Nippon Foundation ꓢꓽ ꓡ ꓙꓵꓽ ꓢ-ꓢ ꓗ-ꓪ ꓐꓰ ꓑꓳꓺ ꓔꓯꓹ ꓟꓯꓼ ꓐꓴ ꓕꓮꓲꓹ ꓟꓵꓽ꓾ ꓛꓰꓹ-ꓟꓮꓲꓽ ꓡꓳ ꓒꓱ ꓗꓪ 2022 ꓘꓳꓼ 3 ꓦ 10 ꓠꓬꓲ ꓕꓯꓽ ꓜꓲ ꓡꓯ ꓘꓳ ꓓꓴ ꓥꓳ ꓐꓰ The Ayeyawaddy ꓡꓰ ꓐꓳˍ ꓡꓳ꓿
ꓘꓴ ꓔꓸ ꓟ ꓑꓳꓺ ꓔꓯꓹ ꓟꓯꓼ EAOs ꓐꓴ ꓠꓬ꓾ KNPP꓾ KNU꓾ RCSS꓾ PNLO꓾ NMSP ꓐꓴ ꓥ ꓡꓳ ꓐꓰ ꓢꓷꓸ ꓪ ꓡꓳ꓿
“ꓜꓲ ꓡꓯ ꓘꓳ ꓟ ꓗꓪ ꓗꓴꓷꓼ ꓫꓵꓽ ꓪꓴ ꓕꓯꓽ ꓢꓲ ꓟꓯꓼ ꓛꓰꓹ ꓑꓬ ꓔꓬ ꓟ ꓑ ꓫꓬ ꓐꓴ ꓐꓱ ꓶ ꓬꓰ ꓙ ꓚꓱꓹ ꓖꓪ ꓙꓱ ꓓꓴ ꓥꓳ ꓐꓰ꓾” ꓗꓠꓑꓑ ꓟꓬꓱꓽ ꓢꓲꓺ ꓘꓴꓸ-ꓓꓯ-ꓠꓰ-ꓬꓯ ꓡꓰ ꓐꓯ ꓔꓸ ꓡꓳ꓿
ꓙ-ꓑ ꓗꓪ ꓐꓰ ꓡˍ ꓟ ꓝꓲ ꓓꓴ ꓢ-ꓢ ꓗ-ꓪ ꓠꓬ 2022 ꓘꓳꓼ 3 ꓦ 7 ꓠꓬꓲ ꓕꓯꓽ ꓗ-ꓐꓳ-ꓓꓲ-ꓬ ꓗꓴꓷꓼ ꓗꓪ ꓙꓰ ꓢꓲ꓾ ꓗꓴꓷꓼ ꓙꓵꓽ ꓢꓴ ꓧꓳ-ꓢ ꓐꓰ꓾ ꓐꓶ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓐꓰ꓾ ꓟꓬ-ꓟ ꓐꓱ ꓶ ꓮ-ꓢꓰ-ꓬ ꓝꓲ ꓓꓴ ꓢꓳ-ꓘꓳ (Prak Sokhonn) ꓔꓯ ꓜꓲ ꓡꓯ ꓘꓳ ꓗꓷꓳ꓿
ꓒꓶꓻ ꓟꓽ ꓓˍ ꓟ ꓫꓵꓽ ꓪꓴ꓾ ꓒꓴ ꓟꓽ ꓓ ꓟ ꓢꓳ ꓕꓴꓽ ꓡꓰ ꓐꓰ ꓗꓹ ꓟ ꓟꓬ-ꓟ ꓗꓴꓷꓼ ꓫꓵꓽ ꓪꓴ ꓐꓱ ꓶ ꓐꓰ꓾ ꓫꓸ ꓠꓰ ꓪꓴꓽ ꓔꓯ ꓕꓲꓺ ꓡꓰ ꓔꓬ ꓟ ꓟꓯꓼ ꓛꓰꓹ ꓑ ꓫꓬ ꓐꓴ ꓐꓱ ꓶ ꓙꓲ ꓖꓴ ꓙꓳˍ ꓟ ꓮ ꓫꓵꓽ ꓬꓰ ꓓꓳ ꓡ ꓥ ꓢꓶ? ꓐꓰ ꓢꓰꓸ ꓮ ꓢ ꓢꓴ ꓙꓳ ꓔꓬ ꓡꓳ꓿
Ref: The Ayeyawaddy