2022 ꓘꓳꓼ 5 ꓦ 6 ꓠꓬꓲ ꓕꓯꓽ ꓟꓶ-ꓚꓲ-ꓠ ꓗꓪ ꓙꓳˍ ꓟ NDAK (The New Democratic Army – Kachin) ꓜꓴ ꓧꓳꓽ ꓢꓴ ꓜ-ꓘꓳ-ꓔꓲ-ꓬꓲꓹ (Zahkung Ting Ying) ꓦꓲ ꓗꓪ ꓡ ꓛꓴꓸ ꓒꓽ ꓐꓶ ꓡ ꓢꓲꓸ ꓡꓳꓸ ꓢꓴ ꓟꓯꓼ 2 ꓣꓳ ꓫꓵꓻꓳ ꓐꓯ ꓡꓳ꓿
“ꓟꓶ ꓘꓶꓼ 10 ꓙꓵꓹ ꓐꓶꓽ ꓔꓯ ꓡ ꓛꓴꓸ ꓒꓽ 2 ꓕꓷꓹ ꓐꓶ ꓡ ꓡꓳ꓿ ꓖꓳ ꓗꓪ ꓡꓳꓸ ꓢꓴ ꓟꓯꓼ ꓔꓬ ꓟ ꓥꓳ꓿ ꓦꓲ ꓗ ꓘꓶꓽ ꓠꓬ ꓮ ꓕꓯˍ ꓟꓲ ꓑꓲꓸ ꓔꓸ ꓡꓳ꓿ ꓡꓳꓸ ꓢꓴ ꓟꓯꓼ 2 ꓣꓳ ꓫꓵꓻꓳ ꓐꓰ ꓑ ꓙ ꓡꓳ” ꓐꓰ ꓟꓬꓯ-ꓟꓰꓼ ꓢꓴ ꓕꓲ ꓣꓳ ꓡꓰꓽ ꓐꓯ ꓡꓳ꓿
ꓜ-ꓘꓳ-ꓔꓲ-ꓬꓲꓹ (Zahkung Ting Ying) ꓠꓬ꓾ 1989 ꓘꓳꓼ ꓕꓯꓽ ꓟꓯꓼ 700 ꓣꓳ ꓧꓳꓽ ꓢꓲꓸ ꓗꓲꓳ ꓗꓪ ꓐꓰ ꓧꓹ ꓓꓳ ꓡ ꓢꓲꓸ ꓠꓓꓮꓗ ꓬꓰˍ ꓡꓳ꓿
ꓝꓮꓲ ꓖꓳ ꓕꓲ ꓘꓳꓼ ꓗꓪ ꓔꓲꓸ ꓟꓬ-ꓟ ꓟꓯꓼ ꓔꓯ ꓝꓸ ꓢꓲꓸ ꓬꓲꓸ ꓫꓳ ꓕꓲ ꓟꓵꓽ ꓟꓯꓼ (special regional task force) ꓐꓯ ꓢꓲꓸ ꓔꓬ ꓡ ꓡꓳ꓿
2009 ꓘꓳꓼ ꓗꓪ ꓠꓬ ꓟꓵꓽ ꓘꓶꓽ ꓡꓳꓸ ꓟꓯꓼ (border guard force) ꓒꓬꓱꓼ ꓡ ꓡꓳ꓿ 2010 ꓘꓳꓼ ꓗꓪ ꓑ ꓫꓬ ꓝꓲ ꓓꓴ ꓢꓲꓻ ꓪ ꓡꓰ ꓢꓴ ꓥ ꓡꓳ꓿ 2016 ꓢꓲꓻ ꓣꓴ ꓑꓮꓲ ꓗꓪ ꓠꓬ ꓬꓲꓸ ꓪꓴꓸ ꓕꓯꓽ ꓬꓲꓸ ꓧꓪꓸ ꓡꓰꓳ ꓐꓯ ꓡ ꓥ ꓟꓲ ꓬꓲꓸ ꓔꓯ ꓗꓳꓹ ꓢꓴ ꓙꓳ ꓡ ꓢꓲ꓾ ꓢꓲꓻ ꓣꓴ ꓑꓮꓲ ꓬꓲꓸ ꓡꓲꓽ ꓟꓽ ꓛꓳ ꓔꓸ ꓟ ꓡꓳꓸ ꓟꓳˍ ꓠꓬꓲ ꓑ ꓫꓬ ꓝꓲ ꓓꓴ ꓟꓬꓱꓽ ꓗꓪ ꓐꓰ ꓠꓽ ꓩꓴ ꓝꓲꓳ꓿