ꓕꓲ ꓟ ꓠꓬ ꓟꓬ-ꓟ ꓗꓴꓷꓼ ꓚꓱꓹ ꓐꓱ ꓶ ꓖꓪ ꓙꓱ ꓘꓶꓽ ꓥ ꓡꓳ꓿
ꓝꓮꓲ ꓟꓶ-ꓡꓯ-ꓫ ꓐꓶ ꓗꓴꓷꓽ ꓢꓲꓽ ꓒꓽ ꓠꓬ ꓠꓴꓖ ꓐꓶ ꓗꓴꓷꓼ ꓢꓲꓽ ꓟ ꓔꓯ ꓒꓴ ꓒꓴ ꓡꓯꓽ ꓡꓯ ꓜꓲ ꓡꓯ ꓘꓳ ꓗꓷ ꓡꓳ꓿
ꓬꓲ ꓚꓰ꓾ ꓟꓲ-ꓜꓲ-ꓟꓼ