NUG ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓟ ꓜꓰ-ꓟ-ꓮꓳꓽ ꓔꓯ ꓴꓢꓮ ꓡꓰ ꓘꓴ ꓡ ꓠꓬꓲ ꓪ-ꓫꓲ-ꓔ ꓗꓪ ꓛꓲ ꓬꓰ ꓢꓲꓸ ꓠꓬꓲꓸ ꓠꓬꓲ ꓟꓶ ꓘꓶꓼ 2022 ꓘꓳꓼ 5 ꓦ 12 ꓠꓬꓲ 8:30 (ꓟꓬ-ꓟ ꓙꓵꓹ) ꓕꓯꓽ ꓴꓢꓮ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓟ 2 ꓣꓳ ꓕꓲ ꓣꓳ Wendy Sherman ꓔꓯ ꓜꓲ ꓡꓯ ꓘꓳ ꓓꓴ ꓥ ꓡꓳ꓿
“ꓴꓢꓮ ꓐꓶꓽ ꓗꓴꓷꓼ ꓔꓯ ꓟꓳꓸ 2 ꓣꓳ ꓕꓲ ꓣꓳ ꓟ ꓔꓯ ꓠꓬꓲꓸ ꓠꓬꓲ ꓟꓶ ꓘꓶꓼ 8:30 ꓕꓯꓽ ꓜꓲ ꓡꓯ ꓘꓳ ꓓꓴ ꓥꓳ” ꓐꓰ ꓠꓴꓖ ꓢꓲꓽ ꓒꓽ ꓮꓳ-ꓟꓬꓳꓹ-ꓟꓰꓹ ꓡꓰ ꓐꓯ ꓡꓳ꓿
ꓝꓮꓲ ꓴꓢ ꓗꓴꓷꓼ ꓙꓵꓽ ꓜꓴ ꓧꓳꓽ ꓢꓴ ꓙꓳ-ꓐ-ꓓꓲ ꓡꓰ ꓧꓳꓽ ꓪꓴꓸ ꓟꓴˍ ꓟ ꓴꓢ ꓐꓰ ꓮ-ꓢꓰ-ꓬ ꓜꓴ ꓐꓴ ꓖꓪ ꓙꓱ ꓜꓲꓽ ꓓꓴ (5 ꓦ 12-13 ꓠꓬꓲ) ꓗꓪ ꓟꓬ-ꓟ ꓬꓲꓸ ꓛꓲ ꓮ ꓡꓲ ꓟ ꓔꓯ ꓓꓯꓻ ꓝꓲ ꓠꓹ ꓟ ꓟꓽ ꓚꓹ ꓪ ꓢꓰ꓿
ꓖꓳ ꓡꓱ ꓥ ꓟꓲ 5 ꓦ 14 ꓐꓬꓲ ꓕꓯꓽ ꓟꓶ-ꓡꓯ-ꓫ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓮ-ꓓꓴ-ꓡ (Saifuddin Abdullah) ꓠꓬ ꓠꓴꓖ ꓢꓲꓽ ꓟ ꓜꓰ-ꓟ-ꓮꓳꓽ ꓔꓯ ꓛꓲꓽ ꓝꓳꓹ ꓬꓲꓸ ꓪꓴꓸ ꓕꓲ ꓧꓪꓹ ꓜꓲ ꓡꓯ ꓘꓳ ꓓꓴ ꓥꓳ꓾ ꓐꓰ BenarNews ꓗꓪ ꓐꓯ ꓡꓳ꓿